Matius 5:18 - Allah Wene Hurumbik Keron

¹⁸ Bohol inim kwean inim awan eleg atuk eleg heheg, hurumbik ebahon etno obog suhu-o. Hurumbik balfahon etno holal alem misig nuk aruhu fug-o, ulug An demat yig hisaruk ahi-o.

Matius 5:18 ပူးပေါင်းရင်းမြစ်များ

Matius 10:15

Eke At Allahen fobik aphe inaren baltuk wilil, o Sodom Gomora dorat ahmu isahuon oke, eke it aphe heahi war hinaptuk elehon epmano mondog inabua isahu fug-o, ulug ariroho suhuon etno hinindi ebetuk amiek-o,” ulug inesanggo watuk apareg, lahap isebag.

Matius 10:23

Eke hit hinebe o misihen hinusuog ulug suruk isalug, sohorep isalug o misig hite alu-o. Eke At Allah Amloho awan waharuk eleg heheg, yabuk o Israel epma suhup-o, ulug An demat yig hisaruk ahi-o.

Matius 10:42

Eke An namloho misig it apheyen ap du kimbu-o ulug urukon oke, ap misihen ik holon induk fanowon etno nawag ulug og ituk halug, fobik An nudaki onggo fanowon og isahuon epmano nin minggiroko ap ik holon og itision etno og iruhu-o, ulug yig hisihion ari hinindi ebetuk amiek-o,” ulug yig isebag.

Matius 11:11

at Yohanes it aphe kweanmen endohowon etno obog inowe neken wereg oke, it aphe At Allah weregmen sukon wene inesanggo holtukon etno inapma neken wereg-o. Ariroho weregma, hinindi ebetuk amiek-o.

Matius 13:17

Eke misig du yig hisamin-o. Hiren hinilanggen haruk ahebon ari, it nabi ap inim, eke it Allah udaki amuk welapahon inimen inilanggen huog ulug inindien-at sebahon oke, hebag fug-o. Eke hit hinesanggo holtuk ahebon epmano holuog ulug sebahon oke, holfag fug-o,” ulug yig isebag.

Matius 16:28

Eke misig du hinindi ebetuk amiek-o. Hit aphe nin duma welahebon epmano waraheg eleg hiniluk wilil, An Allah Amloho suon waharukmu hinilanggen neahup-o,” ulug yig isebag.

Matius 17:20

Yig ituk apagma, At Yesus etnowen yig isaruk wilil, “Hit At Allah obam dorat ebetuk ahep famen, hiren wilipfuk hai aha-o. Eke hinindi At obam fanoroho ebetlepmen, hit bunu du yig ituk wilil, ‘Hebe hal amin-o,’ ulug yig itlepmen, bunu ebe hal atlep-o. Hiren yi angge di angge obog-at selep-o.

Matius 18:18

At Yesus etnowen yig isaruk wilil, “Hit obog-at yig hisaruk ahi-o. Eke hit kweanmen ari suk fug-o ulug winimug uruk hisalug, boholmen ilitoho-at winimug uruk-o. Eke hit kweanma dumen ari suk fano-o uruk hisalug, boholmen ilitoho-at fano uruk-o.

Matius 18:3

Minduhupfuruk apareg, yig isaruk wilil, “Hit hinahla fanoroho ebetuk amiek-o. Hit hinindi udag doron ari ilitoho welamuhup fug halug, At Allah weregma kuhup fug-o.

Matius 19:23

Laruk apagma, At Yesusen omini etno yig isaruk wilil, “Ap aharek yi angge di angge anggolo werehon etno boholma At Allah wereg ambeg kuk hai hihi-o.

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Matius 21:21

At Yesusen yig isaruk wilil, “Hit An yig hisaminon etno-at hinindi ebetuk amuk-o. Hit hinindi biren neken welam sohorep isalug, hiren demat ulug ebetuk amuhup halug, Anden e du yig irihimu bug aha etno hag, hiren ariroho sukon etno hai aruhu fug-o. Eke misig, hit hinindi fanoroho ebetuk wilil, bunu suon du leko lahalug ik yenggeleg epma sebesik ambik ma-o, ulug yig ituk hisalug, ambik waruhu at-o.

