Matius 6:30 - Allah Wene Hurumbik Keron

³⁰ Eke hit hinindimu dorat ebetuk ahep du hinesanggo holiek-o. At Allahen isingga o limu sono hondok yalepfuhukon etno fanoroho wantep isaruk halug, hit hinebe fanoroho wantep hisahaku fug behep ano?

Matius 6:30 ပူးပေါင်းရင်းမြစ်များ

Matius 14:31

At Yesus ik ahumu inggik belapfuruk apareg, senoko minduhupfebag. Minduhupfuruk apareg, yig ituk wilil, “Hat hindi biren ahenteg fam, An nobam dorat ebetuk ahen hihi-o,” ulug yig epag.

Matius 16:8

At Yesus etno enggag isaruk apareg, yig isaruk wilil, “Hit orom roti ninapeleg ahe uruk ahep du keroho ulug uruk ahep-o? Hit hinindi fanoroho ebetuk ahep fug hisihi-o.

Matius 17:17

Yig ituk apagma, At Yesusen yig isaruk wilil, “Nomini-o, hit An ninim welaheon oke, hinindi dahon wilil fikfag ebereheg eleg sil nuruk ahep du, An ninggik maren ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, ap etno yig ituk wilil, “Udag ari walug nambeg dia ma-o,” ulug yig ituk apareg, setan etno winimug yig ituk apagma, wilip apag.

Matius 8:26

At Yesusen yig isaruk wilil, “Hit Allah une fanoroho ebetuk ahep fug etno, keroho ulug hinakolen uruk ahep-o?” ulug yig isebag. Yig isaruk apareg, minatlug hiahne etno inim, ik etno inim winimug yig isaruk apagma, aplohok eleg apag.

Markus 4:40

Ariroho suruk apagma, yig isaruk wilil, “Hit Allah une fanoroho ebetuk ahep fug etno, keroho ulug hinakolen uruk ahep-o?”

Markus 9:19

Yig ituk apagma, eke At Yesus etnowen yig isaruk wilil, “Nomini-o, hit An ninim welaheon oke, hinindi fikfag ebereheg eleg sil nuruk ahep du, An ninggik maren hit ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, eke at ap etno yig ituk wilil, “Hat udag ari walug nambeg ma-o,” ulug yig epag.

Lukas 12:28

At Allahen isingga o limu yoho werehon, sono hondok yalepfuhukon etno fanoroho wantep isaruk halug, hit hinebe fanoroho wantep hisahu fug behep? Hit hinindimu dorat ebetuk ahep-o.

Lukas 9:41

Yig ituk apagma, At Yesusen yig isaruk wilil, “Hit hinindi fikfag ebereheg eleg-at wilil, hinobabut dahon-at welahep du, An ninggik maren ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, at ap etno yig ituk wilil, “Hat hamloho ari walug nambeg ma-o,” ulug yig epag.

Yohanes 20:27

Yig isaruk apareg, eke at Tomas etno yig ituk wilil, “Ninggik ahul nahambut duma hilanggen bikharuk apmihinteg, hinggik kolabin-o. Eke nombandu nahambut elma epma hinggik-dot undamaroho kolapfin-o. Ariroho kolapfuruk apmihinteg, hindi biren welahenon etno sohorep isalug, demat ulug An nobam hindi ebetuk amin-o,” ulug yig epag.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.

1 Petrus 1:24

Ari wene etno Alkitab du fam weregma hiniluk-o, “Yi aphe di aphe obog isingga neken wereg-o; eke it yi aphe di aphe epmano e anggen olohore fanowon neken wereg-o. Ariroho wereg oke, isingga etno bug atlug, e anggen olohore dag atuk atlug loloko kweanma amburuk-o.