Matius 6:25 - Allah Wene Hurumbik Keron

²⁵ Eke ari fam, hiniluk wilil, orom ik kerohon nik-o, ulug seneni ebebuk fug-o. Eke hinebema sum kerohon wansik ulug seneni ebebuk fug-o. Hiniluk wilil halug, naruk angge etno apma-at welahep-o. Eke hinebe anduhunmu neken wilil, hinasum apma-at welamag-o.

Matius 6:25 ပူးပေါင်းရင်းမြစ်များ

Matius 10:19

Hinombisahik laruk amuhupmu, hiren nongge yig isuk-o, keroho uk-­o, ulug hinindi seneni ebebuk fug-o.

Matius 13:22

Eke i angge isinggama kililtil lebag etno hag ari, it nin wene inesanggo holtuk atlug oke, inindi seneni ebetukon etno inim, eke yi angge di angge holawon ebetukon etno inim, it inindi ariroho yi angge di angge kweanmon ebetukon ari obog-at inindimu anggen yihikup fug-o.

Matius 6:31

Ari halug, orom ik kerohon nik-o, sum kerohon wansik-o, ulug hinindimu seneni ebebuk fug-o.

Matius 6:34

Eke o sono keroho sik ulug seneni ebebuk fug-o. O sono hiren seneni ebebukon ari sono-at ebebuhup-o. O hari nintul nantul seneni ebetukon ari akeleg sik-at wereg-o,” ulug yig isebag.

Markus 13:11

Eke hit ininggik sen hinaplug laruk amuhupseg, hinunema waruk isalug, hiren keroho yig isuk ulug hinindi seneni ebebuk fug-o. Fobik o etno sambit yig hisahuon etno-at yig isuk ulug hinindi ebetukmu, At Roh Kudus etnowen hat ariroho in-o, ulug yig hisaruk halug, etno-at yig isaruk amuhup-o.

Markus 4:19

eke an suon ulug urukon etno inim, eke inindi fam yi angge di angge surukon epmano inim, it inindi ariroho ebetukon ari obog-at inindimu anggen yihikup fug-o.

Lukas 12:11

Eke hit hinebe hinaren baluog ulug o Allah wene uruk ambeg inim, it ap suon, inowesi inolohotma inim hinombisaharuk isalug, hiren wene onggo keroho yig isuk ulug, hinindi seneni ebebuk fug-o.

Lukas 8:14

Eke i angge isinggama kililtil lebag etno hag ari it apheyen wene etno inesanggo holtukon oke, fobik inindi yi angge di angge holawon ebetukon etno inim, eke an kweanma dumen keroho fano welaruhuk ulug inindi seneni ebetukon inim, eke inindien yi angge di angge surukon epmano inim, ariroho anggolo ebetil nurukon ari, iren angge anggen yihikon etno wirik atuk eleg-o.

Roma 8:32

Eke At Allahen Amloho etno ili wao sohorep isalug, nit obog ninake embebareg fam, At Kristus inim eke yi angge di angge obog inim og nisahu fug buruk ahep ano?

1 Korintus 7:32

Eke hit hinindi seneni ebereheg eleg welam fano ulug nahla buruk ahi-o. Eke ap hwe oho elehon etnowen At Ninowe eyabuk sukon etno-at indi ebetuk wilil, “An Nowe etnowen ahien hawag ulug keroho sik-o?” ulug ahla buruk-o.

Filipi 4:6

Eke yi angge di angge epmano fam hinindi seneni ebebuk fug-o. Eke At Allah wa ulug yig ituk wilil, du angge og ninim-o ulug At Allah obam kino uruk wilil sembahyang uruk amiek-o.

2 Timotius 2:4

Eke ap misig anggimbu ari, at iknien yig itukon etno-at ilitoho sik ulug ahla buruk wilil, yi yabuk di yabuk werlekon sohorep isaruk-o.

1 Petrus 5:7

Ariroho suhuon hiniluk wilil, hit hinindi seneni ebetuk ahebon epmano obog At hinaso werehon etno yig ituk amiek-o.