Matius 21:31

Ari halug, it biren ariroho ebahon etno at sa hag iniknien yig isebahon etno ilitoho sebag buruk ahep-o?” ulug At Yesusen yig isaruk apagma, eke it etnowen yig ituk wilil, “At owe etno hag ilitoho sebag buruk ahe-o,” ulug yig epag. Yig ituk apagma, eke At Yesusen yig isaruk wilil, “Ari halug, Anden yig hisamin-o. It ap uang onggo kino urukon etno inim, eke it hweap yuhun-at wanggik surukon etno inimen hit hinebe fobiksep hisahalug, it dag bilin o Allah wereg ambeg epmano kuhup-o.

Matius 23:36

Eke hit kidia welahebon epmano it inonggo war hinabuhu ari, An demat yig hisihi-o,” ulug yig isebag.

Matius 24:2

Waharuk apagma, eke Aren yig isaruk wilil, “Yu-o, nomini, o du fanowon ulug hinilanggen wenaharuk ahebon oke, helep obam dambuk yaho du welaruhu fug-o. Fobik mondog mialoko umbuhup-o,” ulug yig isebag.

Matius 24:47

Umburuk aruhureg, fobik at o unde etnowen at aharek obog aso welamag ulug at anggimbu fanowon etno-at minduhupfuhu ulug, An demat yig hisaruk ahi-o.

Matius 25:12

Hit hinebe an demat napeleg-o,’ ulug at etnowen yig isebahon etno arat yig hisihi-o,”

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Matius 25:45

Ariroho yig nituk amuhupmu, eke An Hinowe etnowen yig isaruk wilil, ‘Hit nabua sirikip fug ulug yig hisihi ari, hiren it ap An nosi doron epmano inabua suruk atikip fug epmano fam, An nebe-at nabua suruk atikip fug ulug yig hisihi ari, demat yig hisihi-o,’ ulug yig isahuk-o.

Matius 5:26

Eke onggo obogsoho awan umburuk eleg heheg, aphe dahon kolap inaptuk ambehen wilip aruhun fug-o. Ari demat yig hisaruk ahi-o,” ulug yig isebag.

Matius 6:16

At Yesusen yig isaruk wilil, “Hit orom nenggeg eleg wilil bok welamuog ulug suruk ahep ari, it nin inindi inenggal neken werehon epmanowen suruk hag hit suk fug-o. It epmano orom nenggeg eleg wilil, bok welamuog ulug suruk ari, apheyen ini­langgen nisawag ulug inolohore dag atuk-o. Ari halug, onggo fanowon etno fobik og isahu fug-o, ulug An demat yig hisaruk ahi-o.

Matius 6:2

Eke it aphe inaharek elehon epmano dorat og isaruk wilil, hini­nuk suontepfukag ulug binggon une uk fug-o. Eke it inindi demat ulug ebetuk elehon epmano nininuk suontepfukag ulug o Allah wene uruk ambeg epmano inim, kwalema apheyen onggo anggolo hundutuk ambeg epmano inim ariroho suruk-o. It ariroho surukon epmano onggo fanowon etno og isahu fug-o, ulug An demat yig hisaruk ahi-o.

Matius 8:10

Ariroho yig epahon etno At Yesusen wi ulug ahla buruk apareg, eke fobik it aphe inim lebahon epmano yig isaruk wilil, “At ap duen nobam ebetuk hag? It Israel aphe ariroho nobam ebetuk isaruk ahi fug-o, ulug An demat yig hisaruk ahi-o.

Markus 10:15

Eke it udag doronen Allah wene waruk ari hag, hit ariroho nintul nantul waruk amuhup fug halug ari, At Allah wereg ambeg kuhup fug-o, ulug An demat yig hisaruk ahi-o,” ulug yig isebag.

Markus 10:29

Yig ituk apagma, At Yesus etnowen yig isaruk wilil, “Hiren An ninuk su amag ulug wene fano wene yig isil laruk amuog ulug, hinifaleg inim, eke hinowe not inim, eke hiniknisi hinisasi inim, eke hinudaki inim, eke hineyabuk inim, obog-at sohorep isahup halug, it ninen muko wilip hinabuog ulug suruk iseheg oke, Anden kidia-at hinifaleg inim, eke hinowe not inim, hinisasi inim, hinudaki inim,

Markus 11:23

Hit hinindi biren welahebon etno imbisalug, At Allah obam-at hinindi ebetuk wilil, bunu suon du leko lahalug ik yenggeleg du sebesik ambik ma-o, ulug uruk wilil, hinindi demat ebetuk hisalug, hiren uruk ahebon etno demat seg atukmu hinilanggen hahup-o, ulug yig hisihi ari demat yig hisihi-o.

