Matius 5:3 - Allah Wene Hurumbik Keron

³ “Hit hinindi sebero­hon halug, wa. Boholma At Allah weregma hiren angge ulug og hisahu-o.

Matius 5:3 ပူးပေါင်းရင်းမြစ်များ

Matius 11:25

Eke fobik o ari sambit At Yesusen uruk wilil, “Nikni-o, Hat hebe boholma kweanma Inikni suon at welahen-o. Ariroho wilil, Haren it ap An niluk ulug inahla burukon epma­no yig isao sohorep isalug, it inapelehon epmano yanggul isa­ri­kin ari famen wa ulug yig hituk ahi-o, Nikni.

Matius 11:6

Eke at misig An nobam demat ulug ebetuk halug, fobik at etno ili wa­hu-o,” ulug yig isebag.

Matius 13:16

Ariroho yig isebahon oke, eke hit hag fano-at welahep-o. Hinilanggen haruk wilil, hinesanggo fanoroho holtuk ahep-o.

Matius 19:14

Winimug yig isaruk apagma, eke At Yesusen yig isaruk wilil, “It udag doron epma An nambeg wamag-o. It udag doron etno boholma At Allah weregma welamuog ulug waharuk isalug, winimug yig isa fug-o,” ulug yig isaruk apareg, inungguluag inggik sen inapag.

Matius 24:46

Eke fobik at owe o unde etno suhuluk waharuk aruhureg, at anggimbu fanowon etnowen yabuk fanoroho surukmu ilanggen halug, at ahien obam umbuhu-o.

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 3:2

Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Matius 8:11

Eke misig du hinindi eberiek-o. It aphe anggolo emu filon inim, ahamu filon inim waharuk amuhupseg, it Abraham, Ishak, Yakub inim boholma At Allah weregma epmano e daleg etno fam horieg welamuhup-o.

Markus 10:14

Winimug yig isaruk apagma, At Yesus etno asine haruk apareg, yig isaruk wilil, “It udag doron epma An nambeg wamag-o. It udag doron epmano At Allah weregma welamuog ulug waharuk isalug, winimug yig isa fug-o.

Lukas 11:28

At Yesusen yig ituk wilil, “Eleg-o, it Allah wene inesanggo holtug ilitoho surukon ari it-at fano wereg-o,” ulug esanggo wapag.

Lukas 18:14

Yig ituk apagma, aren an dag suruk ahion ulug yig epag etno fam, At Allahen indi fanorepfebagma, ibam lebag, ulug anden yig hisaruk ahi-o. Halug, at bilin sebag ari hag, it inonggarehen suontepatarukon epmano fobik seberep isahu-o. Eke it inonggarehen seberepatarukon halug, fobik lehep isahu-o,” ulug At Yesusen yig isebag.

Lukas 22:29

Eke fobik An Niknien it aphe obog Inowe suon welamag ulug minduhup nahaku etno hag, hit suon welamag ulug minduhup hisahakukmu,

Lukas 22:30

An Hinowe suon nibamen esoho etno ninim naruk amuhuk-o. Naruk amuhukseg, it Israel aphe inungguluag dua belas epmano inaren balukag ulug minduhup hisahakuk-o,” ulug yig isebag.

Lukas 4:18

“An Allah Ahurangge ninim welahe-o. Ninim wilil, Aren aphe inaharek elehon epmano wene fano wene etno yig isawag ulug minduhup naharuk wilil, ambusu amben fanowon etno nobam deltisi-o.

Yohanes 20:29

Yig ituk apagma, At Yesusen yig ituk wilil, “Hat An nobam hilanggen neyehen etno, demat ulug ebetuk ahen oke, eke it aphe nin fobik An nebe inilanggen nealug eleg-at inindi demat ulug ebetuk amuhubon epmano inahien haruk amuhup-o,” ulug yig epag.

Yakobus 1:10

Ariroho-at ninomin aharek werehon etno At Allahen aharek elehepfuruk halug, ilitoho-at ahien haruk amag-o. Eke e anggen fanowon dulum-at dag atuk etno hag, it inaharek werehon etno eleg atuk-o.

Yakobus 1:12

Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

Wahyu 19:9

Ariroho uruk atusama, eke fobik at malaikat etnowen yig nituk wilil, “Duroho holal imbimihin-o. It At Wam Domba Udag etno inim esoho etno naruk amuhubon halug, inahien anggolo hahup-o,” ulug uruk atisireg, eke fobik yig nituk wilil, “At Allahen demat ehekma, yig hirihi,” ulug yig nitisi-o.

Wahyu 22:14

Ariroho irision etno fobik uruk wilil, “It inasum ho sarukon epmano fobik e iniluk welamon etno anggen naruk amuhup­seg, inahien haruk wilil, kembatke etnowen o keron etno kuhup-o.

Wahyu 3:17

eke hiren uruk wilil, ‘Nit ninaharek anggolo welahe ari fam fano welahe-o,’ ulug uruk ahebon oke, hit hinabua hisaruk-o. Ari halug, hit hag hinaharek eleg, eke hineabie-at wilil, hinilanggen buhon neken-at wela­hep-o.