Matius 5:22 - Allah Wene Hurumbik Keron

²² Hini­luk welatikipseg oke, eke Anden yig hisa­ruk wilil, ‘At ap misi­hen alem eleg heheg omin misig indi olok atuk halug, oag del­tuk aruhu-o.’ Eke at misihen, ‘Nomin du nambit-o,’ ulug yig ituk halug, aphe dohaleg inahlen oag deluhup-o. Eke at misihen, ‘Nomin du waramag-o,’ ulug yig ituk halug, hondok olokma umbu­hu-o.

Matius 5:22 ပူးပေါင်းရင်းမြစ်များ

Matius 10:17

Eke fobik sen hinaplug, it ap Allah unde suon wene baltuk ambeg epmano inim, eke o Allah wene uruk ambeg epmano inim, hinombisahik lalug, epmanowen yikangge hinusuhup-o.

Matius 10:28

It apheyen inebe war inaptuk oke, inahut war inaptuk elehon etno hinakol isa fug-o. Eke At Allahen inebe inim inahut inim o dagma imbisahuon etno hag hinakol haruk amiek-o.

Matius 12:24

Uruk apagma, it Farisi ap epmano inesanggo holtuk apareg, yig isaruk wilil, “Setan inowe Beelzebul etnowen oag werehon etno og itukmu, setan lisoko wilip inaptuk-o,” ulug yig isebag.

Matius 17:5

ulug awan yig ituk heheg, hena wikal neken lahaptukon etno sebe inapag.

Matius 18:21

Eke fobik at Petrus etno Yesus ambeg waharuk apareg, yig ituk wilil, “Nowe-o, at nomin misihen dahon etno nobam umburuk halug, marenam sulug fam anden obam apelegsoho umbuhuk ano? Ari halug, inggik sabiren angge sulug fam obam apelegsoho umbuhuk ano?” ulug yig ituk apagma,

Matius 18:35

Ariroho sebag etno hag, hit obog hinakeleg sik hinindien it hinomini nin dag surukon epmano inobam inapelegsoho imbisahup fug halug, At An Nikni boholmon etnowen hit ariroho-at war hinabuhu-o,” ulug At Yesusen yig isebag.

Matius 23:15

Eke hit wene unde epmano inim, eke hit Farisi ap epmano inim hinenggal-at uruk ahep du hinabua-o. Eke at ap misihen nit Yahudi ap ninawene etno wawag ulug so fam ik laut ikma laheg, eke o ahik ya da laheg suruk ahebon ari, fobik arat waruk halug, hit o dagma lahubon epmanowen at ebe o dagma lawag ulug dag surukon etno-at yanggul ituk ahep-o.

Matius 23:33

ulug yig isaruk apareg, eke fobik yig isaruk wilil, ‘Hit hinebe walo neken wilil, walo udaki neken welahebon du wai. Hiren nit o dagma ninombisahuk nowen ulug keroho ninili holalug wilip amuhuk buruk ahep-o?

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Matius 26:59

Ariroho weregma, it ap Allah unde suon epmano inim, eke it wene baltukon obog epmano inim uruk wilil, “Nit At Yesus wabuog ulug watlowon oke, alem dahon nongge fam warepful-o?

Matius 3:17

Ilang­gen haruk apagma, eke bohol­men une yig ituk wilil, “An Namloho nindi hun­duhuk atma, nindi nahien hihi-o,” ulug yig epag.

Matius 5:34

“Yi angge di angge ininuk fam ari suhuk-o, ulug uk fug-o. Bohol­ma Allah wereg ambeg inuk fam ariroho uk fug-o.

Matius 5:44

ulug yig isebahon etno hiniluk oke, eke Anden yig hisaruk wilil, ‘Ap selion halug hinim hunduhuk-at wela­muk-o. Eke it ninen waramin ulug yig hituk halug, hat hahien obam umburuk amuk-o. Eke hat hebe ambe­rak neken hearuk halug, fanoroho suhun-o. Eke inasi­ne hinobam umburuk wilil mug hisuog ulug suruk isalug, inake sembahyang iuk-o,’ ulug yig hisaruk ahi-o.

Markus 14:55

Epmano weregma, it ap Allah unde suon etno inim, eke it wene baltukon obog epmano inim dambuksoho wilil, “Nit At Yesus wabuog ulug watlowon oke, alem nongge fam warepful-o? Aren alem dahon misig suruk eleg hehe-o,” ulug uruk apareg, obam denggeluk hai atuk apagma,

Markus 15:1

O witiog ulug ahla healtuk heheg, it ap Allah unde suon epmano inim, it wene baleg unde epmano inim, it wene baltukon epmano inim obog-at wonggaleg wilil, wene baltuk apareg, At Yesus etno arat hele waroko walug at Pilatus ambeg lebag.

Lukas 12:5

Hit hinakol hawon etno yanggul hisamin-o. Ari At Allahen aphe inebe warep isalug fobik o hondok olokma imbisahuon etno hag hinakoltoho welamuk-o. At etno-at hinakoltoho welamag ulug An demat yig hisaruk ahi-o.

