Matius 5:46 - Allah Wene Hurumbik Keron

⁴⁶ Eke it inindi hat hobam hunduhuk werehon etno-at hindi hundu­huk welahen halug ari, At Alla­hen onggo nongge og num fano behen-o? It kwalem onggo warukon etno ilito­ho-at suruk-o.

Matius 5:46 ပူးပေါင်းရင်းမြစ်များ

Matius 11:19

Eke An Allahen minduhup naha­rision etno waharikikseg, ik inim, orom inim naruk wilil weregma, hit obohen, ‘Ap du bik himiek-o, At ebe etno it ap uang onggo kino urukon etno inim, eke it dag surukon epmano inim inomin wilil, orom inim, ik anggur inim inahumsoho naruk-o,’ ulug iri­kip-o. Ariroho irikibon oke, At Allahen ahla burukon etno demat suruk halug, ari fam At Allahen demat yig nisaruk-o ulug inahla buhup-o,” ulug yig ise­bag.

Matius 18:17

Ambeg lalug, inune yig itukon epmano esanggo holtuk eleg halug, it aphe Allah udaki epmano obog-at yig isimuk-o. It obohen yig imuhubon epmano esanggo holtuk eleg halug, oag deloko at ebe selemon neken imbiek-o,” ulug yig isebag.

Matius 5:47

Eke hinomi­ni-at heahi war inaptuk hisalug, it ninen ariroho suruk eleg behep? Eke it kwalem onggo warukon etno ariroho suruk eleg buruk ahep?

Matius 6:1

At Yesusen yig isaruk wilil, “Hiren it aphe inaharek ele­hon epmano dorat og isaruk wilil, it ap nin og isaruk ahion du inilanggen neawag-o ulug hinahla buk fug-o. Ariroho buruk hisa­lug, At Hinikni boholma werehon etnowen onggo og hisahu fug-o.

Markus 2:15

Laruk apareg, at Lewi ibam etno kebag. Kuruk apareg, Yesus inim orom nuog ulug, it uang onggo kino urukon epmano nin inim, it dag surukon epmano inim, At Yesus ombolim mutlug laruk apareg, At Yesus omini epmano inim-at dambuksoho horie ebag.

Markus 2:16

Horieg weregma, it wene baleg unde epmano inim, it Farisi ap epmano inimen At Yesus etno it uang onggo kino urukon epmano inim, eke it dag surukon epmano inim dambuksoho wilil orom narukmu inilanggen isaruk apareg, At omini epmano yig isaruk wilil, “At Yesus du it uang onggo kino urukon epmano inim, eke it dag surukon inim keroho ulug dambuksoho wilil orom naruk-o?” ulug hinog yig isebag.

Lukas 15:1

Eke fobik o misihim it ap uang anggen onggo og isarukon epmano inim, eke it dag surukon epmano inim it obog-at At Yesus une ninesanggo holtulen ulug waharuk apagma,

Lukas 18:13

Sembahyang uruk apagma, eke at ap uang onggo kino urukon etno hag ebe yatma neken wilil, olohore boholma lahap am akolen olohore kweanma wanduksoho wilil, inggiken indi kik haruk apareg, yig ituk wilil, ‘Nikni-o, an dag-at suruk ahionen yig hituk ahi du, hahmu niyimin-o, Allah wai,’ ulug yig epag-o.

Lukas 19:2

it ap uang onggo kino urukon epmano inowe misig inuk Zakheus aharek anggolo werehon etno welapag.

Lukas 19:7

Heahi watukmu, it aphe obog inilanggen haruk apareg, inune fog fog uruk wilil, “Udag dia, At Yesus etno ap dag surukon etno inim welamuog ulug suruk-o,” ulug uruk apag.

Lukas 3:12

Inesanggo watuk apagma, it ap uang onggo kino urukon epmano ikma belap ninabukag ulug ambeg waharuk apareg, it epmanowen yig ituk wilil, “Ninowe yanggul nisarukon wai, nit keroho suk-o?” ulug yig ituk apagma,

Lukas 5:29

Inim laruk apareg, at ibamen Yesus aohi esetuk apagma, it ap uang onggo kino urukon epmano inim, it aphe nin inebe anggolo epmano inim dambuksoho horieg welapag.

Lukas 5:30

Inim horieg weregma, it Farisi ap nin inim, it wene baleg unde epmano inomini nin inimen inilanggen isaruk apareg, At Yesus omini epmano yig isaruk wilil, “It uang onggo kino urukon inim, it dag surukon inim hit keroho ulug hinim-at orom naruk ahep-o?” ulug hinog waruk apagma,

Lukas 7:29

Yig isaruk apareg weregma, it aphe obog inim, eke it ap uang onggo kino urukon epmano inim, it obog-at At Allahen bilin inesanggo wapahon epmano holtuk apagma, at Yohanesen ikma belap inapag.

Lukas 7:34

Eke An Allahen minduhup naharision etno waharikikseg, ik inim orom inim naruk wilil weregma, hiren, ‘Ap du bik himiek-o,’ eke At ebe etno it ap uang onggo kino urukon epmano inim, eke it dag surukon epmano inim inomin wilil, orom inim, ik anggur ambusu etno inim inahumsoho naruk-o, ulug irikip-o.