Matius 6:10 - Allah Wene Hurumbik Keron

¹⁰ Hat weregmen sukon etno fanggogsepfin-o. Hat hahla buruk ahenon etno boholma inim, kweanma inim suruk aruhun-o.

Matius 6:10 ပူးပေါင်းရင်းမြစ်များ

Matius 12:50

It aphe An Nikni boholma werehon etnowen une yig isarukmu inesanggo holtukon halug ari, An nomini nisina nosi-at wereg-o,” ulug yig isebag.

Matius 16:28

Eke misig du hinindi ebetuk amiek-o. Hit aphe nin duma welahebon epmano waraheg eleg hiniluk wilil, An Allah Amloho suon waharukmu hinilanggen neahup-o,” ulug yig isebag.

Matius 26:42

eke At Yesus bilin lebag etno hag fobik laruk apareg, sembahyang uruk wilil, “Nikni-o, An ambusu sohorluk fam honanggo du naruk eleg nealug, Haren wamihin fug hiyihi-o. Ari halug, Hat hahla buruk ahenon etno-at siuk-o,” ulug sembahyang uruk apareg,

Matius 3:2

Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Matius 4:17

Ariroho holal embe­bareg fam, eke fobik o ari famen At Yesusen wene yanggul isebag. Yanggul isaruk wilil, “Hinindi wereg amiek-o. At Allah boholmen sukon etno fanggog ehek-o,” ulug yig isaruk apag.

Matius 7:21

Eke At Yesusen yig isaruk wilil, “Eke it Nowe, Nowe ulug yig nitukon epmano obogsoho At Allah weregma kuhup fug-o. It nin At Ninikni boholma werehon etnowen wene duroho suruk amuk eke duroho suruk am fug yig nisebahon etno ilitoho surukon halug o epma kuhup-o.

Markus 11:10

Eke at ninetamu Daud ubulukmu Ninowe suon welariog ulug wahaon du At inuk-at suontepfuk-o. Eke At Ninikni boholma werehon etno akeleg-at alon faluk-o,” ulug inune suon uruk apag.

Markus 3:35

At Allahen une yig isarukon etno inesanggo holtukon halug ari, An nisina nosi-at wereg-o,” ulug yig isebag.

Lukas 19:11

Eke aren yig isarukmu inesanggo holfahon epmano At Yesusen wene ilitoho neken yig isebag. Yig isiog ulug suruk wilil, At etno o Yerusalem horog fanggog ik waharuk apagma, it apheyen At Allah weregmen sukon etno horog fanggog uhu ano ulug inahla buruk apag.

Lukas 19:38

“At Ninowe Ninikni inuk fam wahaon du At Allah ahien obam umbukag-o. Eke boholmen dambuk ninaptuk etno fam At Allah inuk suontepfuruk amuk-o,” ulug heahi watuk apag.

Lukas 22:42

“Nikni-o, An ik sihon sohorluk fam honanggoma niog ulug suruk ahion du Hat hahla bulug elehepfin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Yohanes 4:34

eke At Yesusen yig isaruk wilil, “An ebe naruk ahion ari, At lahap nabik waharision etnowen ahla burukon etno ilitoho seheg, eke An yabuk suruk amag ulug og nitision etno arat seheg suruk ahi ari fam, naharom neken nalug welahi-o,” ulug yig isebag.

Yohanes 6:40

eke fobik ahla bebahon misig yig nituk wilil, it yi aphe di aphe obohen Namloho hat inilanggen heahupseg, hobam ebetuk isalug, Anden iniluk welamon etno og isahuk-o. Ariroho og isaruk aruhukseg, fobik o ari fam obog-at iniluksoho minduhup isahuk-o, ulug yig nepahon etno-at yig hisaruk ahi-o,” ulug yig isebag.

Yohanes 7:17

Eke ap misig At Allah ahla burukon etno ilitoho siog ulug suruk halug, An wene yanggul hisaruk ahion etno, At Allahen yig itukmu suruk ano, onggareg ahla bulug-at suruk ano, ulug iluk arikon-o.

Kisah Para Rasul 13:22

Minduhupfebahon etno sohorep isaruk apareg, fobik Allahen Daud etno inowe raja welamag ulug minduhupfebag. Minduhupfuruk apareg, Allahen Daud etno aren baltuk wilil at Daud Isai amloho minduhupfirikikon etno nahientoho welahi-o. Eke at Anden yig itukon epmano fanoroho esanggo holtug suruk-o ulug At Allahen ebag.

Kisah Para Rasul 21:14

o Yerusalem la fug yig itukukon etno ahlahirepfuruk atisimu, niren uruk wilil, “Ariroho ehekseg fam, At Allah indi ebetukon etno suhu at-o,” ulug urukuk.

Kisah Para Rasul 22:14

at etnowen yig nituk wilil, ‘It ninetamuki Inikni Allahen ahla bebahon etno hat hiluk amag ulug fuloko hombaharisi-o. Hombaharisireg fam, At anggimbu obabut fanowon hilanggen haruk weregma, At une fam yig hitukmu holtikin-o.

Roma 12:2

Eke it aphe kweanmon dumen suruk etno hag suruk am fug-o. Eke At Allahen hinindi ebetuk ahebon etno ketoho hinombisahukag ulug At akeleg-at mutlug laruk amuk-o. Ariroho laruk hisalug, At Allahen duroho siuk ulug yig hisawon etno hiniluk amuhup-o. Eke At Allahen duroho suhup ahla burukon etno atog arat ahla birisi ari, fanowon ahien hawon etno-at ahla birisi-o.