Markus 12:43

Umburuk apagma, At Yesus etnowen omini epmano wamag ulug wol isaruk apareg, yig isaruk wilil, “At hwe suhweon aharek eleg ulug yig itukon etno oke, Allah ake uang anggen umburuk ambeg epma aharek suon neken-at embehek-o. Eke it nin epmano hag ebe dorat neken imbik wahesa-o.

Markus 13:30

Eke hit aphe duma welahebon du it nin awan waratuk eleg iseheg, hurumbik yig hisaruk ahion etno arat suhu-o, ulug yig hisihi ari An demat yig hisaruk ahi-o.

Markus 14:18

Waharuk apareg, it At omini epmano orom naruk iseheg, At Yesus etnowen yig isaruk wilil, “Hit An ninim dambuksoho wilil orom nenggeon du, hat misihen An sen nabukag ulug yonggo lahen hiyihi-o, ulug yig hisihi ari An demat yig hisihi-o,” ulug yig isebag.

Markus 14:25

Eke An ik e anggur anggen ambusu etno o duma wilil nahuk fug-o. Fobik At Allah weregma arat laharuk aruhukseg, etlemen e anggen ambusu keron-at nahuk-o,” ulug yig isebag.

Markus 14:30

eke At Yesus etnowen yig ituk wilil, “Ariroho ehenon oke, o sono ilikia sue ayam une birenam awan uruk eleg heheg, henahanam An ebe napeleg uhun-o, ulug yig hirihi ari An demat yig hirihi-o,” ulug yig ituk apagma,

Markus 14:9

Ariroho sehekon ari, fobik wene fano wene etno walug o ahik ya da epma yig isil nuruk wilil, it inindi ebebukag ulug at hwe arien ariroho sebag-o ulug yig isil nuruk amuhup-o, ulug An demat yig hisaruk ahi-o,” ulug yig isebag.

Markus 3:28

eke fobik yig isaruk wilil, “It apheyen yi dag di dag surukon epmano inim, eke nintul nantul aphe inabug baltukon epmano inim At Allahen inobam inapelegsoho sohorep isalug, apma imbisahu oke,

Markus 6:11

Laruk amuhupmu, eke it o misihen heahi war hinabeheg eleg-at hinune etno seberoho umburuk isalug, it inakol amagsoho inil fam o etno hiniog sabele horeho imbisalug, o sili misig alu-o,

Markus 8:12

Yig ituk apagma, At Yesus etno amberak atuk apareg, yig isaruk wilil, “Hit aphe dumen fog habulen sin-o, ulug yig nituk ahep ari, keroho ulug yig nituk ahep-o?

Markus 9:1

Yig isaruk apareg, eke fobik yig isaruk wilil, “Hit aphe nin duma welahebon epmano waraheg eleg hiniluk wilil, At Allah weregmen oag weregsoho suhuon etno hinilanggen hahup-o, ulug An demat yig hisihi-o,” ulug yig isebag.

Markus 9:41

Eke it aphe nin epmanowen du Kristus udaki at-o, ulug ik honanggo og hisaruk halug, Anden sohorep isahuk fug-o. Onggo fanowon-at og isahuk-o, ulug yig hisihi ari An demat yig hisihi-o,” ulug yig isebag.

Lukas 11:51

Eke bilin at Habel wapahon etno alem neken weregma, eke enggabuk neken at Zakharia etno wam domba Allah ake embeheg, eke wene eheg suruk ambeg bulmuen warepfebahon etno fam it obog inonggo hit kidia welahebon du war hinabuhu-o,” ulug yig isaruk apareg,

Lukas 12:37

Eke at inowe etno waharuk atlug, it anggimbu epmano iniluk wilil aso weregma ilanggen isaruk atlug, nanggimbu fanowon ulug yig isaruk-o. Eke aserlog keteroho wansalug, ninim horie ulen ulug inaso welaruhu-o.

