Matius 5:19 - Allah Wene Hurumbik Keron

¹⁹ Eke wene duroho suruk amuk eke duroho suruk am fug ulug ebahon etno alem misig sohorep isalug aphe ariroho-at yanggul isarukon halug, boholma Allah weregmen At inuk dorontepfuhu-o. Eke wene duroho suruk amuk eke duroho suruk am fug ebahon etno ilitoho seheg, aphe fanoro­ho yanggul iseheg suruk halug, boholma Allah weregmen At inuk suontepfu­hu-o.

Matius 5:19 ပူးပေါင်းရင်းမြစ်များ

Matius 11:11

at Yohanes it aphe kweanmen endohowon etno obog inowe neken wereg oke, it aphe At Allah weregmen sukon wene inesanggo holtukon etno inapma neken wereg-o. Ariroho weregma, hinindi ebetuk amiek-o.

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Matius 20:26

Ariroho imbisarukon oke, iren suruk ari hag, hit ariroho suk fug-o. Ap hiron misig suon welam hinindi halug, at ebe inanduanangge neken wilil suruk amag-o.

Matius 28:20

eke wene Anden ariroho siuk ulug yig hisaruk atikikon epmano iren ilitoho suruk amag ulug yanggul iseheg suruk amuhup-o. Ariroho suruk hisalug, An nebe nintul nantul hit ninim sil nuruk amuhukseg, fobik o atog arat halug ninim-at welamuhuk-o,” ulug yig isebag.

Lukas 1:15

Eke at ebe Allah il fam ap suon-at welaruhu-o. Ariroho wilil, e anggen ambusu nenek surukon etno nenggeg eleg-at welaruhu-o. Ari at endohoma, At Roh Kudus at indimu-at welaruhu-o.

Lukas 11:42

Yig isaruk apareg, eke fobik yig isaruk wilil, “Hit Farisi ap du hinabua-o. Wam esap esetuk wilil, muwi inim, kurlu inim, orom engga inim minggiroko Allah ake ulug umburuk ahebon oke, hinindi At Allah hinim hunduhuk eleg wilil, fanoroho surukon etno suruk ahep fug hisihi-o. Eke Allah ake umbukon etno hinapeleg atuk eleg wilil, fanoroho surukon etno-at suruk am fano-o.

Lukas 9:48

yig isaruk wilil, “It udag nin ariroho-at An ninuk baloko og inaptuk amuhupseg, heahi war inaptuk hisalug, An nebe-at og nabuhup-o. Eke An nebe og nabuhup halug ari, At lahap nabik waharision etno At wahup-o. Eke ap misig hinanggelegmen seberepataruk halug, fobik suon welaruhu-o,” ulug yig isebag.

Kisah Para Rasul 1:1

Nare Teofilus wai. Anden bilin buku Lukas etno fam wene holal umburuk wilil, At Yesusen sil nuruk apahon epmano inim, eke wene yanggul isaruk apahon etno inim obog-at wene holal imbirikik-o. Eke kidia buku du fam At Yesus ominien sil nuruk apahon epmano wene holal umburuk ahi-o.

Roma 3:8

Eke ari halug, nit At Allahen fano ninabukag ulug dag-at suk-o ulug ukon ari fano buruk ahep ano? Ari eleg-o. Eke it aphe ninen at Paulus ariroho-at uruk-o ulug inenggal-at nobam denggeltuk-o. Eke it ariroho nobam denggeltukon epmano o dagma imbisahu ari fano at-o.

Roma 6:1

Eke ari halug, keroho uk-o? At Allahen fobik obam seberoho ninabua nisawag ulug dag-at suruk amuk ulug uk ari fano behep ano?

Roma 6:15

Eke ari halug, keroho uk-o? Nit wene komo yig nisebahon etno apma welam sohorep isalug, At Allahen ninabua nisarukmu welahe ari fam dag-at suruk amuk-o ulug uk ari fano buruk ahep ano? Ari mondog eleg-o.

1 Timotius 6:11

Eke hat hebe Allah amloho neken welahe halug, haren yi angge di angge dahon epmano sohorep isalug, fanoroho surukon etno inim, eke Allah wene ebahon ilitoho surukon etno inim, eke Allah wene demat ulug ebetukon etno inim, eke aphe hinim hunduhuk welamon etno inim, eke ap winimug yig isaruk elehon etno inim, eke hindi seberoho welamon etno inim obog epmano mutlug laruk arik ulug hindi ebetuk amin-o.

Titus 3:8

Eke yi wene di wene yig hirihion epmano it aphe fikfag yig isawag ulug yig hiri­hi-o. Eke it obog Allah wene demat ulug eberoko warukon epmanowen nintul nantul yi angge di angge fanowon-at suruk arik ulug inahla bukag ulug yig hirihi-o. Eke yi angge di angge fanoroho suruk wilil, inindi fanowon keron-at heag sahup-o.

1 Petrus 5:4

Ariroho surukmu, eke fobik nit obog ninaso werehon etno waruhureg, hit fanoroho inaso welahebon etno suontep hisahaku-o.

1 Yohanes 3:4

At misig obabut dahon halug, At Allahen komo yig nisarukon etno sahaltuk-o. Dag surukon ari, At Allah une sahaltukon at-o.

Wahyu 2:20

Ari halug, alem misig du fam-at hinesanggo warik-o. Ari at hwe Isebel etnowen An At Allahen lahap nabik waharisi-o ulug urukon etno hinim-at welahep-o. Eke it nanggimbu epmano wanggik seheg, eke wam uson nenggeg suruk amag ulug at hwe etnowen yanggul isaruk wilil, inindi kahalik waharuk-o.