Matius 5:5 - Allah Wene Hurumbik Keron

⁵ Eke hit hinindi misig-at welahebon halug, wa. O kweanma hiren angge-at aruhu-o.

Matius 5:5 ပူးပေါင်းရင်းမြစ်များ

Matius 11:29

Anden angge etno waruk amuhupmu, hinomalo fam umburuk aruhukseg, Anden hit yanggul hisahuk-o. Yang­gul hisa­hukon ari, An fanoroho nindi seberoho wilil sat yal hinaptuk aru­huk-o.

Matius 21:5

“It aphe o Sion werehon epmano At Hinowe etno kidia hinambeg waharuk ulug yig isimuk-o. Eke At ebe indi seberoho wilil, fano mondog werehon etno wam keledai udag etno amboloag fam laruk-o, ulug hurumbik ebahon demat seg atisi-o ulug inahla bukag,” ulug ariro­ho yig isebag.

Roma 4:13

Eke At Allahen hat Abraham hetamuki hinim o kweanma duma unde welamuhuben ulug og hisahuk-o, ulug abug yig epag etno, at Abrahamen wene duroho suruk amuk eke duroho suruk am fug ulug ebahon etno ilitoho surukmu yig epag fug-o. Eke at Abraham Allah obam ebetuk halug, inim dambulfag etno fam yig epag-o.

Galatia 5:23

eke inindi seberoho welamon etno inim, eke inonggareg inindi aso welamon etno inim, it aphe yiroho diroho fanoroho suruk amon etno obog-at suruk isalug, fobik inebe dag seko imbisahu fug-o.

Efesus 4:2

Ariroho suruk wilil, hinindi seberoho welaheg, eke hinune fanoroho yig iseheg, suruk amuk-o. Eke hinomini hinim hinindi hunduhuk wilil, fanoroho hinim welamuk-o.

Kolose 3:12

Eke At Allahen indi hunduhuk wilil, At udaki welamag ulug heako hinombisahabag halug, hit Allah udaki-at wilil, hinobabut fanoroho welamiek-o. Eke hinindi fanowon etno inim, eke hinobabut fanoroho welahebon etno inim, eke hinindi seberoho welahebon inim, eke hinobabut misig-at wilil fanoroho welamiek-o.

1 Timotius 6:11

Eke hat hebe Allah amloho neken welahe halug, haren yi angge di angge dahon epmano sohorep isalug, fanoroho surukon etno inim, eke Allah wene ebahon ilitoho surukon etno inim, eke Allah wene demat ulug ebetukon etno inim, eke aphe hinim hunduhuk welamon etno inim, eke ap winimug yig isaruk elehon etno inim, eke hindi seberoho welamon etno inim obog epmano mutlug laruk arik ulug hindi ebetuk amin-o.

2 Timotius 2:25

Eke it hag inindi wereg atlug ioba yatuk wilil, wene demat urukon etno iniluk atuk amuhupseg,

Titus 3:2

Eke hinenggal-at ap misig obam denggeluk fug ulug yig iseheg, eke aphe inim inindi hunduhuk welamon etno inim, eke inindi seberoho welamon etno inim eke it yi aphe di aphe obog inim fanoroho welamon etno inim, ariroho sukag ulug yig isaruk amin-o.

Yakobus 1:21

Eke ari halug, hit hinobabut dag suruk ahebon epmano mondog seberoho imbisiek-o. Hit hinebe At Allah apma-at weregma, aren hinili wawon wene etno hinindimu og hisaruk halug, eberoko waruk amiek-o.

Yakobus 3:13

Eke ap indi enggaron misig hinim welahep ano eleg ano? Ebe wereg halug, indi enggatoho wilil, yi angge di angge fanoroho seheg, obabut fano mondog wilil onggarehen seberepateheg suruk halug, ap arion-at welamag-o.

1 Petrus 3:15

At Kristus akeleg-at hinindimu hinakol wilil, At akeleg-at Ninowe wereg-o, ulug hinindimu ebetuk amuk-o. O nintul nantul it aphe hinambeg hinog ik waharukmu, Ninowe fano ninaptukon At Yesus at-o, ulug hiren yig isimuk-o.

1 Petrus 3:4

Ariroho suk fug ulug yig hisihi ari hinindi fanowon welamuhuben ulug yig hisihi-o. Hinobabut fano wilil, hinindi uwa bal bal uruk elegma, At Allah ahien hisaruk-o.