Lukas 13:35

Eke kidia hinibam welahebon ari At Allahen sohorep isahu-o. Eke hiren uruk wilil, ‘At Ninikni inuk fam waharukon du At Allah ahien obam umbukag-o,’ ulug awan uruk eleg hiseheg, nolohore neahup fug-o,” ulug At Yesusen yig isebag.

Lukas 16:17

Uruk oke, eke bohol inim, kwean inim ari eleg amon oke, wene duroho suruk amuk eke duroho suruk am fug ulug ebahon etno holal ebe misig eleg aruhu fug-o.

Lukas 18:17

Eke it udag doronen Allah wene waruk ari hag, hit ariroho nintul nantul waruk amuhup fug halug ari, At Allah wereg ambeg kuhup fug-o,” ulug yig isebag.

Lukas 18:29

Yig ituk apagma, At Yesus etnowen yig ituk wilil, “Hiren At Allah weregmen surukon wene etno yig isil laruk amuog ulug hinifaleg inim, eke hinuhwesi inim, eke hinowe not inim, eke hiniknisi hinisasi inim eke hinudaki inim sohorep isaruk hisalug,

Lukas 23:43

Yig ituk apagma, eke At Yesusen yig ituk wilil, “O yoho hat ninim At Allah weregma kulen ulug demat yig hituk ahi-o,” ulug yig epag.

Lukas 4:24

Eke it ap Allah wene urukon epmano o it endag apag ambehen ininuk suontep isahup fug-o.

Yohanes 1:51

Yig ituk apareg, it omini obog epmano yig isaruk wilil, “Eke fobik bohol etno healeg weregma, it Allah omalaikat epmano At Allah Amloho etno obam ambik waheg, lahakeg surukmu hinilanggen isahup-o,” ulug yig isebag.

Yohanes 10:1

Eke fobik At Yesusen yig isaruk wilil, “Ari halug, An wene demat uruk amon etno yig hisamin-o. At ap misig etno wam domba inalehet oho ambeg kiog ulug suruk wilil, sok ele baleke kuk sohorep isalug, lehet bog kuruk halug, at ap etno inalomnangge heraharukon etno inim, ap watukon etno inim ilitoho-at wereg-o.

Yohanes 10:7

Ariroho weregma, eke At Yesusen fobik dahagsoho yig isaruk wilil, “Ari halug, Anden wene demat uruk amon etno yig hisamin-o. It wam domba kuruk ambeg inasok etno ilitoho An-at welahi-o.

Yohanes 12:24

Fanggog uruk ari famen Anden wene demat uruk amon etno yig hisamin-o. Wiyagfut i etno misig-at belapfurukmu, filik aruhu fug halug, anggen misig etno-at welaruhu-o. Eke filik aruhu halug, unggum laharuk aruhureg, anggen anggolo yihiku-o.

Yohanes 13:16

Ari halug, Anden hit wene demat uruk amon etno yig hisamin-o. Ap misig anggimbu etno suon neken, eke ikni etno doron neken wereg eleg-o. Eke ap misihen at misig lawag ulug mondepfurukon etno suon neken, eke at lag ulug yig itukon etno doron neken wereg eleg-o,

Yohanes 13:38

Ariroho yig ituk apagma, eke At Yesusen yig ituk wilil, “Haren ninim-at ninusukag ehen ari, demat ihi ulug hahla buruk ahen ano nomin? Ari halug, Anden wene misig yig hipmin-o. Fobik sue ayam kulog etno awan une uruk eleg heheg, haren henahanam ebe napeleg ulug imihin-o,” ulug yig epag.

Yohanes 14:12

Ari halug, Anden wene demat uruk amon etno yig hipmin-o, it yi aphe di aphe obog An nobam ebetukon epmanowen Anden yabuk suruk ahi epmano ilitoho suruk amuhup-o. Eke An nebe Nikni ambeg lahukseg fam, iren fobik sukfugangge anggolo-at suruk amuhup-o.

Yohanes 16:20

Ari halug, Anden wene demat uruk amon etno yig hisamin-o. Hit ioba yareheg, hinel wareheg suruk hiseheg, it aphe kweanmon An nawene waruk elehon epmano inahien hahup-o. Eke hit hinindi dag amuhubon epmano eleg atuk aruhumu, hinahien hahup-o.

Yohanes 16:23

Eke hiren o ari sambit An nobam kino yig nituk amuhup fug-o. An ninuk baltuk wilil, Nikni akeleg-at obam kino yig ituk hisalug, Aren og hisahu-o.

