Matius 6:5 - Allah Wene Hurumbik Keron

⁵ At Yesusen yig isaruk wilil, “Hit sembahyang uruk wilil, it aphe inindi demat ulug ebetuk elehon etno ilitoho welam fug-o. It epmano sembahyang o Allah wene uruk ambeg inim, eke kwalem handohalma inim sembahy­ang yaron uruk am inindi-o. It apheyen inilanggen nisawag ulug­-at sembahyang uruk-o. Ari halug onggo fanowon etno og isahu fug-o, ulug An demat yig hisaruk ahi-o.

Matius 6:5 ပူးပေါင်းရင်းမြစ်များ

Matius 21:22

Eke hiren sembahyang kino uruk wilil, hinindi demat ulug ebetuk hisalug, og hisahu at-o,” ulug yig isebag.

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Matius 23:5

It epmano hag apheyen inilanggen nisawag ulug-at suruk-o. Eke inungguluag fam inim, eke ininggik so fam inim Allah wene obog-at wene baleg wereg oke, inilahoagma hele angge­on fam homahakeg, eke inasum atog yaron wanteheg suruk-o.

Matius 23:6

Ariroho suruk wilil, wam waroko esoho suon esetuk ambeg epmano kulug anggela-at horie eheg, eke it Yahudi ap sembahyang uruk ambeg ap suon inahe daleg epmano fam horie eheg,

Matius 6:1

At Yesusen yig isaruk wilil, “Hiren it aphe inaharek ele­hon epmano dorat og isaruk wilil, it ap nin og isaruk ahion du inilanggen neawag-o ulug hinahla buk fug-o. Ariroho buruk hisa­lug, At Hinikni boholma werehon etnowen onggo og hisahu fug-o.

Matius 6:16

At Yesusen yig isaruk wilil, “Hit orom nenggeg eleg wilil bok welamuog ulug suruk ahep ari, it nin inindi inenggal neken werehon epmanowen suruk hag hit suk fug-o. It epmano orom nenggeg eleg wilil, bok welamuog ulug suruk ari, apheyen ini­langgen nisawag ulug inolohore dag atuk-o. Ari halug, onggo fanowon etno fobik og isahu fug-o, ulug An demat yig hisaruk ahi-o.

Matius 6:2

Eke it aphe inaharek elehon epmano dorat og isaruk wilil, hini­nuk suontepfukag ulug binggon une uk fug-o. Eke it inindi demat ulug ebetuk elehon epmano nininuk suontepfukag ulug o Allah wene uruk ambeg epmano inim, kwalema apheyen onggo anggolo hundutuk ambeg epmano inim ariroho suruk-o. It ariroho surukon epmano onggo fanowon etno og isahu fug-o, ulug An demat yig hisaruk ahi-o.

Matius 9:38

At orom yabuk unde wereg etnowen ap orom yabuk surukon obam seberoho og hisawag ulug kino yig imuk-o,” ulug At Yesusen omini epmano yig isebag.

Markus 11:25

Eke hit minatlug sembahyang uruk wilil, hit dag suruk ahebon epmano Hinikni boholma werehon etnowen hinobam hinapelegsoho apma hinombisahukag ulug, hiren ap du nambit-o, ulug hinim healeg welahebon etno, obam apelegsoho hinapma umburuk amuk-o,” ulug yig isebag.

Markus 12:38

Inahien suruk apareg weregma, At Yesusen yanggul isaruk wilil, “It ap Allah wene baleg unde epmanowen hinindi kahaluk nowen hinonggarehen hinindi aso welamuk-o. Eke it epmano inasum yaron wantepfulug kwalem ke yuhun-at sil nuruk wilil, o onggo hundutuk ambeg epmano it apheyen heahi war ninabukag ulug sil nuruk-o.

Lukas 11:43

Hit Farisi ap du hinabua-o. Wene uruk ambeg olohot fil horieg welamon etno inim, eke onggo hundutuk ambehen heahi war hinabukon etno inim hinindi welahep ari hinabua-o.

Lukas 18:1

Nin eke fobik it apheyen sembahyang nintul nantul uruk wilil, inindi arik atlug inahla bug am nowen ulug At Yesusen yanggul isebag.

Lukas 18:13

Sembahyang uruk apagma, eke at ap uang onggo kino urukon etno hag ebe yatma neken wilil, olohore boholma lahap am akolen olohore kweanma wanduksoho wilil, inggiken indi kik haruk apareg, yig ituk wilil, ‘Nikni-o, an dag-at suruk ahionen yig hituk ahi du, hahmu niyimin-o, Allah wai,’ ulug yig epag-o.

Lukas 20:47

Eke it hweap suhweon epmano inabua iseheg eleg wilil, inibam muko wilip isalug, it imig sarukon oke, nit fano-o ulug aphe inil fam sembahyang yaron uruk-o. Ari halug, inebe oag deloko o dagma-at imbisahu-o,” ulug yig isebag.

Lukas 6:24

Eke hit kidia hinaharek anggolo werehon halug, eleg aruhu ari, hinabua-o.

Yohanes 16:24

Eke hit bilin An ninuk fam yi angge di angge kino irikip fuhon oke, kidia hag An ninuk fam kino uruk amuk ulug yig hisaruk ahi-o. Ari halug, hiren fobik hinahien anggolo haruk amuog ulug kino yig ituk amuhupmu, Aren og hisahu-o,” ulug yig isebag.

Efesus 6:18

Ariroho holaruk wilil, hit At Allahen yalmag hisawag ulug sembahyang uruk amuk-o. Eke At Roh Kudus etnowen yanggul hisaruk halug, hit nintul nantul sembahyang uruk amuk-o. Eke ari halug, hit nintul nantul yaharoho wilil, sohorep iseheg eleg-at it Allah udaki epmano nintul nantul inake sembahyang uruk amuk-o.

1 Tesalonika 5:17

Eke hit ilikia hupmu sembahyang uruk amuk-o.

Yakobus 4:6

Eke nindi nindi urukon epmano arat og nisarision oke, obam seberoho ninobabut fano welamon etno og nisarision ari, Alkitab fam yig nisaruk wilil, “Ap nin inonggarehen suontepatarukon halug, At Allahen seberep isahu-o. Eke it ap nin inonggarehen seberepatarukon halug, suontep isahu-o,” ulug holal embebahon etno fam yig nisaruk-o.