Matius 5:29 - Allah Wene Hurumbik Keron

²⁹ Eke hinilanggen bikit filen dag suruk ahebon halug, huliloko im­biek-o. Hulilo­ko umbulug At Allah weregma kuk ari fano-o; eke hinilanggen femag femag wereg halug hondok olokma hinombisa­haku.

Matius 5:29 ပူးပေါင်းရင်းမြစ်များ

Matius 10:28

It apheyen inebe war inaptuk oke, inahut war inaptuk elehon etno hinakol isa fug-o. Eke At Allahen inebe inim inahut inim o dagma imbisahuon etno hag hinakol haruk amiek-o.

Matius 11:6

Eke at misig An nobam demat ulug ebetuk halug, fobik at etno ili wa­hu-o,” ulug yig isebag.

Matius 16:26

Eke hit o ahik ya da yi angge di angge obog unde welamuhupseg, etno fam fobik waram ari fano buruk ahep ano? Ari eleg-o. Eke hinebe waramuhupseg, fobik niniluk amulen ulug onggo nongge ombatahup-o?

Matius 17:27

Eke it ap du ninim winimug abehe ha nowen-o. Halug hat ik ayegma laruk apmihinteg, hele ikan watukon etno ikma belapfimihin-o. Belapfimihinteg ikan wereg halug, hundoko lahapfik wapmihin-o. Hundoko lahapfik wapmihinteg, uang anggen suon misig heahamihin-o. Heaharuk apmihinteg, uang anggen suon etno fam hiren Anden o Allah ibam onggo umbukon etno ilit arikon-o. Ilit arikonma, niren o Allah ibam onggo umbukon ulug uang anggen etno imbik lamihin-o,” ulug yig epag.

Matius 19:12

Eke it ap inuhwesi holaruk elehon etno, it nin inisasi inahlen apurle angge endag atuk etno fam, holaruk eleg-o. Eke it nin it apheyen surukon etno fam holaruk eleg-o. Eke it nin At Allah weregmen sukon etno yabuk suhuk-o ulug inahla buruk wilil holaruk eleg-o. Eke hit wene du ebebuk ulug hinahla buruk wilil halug, ebetuk amuk at-o,” ulug yig isebag.

Matius 23:15

Eke hit wene unde epmano inim, eke hit Farisi ap epmano inim hinenggal-at uruk ahep du hinabua-o. Eke at ap misihen nit Yahudi ap ninawene etno wawag ulug so fam ik laut ikma laheg, eke o ahik ya da laheg suruk ahebon ari, fobik arat waruk halug, hit o dagma lahubon epmanowen at ebe o dagma lawag ulug dag surukon etno-at yanggul ituk ahep-o.

Matius 23:33

ulug yig isaruk apareg, eke fobik yig isaruk wilil, ‘Hit hinebe walo neken wilil, walo udaki neken welahebon du wai. Hiren nit o dagma ninombisahuk nowen ulug keroho ninili holalug wilip amuhuk buruk ahep-o?

Matius 5:22

Hini­luk welatikipseg oke, eke Anden yig hisa­ruk wilil, ‘At ap misi­hen alem eleg heheg omin misig indi olok atuk halug, oag del­tuk aruhu-o.’ Eke at misihen, ‘Nomin du nambit-o,’ ulug yig ituk halug, aphe dohaleg inahlen oag deluhup-o. Eke at misihen, ‘Nomin du waramag-o,’ ulug yig ituk halug, hondok olokma umbu­hu-o.

Matius 5:30

Eke hi­ninggik bikit filen dag suruk ahebon halug, baloko imbiek-o. Baloko umbu­lug At Allah weregma kuk ari fano-o; eke hininggik biren wereg halug o hondok olokma hinombisahuku-o,” ulug yig ise­bag.

Markus 8:36

Eke hit o ahik ya da yi angge di angge obog unde welamuhup etno fam fobik waram ari fano buruk ahep ano? Ari eleg-o.

Lukas 12:5

Hit hinakol hawon etno yanggul hisamin-o. Ari At Allahen aphe inebe warep isalug fobik o hondok olokma imbisahuon etno hag hinakoltoho welamuk-o. At etno-at hinakoltoho welamag ulug An demat yig hisaruk ahi-o.

Roma 6:6

Eke an yig hisaminon du niniluk-at welahe-o. Eke At Kristus e fam lenggaloko embebagma warapag etno hag, nit ninindi amukon epmano ariroho-at waratisi-o. Eke ariroho alem dag suruk aheon epmano oag elegsoho imbisalug, fobik dag surukon epmano anggimbu neken welahe ha nowen ulug ninindi amukon epmano arat waratisi-o.

Roma 8:13

Eke kweanmen surukon epmano mutlug laruk hisalug, mondog-at waramuhup-o. Eke At Roh Kudus etno fam kweanmen dag suruk ahebon epmano waroko neken imbisaruk hisalug, hinebe mondog-at hiniluk welamuhup-o.

1 Korintus 9:27

Eke anden it ap nin wene yig isarikikon epmano onggo fanowon epmano og num sohorep nahuk nowen ulug an nebe seberepataruk wilil, at etno anggimburepatiog ulug suruk ahi-o.

Galatia 5:24

Eke it At Yesus Kristus udaki epmanowen it aphe kweanmon yi angge di angge inindien dag surukon epmano obog-at elegsoho imbisarusa-o.

Kolose 3:5

Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,