Yohanes 21:18

Ari halug, Anden wene demat uruk amon etno kidia yig hisamin-o, hat hebe elege wilil, haserlog honggarehen-at ilunggun wataruk wilil, lamin ulug hahla buruk ambeg-at laruk atikin-o. Ariroho suruk atikinon oke, fobik sabal atuk aruhunteg, hinggik sikseg wereg healug, ap misihen hinggik hele waroko o misig lamin buhun fug ambeg-at hombahik lahu-o,” ulug yig epag.

Yohanes 3:11

Ari halug, wene demat urukon etno yig hibmin-o. Ariroho yig hituk wilil, nil harikikseg niluk atision etno-at yig hisaruk ahion oke, hiren An wene yig hisaruk ahion epmano eberoko waruk ahep fug-o.

Yohanes 3:3

Yig ituk apagma, At Yesus etnowen yig ituk wilil, “Wene demat urukon etno yig hisamin-o. Ap misig ebe birenam endag atuk eleg halug, At Allah weregma kuk ari hai-o,” ulug yig ituk apagma,

Yohanes 3:5

eke At Yesus etnowen yig ituk wilil, “Ari halug, An wene demat urukon etno yig hisamin-o. Ap misig ik fam inim, Roh Kudus fam inim endag atuk eleg halug, At Allah weregma kuk ari hai-o.

Yohanes 5:19

Eke fobik At Yesusen yig isaruk wilil, “An wene demat urukon etno yig hisamin-o. At Amloho etno onggareg ahla buluhen-at suruk eleg-o. At Iknien surukon epmano ilanggen halug-at suruk-o. Eke At Iknien suruk etno hag, At Amloho etno ariroho-at suruk-o.

Yohanes 6:26

Yig ituk apagma, At Yesusen yig isaruk wilil, “Ari halug, An wene demat uruk amon etno yig hisamin-o. An noag weregsoho surukmu nearikibon epmano fam heag nabil wahep fug-o. We orom roti hinahumsoho narikibon epmano fam nebe heag nabil wahep-o.

Yohanes 6:32

Yig ituk apagma, At Yesus etnowen yig isaruk wilil, “Ari halug, An wene demat uruk amon etno yig hisamin-o. At Musaen og hisebag ari, orom roti boholmon etno og hisebag fug-o. At An Nikni etnowen hag orom roti boholmon etno og hisaruk-o.

Yohanes 6:47

Yig isaruk apareg, eke fobik yig isaruk wilil, “An wene demat uruk amon etno yig hisamin-o. It aphe An nobam ebetuk isalug, iniluk welamon etno-at holaruk-o.

Yohanes 6:53

Hinog waruk apagma, At Yesusen yig isaruk wilil, “Ari halug, An wene demat uruk amon etno yig hisamin-o. Hiren At Allah Amloho etno amep nenggeg, ebe nenggeg suruk eleg hisalug, hiniluk welamon etno holahup fug-o.

Yohanes 8:34

Yig ituk apagma, eke At Yesus etnowen yig isaruk wilil, “An wene demat uruk amon etno yig hisamin-o. Eke it yi aphe di aphe epmano dag suruk isalug, it inebe alem dag surukon etno anggimbu neken wereg-o.

Yohanes 8:51

Ari halug, Anden wene demat uruk amon etno yig hisamin-o. Eke it aphe obog wene Anden uruk ahion etno ilitoho suruk isalug, ari fam waramuhup fug-o,” ulug yig isebag.

Yohanes 8:58

Yig ituk apagma, eke At Yesusen yig isaruk wilil, “Ari halug, An wene demat uruk amon etno yig hisamin-o. Eke at Abraham etno awan endag atuk eleg heheg, An nebe welaheyag at-o,” ulug yig isebag.

1 Petrus 1:25

Amburuk oke, eke At Ninikni Allah wene etno hag iluk mondog welaruhu-o,” ulug wene holal embebahon etno weregma, wene fano wene ulug yig hisarusa-o.

Wahyu 20:11

Eke fobik At misig horie uruk ambeg suon huluon etno fam horieg weregma nilanggen harikik-o. At etno olohotmen kwean inim, bohol inim inebe eleg atukmu, nilanggen harikik-o.