Matius 6:1 - Allah Wene Hurumbik Keron

¹ At Yesusen yig isaruk wilil, “Hiren it aphe inaharek ele­hon epmano dorat og isaruk wilil, it ap nin og isaruk ahion du inilanggen neawag-o ulug hinahla buk fug-o. Ariroho buruk hisa­lug, At Hinikni boholma werehon etnowen onggo og hisahu fug-o.

Matius 6:1 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 16:6

Laruk apagma, At Yesus etnowen yig isaruk wilil, “Roti su amag ulug umburukon etno ilitoho, it Farisi Saduki ap inim ariroho wereg-o. Ari halug, inaren baluhuben hinindi ebetuk amiek-o,” ulug yig isebag.

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Matius 23:5

It epmano hag apheyen inilanggen nisawag ulug-at suruk-o. Eke inungguluag fam inim, eke ininggik so fam inim Allah wene obog-at wene baleg wereg oke, inilahoagma hele angge­on fam homahakeg, eke inasum atog yaron wanteheg suruk-o.

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Matius 5:16

Aphe inil fam hiren angge eral etno ambulpul lahukag-o. Eke hiren fano suruk ahebon etno it apheyen inilanggen yet hisaruk ari fam, Hinikni Allah boholma werehon etno inuk suontepfuhup-o,” ulug yig isebag.

Matius 5:46

Eke it inindi hat hobam hunduhuk werehon etno-at hindi hundu­huk welahen halug ari, At Alla­hen onggo nongge og num fano behen-o? It kwalem onggo warukon etno ilito­ho-at suruk-o.

Matius 5:48

Ari halug, hit Hinik­ni boholma werehon etnowen fano­won-at suruk etno hag, hiren mondog fano­won-at suruk amuk-o,” ulug yig isebag.

Matius 6:16

At Yesusen yig isaruk wilil, “Hit orom nenggeg eleg wilil bok welamuog ulug suruk ahep ari, it nin inindi inenggal neken werehon epmanowen suruk hag hit suk fug-o. It epmano orom nenggeg eleg wilil, bok welamuog ulug suruk ari, apheyen ini­langgen nisawag ulug inolohore dag atuk-o. Ari halug, onggo fanowon etno fobik og isahu fug-o, ulug An demat yig hisaruk ahi-o.

Matius 6:9

At iluk wereg etno fam, hiren sembahyang duroho obam uruk amuhup-o, ‘Allah Ninik­ni boholma welahenon hat hinuk-at suontepfuk-o.

Markus 8:15

“Roti su amag ulug umburukon etno ilitoho it Farisi ap inim, at inowe suon Herodes inim ariroho wereg-o. Ari halug, inaren baluhuben hinindi ebetuk amiek-o,” ulug inesanggo watuk wilil yig isebag.

Lukas 11:35

Eke hit o seleg hinindimu werehon etno hik am nowen ulug, fikfag yaharoho welamuk-o.

Lukas 12:1

Eke fobik it aphe beribu-ribu anggolo-at wonggalik waharuk apareg, aphe inebe keleg atuken iniog anduhunmu apma obam dambuk welapag. Ariroho weregma, At Yesusen omini epmano yig isaruk wilil, “It Farisi ap epmano inindi biren wilil, roti su amag ulug umburuk etno hag suruk isalug, hiren fikfag yaharoho welamiek-o.

Lukas 12:15

Yig ituk apareg, eke fobik it obog yig isaruk wilil, “Yi angge di angge nindi nindi uruk wilil huluog ulug surukon epmano hit ariroho sehe ha nowen ulug yaharoho welamiek-o. Eke ap misig aharek yi angge di angge anggolo wereg halug, epmano fam fanoroho welaruhu fug-o,” ulug yig isebag.

Lukas 16:15

Ahunda yatuk apagma, At Yesusen yig isaruk wilil, “Hiren aphe inil fam nit fano ulug uruk ahebon oke, hinindi fam ebetuk ahebon epma At Allah iluk wereg-o. Eke it apheyen du suon ulug inahla burukon oke, At Allahen du ebe doron-at heheg uruk ulug ahla buruk-o.

Yohanes 12:43

Ariroho selegma eheg eleg-at welapag ari, it apheyen suontep nisahuk ari hag fano oke, At Allahen suontep nisahuk ari we hai neken at-o, ulug inahla buruk wilil ariroho welapag.

Yohanes 5:44

Eke ari halug, hit hit suontepatawon hinindi haruk ahebon oke, At Allahen suontep hisahukag ulug suruk ahep fug du, hit An nawene etno keroho eberoko welep-o?

Kisah Para Rasul 3:12

It wonggalik kebagma, at Petrusen ilanggen isaruk apareg, yig isaruk wilil, “Hit Israel ap du, keroho ulug hinakol haruk wilil, hinilanggen yet nisaruk ahep-o? At ap iog oag elehon etno fano sehe ari fam hiren it inobabut fano wilil, it inoag fam fano sehesa ulug buruk ahep? Eleg-o, nomini.

Galatia 6:12

Eke it ap ninen nit-at suon welamuhuken ulug yi angge di angge eleg atukon etno farim, hiren suruk amag ulug hit hiniyunggul ambilik baliek ulug inenggal neken yig hisaruk-o. Eke ariroho yig hisaruk ari, At Kristus e fam lenggaloko embebagma, warapahon wene etno farim it Yahudi aben dahon etno ninobam umbuk nowen ulug wene ariroho yig hisaruk-o.

Ibrani 11:26

Ariroho ahla buruk wilil, an At Kristus ahurumbik etno waruk nealug, inune dahon nobam umbuk ari fano oke, eke it Mesir ap epmano inaharek obog holao ari hai-o, ulug ahla buruk wilil, fobik At Allahen og umon etno aso welapag-o.

Ibrani 2:1

Wene ariroho yig nisaruk apagma, niren wene du demat ulug eberoko waruk sowahon etno ninapeleg ahe ha nowen ulug fanoroho seneg welamuk-o.

Ibrani 6:10

Eke At Allahen dahan fahan suruk eleg-o. Ari halug, hit yabuk fanowon suruk atikibon etno inim, eke At Allah hinindi hunduhuk wilil hinomini At Kristus awene warukon epmano inabuen yi angge di angge nintul nantul og isaruk atikibon epmano inim obog-at apeleg aruhu fug-o.

2 Yohanes 1:8

Ari halug, hit onggo fanowon og hisawon eleg am nowen, hit hinindi yaharoho welamiek-o. Hit yabuk fano sirikipseg fam, onggo holahubon etno welamag-o.