Lukas 22:66

Eke fobik o witaruk apagma, it Yahudi ap inowesi inim, it Allah unde suon epmano inim, eke it wene unde epmano inim wonggaltuk apareg weregma, At Yesus etno inambeg walug imbik lebag.

Yohanes 11:47

Ariroho yig isaruk apagma, it Farisi ap epmano inim, eke it Allah unde inowesi suon epmano inimen it ap wene baltukon epmano obog-at wonggalep isalug, yig isaruk wilil, “Ap duen sukfuganggeroho suruk du, nit keroho suk-o?

Yohanes 15:25

Ariroho inambit hun ninaptusa ari, Alkitab wene baleg etno fam yig isaruk wilil, ‘Alem eleg heheg inambit hun ninaptusa-o, ulug ebahon etno demat ebag ulug inahla bukag ulug, inambit hun ninaptusa-o,’ ulug yig isebag.

Yohanes 7:20

Yig isaruk apagma, eke it aphe obog epmanowen yig ituk wilil, “Hat ariroho uruk ahen ari, setan hindimu wilil, nowabuog ulug suruk ulug uruk ahen ano?” ulug yig epag.

Yohanes 8:48

Ariroho yig isaruk apagma, eke it Yahudi ap etnowen yig ituk wilil, “Niren hat hebe Samaria ap wilil, setan hindimu welahen ulug yig hitukuk etno demat yig hitukuk hehe-o,” ulug yig epag.

Kisah Para Rasul 17:18

Ariroho suruk atusama, it ap Epikuros wene etno inim Stoa wene etno inim yanggul isarukon epmano inimen inune ayeg waroko uruk wilil, “At ap kimbu angge du nit nongge yig nisiog ulug uruk-o?” ulug uruk atusareg, it nin At Allah ninapelehon ahusa alem etno farim yig nisaruk ano, ulug at Paulusen Yesus Allahen minduhupfirision wene etno yig isarukmu ariroho yig itusa.

Kisah Para Rasul 22:30

Eke fobik ininggik misig noholug, at Roma ap inowe suon etno ahla buruk wilil, “It Yahudi aben at Paulus obam inune dahon etno keroho ulug yig ituk-o?” ulug inunema wiog ulug suruk wilil, at Paulus hele warehon etno hibilipfuruk atisireg, it imam ap suon inim, it Yahudi ap inowesi suon inim obog-at wonggalik wamag-o, ulug yig isaruk atisireg, at Paulus inolohotma minduhupfirisi.

Kisah Para Rasul 23:1

Minduhupfuruk atisimu, at Paulusen it Yahudi ap inowesi suon epmano inolohotma ilanggen yet isaruk atisireg, yig isaruk wilil, “Nomini-o, an amuk inim eke kidia inim At Allah il fam dag sirikikon napelegsoho apma nombaharuk atisimu nindi nahlahiroho-at welahi-o,” ulug yig isaruk atisimu,

Kisah Para Rasul 24:20

Fano oke, eke it ap dumen an it Yahudi ap inowesi inil fam dag sirikikon etno yig himukon-o.

Kisah Para Rasul 4:15

o baharik du sohorep isalug aliek-o, ulug wilip isebag. Wilip isaruk apareg, it epmanowen at misihen eheg, at misihen eheg uruk wilil,

Kisah Para Rasul 5:21

it mondep isebahon epmano inesanggo holtuk apareg, ilikia hubet o Allah ibam etno kuruk apareg, it aphe epmano wene yig isebag. It etno yig isaruk weregma, it imam ap suon, omini epmano inim, it Yahudi ap inowesi epmano inim dambuksoho wene baluog ulug wol isaruk apagma, wonggalik wapag. Wonggalik waharuk apareg, it aphe dahon imbisaruk ambeg unde epmano yig isaruk wilil, “At Yesus omini aphe dahon imbisaruk ambeg kolap inaptikibon epmano og inaplug hinim maniek-o,” ulug yig isaruk apagma,

Kisah Para Rasul 5:27

Og inaplug waharuk apareg, it Yahudi ap suon epmano inambeg wapareg inolohotma minduhup isaruk apagma, at imam ap suon etnowen hinog og inaptuk wilil,

Kisah Para Rasul 6:12

Yig isaruk apagma, it Stefanus obam denggelukag ulug lahap isebahon epmanowen it aphe nin inim, it imam ap suon epmano inim, eke it wene unde epmano inim, it obog-at yig isa lebag. Yig isa laruk apagma, it epmano inasine haruk apareg, at Stefanus etno aren baluog ulug senoko it imam ap suon epmano inolohotma embebag.

Kisah Para Rasul 6:15

Denggeltuk apagma, it imam ap suon epmano obohen at Stefanus inilanggen fikfag wenag haruk apag. Wenaharuk wilil, at etno olohore malaikat ilitoho weregma hebag.

Kisah Para Rasul 7:37

Epmano weregma, at Musa etnowen it Israel ap yig isaruk wilil, ‘At Hinikni Allahen an lahap nabik wapag etno hag, at hiron hinili warukon misig belap hisa waruhu-o,’ ulug yig isebag.