Efesus 6:6

Eke hit yabuk suruk wilil halug, it inil fam etano-at inahien nisawagsoho fanoroho suk-o ulug hinahla buk fug-o. Ariroho hinahla buruk eleg wilil, eke hit hinebe At Kristus anggimbu welahep etno fam, At Allahen ariroho siuk ulug ebag etno ilitoho nintul nantul yabuk fanoroho suruk amuk-o.

Kolose 1:13

Eke o hik oag weregsoho wereg ambeg epmanowen wilip nisahik wapareg, At Amloho wereg ambeg epmano ninili oko kolap ninaptisi-o.

Kolose 1:9

Ariroho yig nisarisimu holtukukseg fam, nintul nantul hit hinake sembahyang uruk ahe-o. Ariroho uruk ahe ari, At Allahen ariroho siuk ulug yig nisarukon etno hiniluk ulug sembahyang uruk ahe-o. Eke At Roh Kudus etnowen hinindi kahaloko yig hisaruk wilil, hiniluksoho yig hisawag ulug sembahyang uruk ahe-o.

1 Tesalonika 4:3

Eke At Allahen hit hinobabut fanoroho seheg, eke hwe ap uhweon wanggik surukon etno sohorep iseheg suruk amag ulug yig hisaruk-o.

1 Tesalonika 5:18

Eke dahon hinobam embeheg, fanowon hinobam embeheg suruk halug, nintul nantul Hinikni wa ulug uruk amuk-o. Eke At Yesus Kristus inuk fam nintul nantul wa ulug sembahyang uruk amag ulug At Allahen ariroho siuk ulug yig nisarisi-o.

Ibrani 1:14

Ari halug, it malaikat etno sa ilitoho wereg buruk ahep-o? It inebe ari, aphe inahut neken wilil, At Allah inuk yig isarukon At anggimbu-at wereg-o. Eke it aphe inili holahubon etno inaso welamag ulug At Allahen-at lahap isaruk-o. Ariroho lahap isaruk halug, it ineyabuk ari-at wereg-o.

Ibrani 10:36

Eke At Allahen og hisahuk ulug ebahon etno huluog ulug hiren At ahla burukon etno suruk amuk-o, ulug hinahla buruk wilil hinindi seberoho-at welamuk-o.

Ibrani 10:7

Ariroho hambit haruk healug, eke Anden yig hituk wilil, Allah wai. An nahurumbik etno wene holal baleg wereg etno fam, kidia haren du suhu ulug hahla buruk ahenon etno-at ilitoho siog ulug wahi-o, Nikni,” ulug yig epag.

Ibrani 13:21

Eke hiren At Allah ahla burukon etno ilitoho suruk amuhuben, At Allah aphe obog dambuk inaptukon etnowen yi angge di angge fanowon epmano og hisawag ulug yig hisehe-o. Eke nit ninebe At Yesus Kristus ninim hunduhuk wereg nisalug, At ahla buluhen-at ninindi yabuk suruk aruhureg, ari fam ahien hawag ulug ehe-o. Ari ehe ari, nintul nantul At Kristus inuk-at suontepfuruk amuk-o, ulug demat yig hisehe-o.

1 Petrus 2:15

Eke it aphe yuhun-at inenggal urukon epmano inune eleg amag ulug At Allahen, fanoroho suruk amiek-o, ulug yig hisaruk wereg-o.

1 Petrus 4:2

Eke ari halug, kidia o kweanma duma wilil, At Allahen komo yig nisebahon etno-at mutlug laruk amuhupseg, kweanmen dag surukon epmano obog seberep isahup-o.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 12:10

Belap inabik waharuk atusama, eke fobik boholmen une suon urukmu holtikik-o. Nesanggo holeg weregma, une etnowen uruk wilil, “At Allahen aphe inili wawon epmano kidia fanggog ehek-o. Eke At Allah inim, At Amloho Kristus etno inim suon ahesa-o. Suon ahesareg fam, At Allah olohotma ninomini nintul nantul inambolma dahaltukon epmano boholmen hik isehesa-o.

Wahyu 19:6

eke fobik ik hul une etno ilito­ho eke serlemban une ilitoho it aphe wanereg eleg inune uruk wilil, “At Allah inuk-at suontepfuruk amuk-o. At Allah suon etno nit Ninikni-at wereg-o.

Wahyu 20:4

At iblis hele wareg weregma, it aphe anggolo horie uruk ambeg epmano weregma isarikik-o. Nilanggen isarikikon epmano inebe suon welamag ulug minduhup isarusa-o. Minduhup isarusareg weregma, eke it aphe Allah wene inim, eke At Yesusen yanggul isebahon etno inim aphe yig isebareg fam war inapahon epmano inahurangge inim weregma isarikik-o. Ariroho weregma nilanggen isarikikon epmano walo suon ebe etno inim, eke ebe ilitoho sehon etno inim inobam sembahyang eheg eleg wilil, walo suon inuk inilaho­ag fam ininggik fam holal baleg eleg welatuson etno At Kristus inim wilil, inebe seribu tahun fam suon-at welatusa-o.