Roma 12:10

Eke hit hit hinomini Allah udakion epmano hinim hinindi hunduhuk welamuk-o. Ariroho wilil, it hinomini inobabut fanoroho surukon epmano suontep iseheg suruk amuk-o.

1 Korintus 6:10

Eke it hwe ap uhweon surukon epmano inim, eke kwanangge amurli hundutukon epmano inim, eke it ap ap wanggik surukon epmano inim, eke inalomnangge warukon epmano inim, eke ininggikmu fereleg elehon epmano inim, eke ambusu nenek surukon donggogsoho narukon epmano inim, eke inenggal ap inobam denggeltukon epmano inim, eke komo wene yig isarukon sohorep isalug dil dil angge surukon epmano inim ari, Allah wereg ambeg kukon etno holahup fug-o.

1 Korintus 6:6

Eke hit ap misihen at hinomin etno oag deloko umbukag ulug it Allah wene inapelehon epmano yig isa laruk ahep ari dag-o.

1 Tesalonika 4:6

Eke ari halug hinominien angge herahapateheg, eke hinalomnangge weheg, suruk am fug-o. Eke it ap dag surukon ari At Allahen onggo dahon etno inobam umbuhu-o, ulug bilin hinesanggo watuk wilil yig hisarukukon etno-at dahagsoho yig hisaruk ahe-o.

Titus 3:2

Eke hinenggal-at ap misig obam denggeluk fug ulug yig iseheg, eke aphe inim inindi hunduhuk welamon etno inim, eke inindi seberoho welamon etno inim eke it yi aphe di aphe obog inim fanoroho welamon etno inim, ariroho sukag ulug yig isaruk amin-o.

Ibrani 12:25

Ari halug, hit hinobabut fikfag wilil, At wene urukon etno une hinambit ha fug-o. Eke ap misig bilin Allah wene o kweanma dumen yig isarukmu, une inesanggo holtuk wilil, inambit haruk apahon epmano hite wilip amuog ulug sebahon oke, hai apag-o. Ari ilitoho nit At boholmen une yig nisarukon etno ninesanggo holuk sohorep isalug, ninolohore wilip amuhuk halug, nit ariroho-at hite wilip amulen ulug suhukon oke hai aruhu-o.

Ibrani 5:9

lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

Yakobus 2:20

Eke hat hebe Allah wene uruk ahenon oke, ilitoho suruk ahen fug ari, urunangge neken suruk ahen-o. Allah wene waruk wilil oke, ilitoho suruk eleg isalug ari, Allah wene waruk elehon neken wereg etno hat hapeleg ano?

Yakobus 3:6

ninambilik fam yi wene di wene uruk ahe oke, alem ari fam dahon epmano obogsoho ninobam ombataruk ahe-o. Eke alem misig du, isinggama yuhun-at sahno umburukmu naruk etno hag, dahon epmano ninambilik fam uruk nisalug, o hondok olokma welamon etno imig saruk ahe-o.

1 Petrus 2:23

Eke iren dahon obam embebahon oke, Aren dahon hinobam umbuhuk ulug ebag fug-o. Nikni Allahen oag deloko onggo dagma imbisahu-o, ulug ahla bebag.

1 Petrus 3:9

Dahon hinobam umburuk isalug, hiren dahon inobam umbuk fug-o. Eke inune dahon yig hisaruk isalug, hiren hinune dahon inobam umbuk fug-o. Ariroho umbuk fug ulug yig hisihion oke, hit hinahien inobam umburuk amuk-o. Ari At Allahen nahien hinobam umburuk aruhuk, ulug wol hisarisi etno hag fanoroho suruk amuk-o.

1 Yohanes 2:9

Eke at ap misihen, “An o selegma-at welahi-o,” ulug urukon oke, eke “Nomin du nambit hundutuk ahi-o,” ulug uruk halug, kidia ap etno o hikmu-at wereg-o.

1 Yohanes 3:10

Eke it Allah udakion inim, it iblis udakion inim surukon ari ilit eleg-o. It mot mot suruk elehon, inomini inambit isarukon halug ari, Allah udaki fug-o.

1 Yohanes 5:16

Eke yi dag di dag nit apheyen suruk aheon epmano wereg oke, eke it wene iniluk wilil oke dag surukon epmano oag deleg neken wereg-o. Ariroho werehon epma At Allahen inapelegsoho apma imbisawag ulug inake sembahyang uk fug-o.

Yudas 1:9

Amuk it malaikat inowe Mikhael etnowen iblis inim winimug aptuk wilil, “At Musa ebe warehon an og nimin-o,” ulug yig epahon oke, eke at iblis obam denggeliog ulug ambilik butuk yig ituk apag fureg, at iblis etno yig ituk wilil, “At Allahen howaruhu-o,” ulug yig epag.

Wahyu 20:14

Haruk atikikseg weregma, waratukon alem etno inim, eke it warehon wereg ambeg welamon alem etno inim hondok olokma hik isa­rukmu harikik-o. Ariroho haruk neyeheg, birenam wara­tukon etno inobam umburukmu harikik-o.