Matius 5:17 - Allah Wene Hurumbik Keron

¹⁷ At Yesusen yig isaruk wilil, “At Musa inim, it nabi ap inimen wene duroho suruk amuk eke duroho suruk am fug ulug ebahon etno At Yesus soho­rep isa waha-o, ulug hinahla buk fug-o. Sohorep isiog ulug wahi fug-o. Eke iren hurumbik ebahon etno demat suruk ulug inahla bukag ulug wahi-o.

Matius 5:17 ပူးပေါင်းရင်းမြစ်များ

Matius 3:15

Yig ituk apagma, At Yesusen yig ituk wilil, “Eleg-o, eke ariroho ehenteg oke, wene duroho suruk amuk eke duroho suruk am fug ulug ebahon etno ilitoho suk ari fano-o,” ulug yig ituk apagma, une eleg atuk apareg, Yesus ikma belapag.

Matius 7:12

Eke it apheyen ariroho fano ninaptuk amag ulug hinahla buruk hisalug ari hag, ilitoho at fano inaptuk amuk-o. Eke Anden ariroho yig hisihi ari, at Musa inim, it nabi ap epmano inimen wene duroho suruk amuk eke duroho suruk am fug ulug yig nisebag-o,” ulug yig isebag.

Lukas 16:17

Uruk oke, eke bohol inim, kwean inim ari eleg amon oke, wene duroho suruk amuk eke duroho suruk am fug ulug ebahon etno holal ebe misig eleg aruhu fug-o.

Yohanes 8:5

‘Hwe misig ariroho wanggik suruk halug, helep fam mondog wariuk-o,’ ulug yig nisebag etno, Hat keroho yig nisamihin-o?” ulug yig epag.

Kisah Para Rasul 18:13

Imbik waharuk atusareg, yig ituk wilil, “At ap du dahan fahan suruk wilil, it apheyen At Allah obam ebetuk amag ulug yig isaruk-o,” ulug yig ituk atusama,

Kisah Para Rasul 21:28

“Hit Israel ap du maniek-o. Ap du o ahik ya da wene yig isil nuruk wilil, nit Israel ap inim, at Musaen wene duroho suruk amuk eke duroho suruk am fug ulug ebahon etno inim, eke o Allah ibam duma inim obog seberoho ninombisaharuk etno hag, eke kidia it ap Allah wene inapelehon epmano o Allah ibam og inabik wahareg, o du niren usa uruk aheon etno oke, hairepfehek-o,” ulug urusa.

Kisah Para Rasul 6:13

Umburuk apagma, it epmano inenggal at Stefanus obam denggeluog ulug waharuk apareg, yig isaruk wilil, “At Stefanus du o Allah ibamen surukon inim, Musa wene urukon etno inim nintul nantul seberepfuruk hehe-o.

Roma 10:4

Eke At Kristusen bilin wene duroho suruk amuk eke duroho suruk am fug ulug ebahon etno ilitoho sebag etno fam, it yi aphe di aphe At obam ebetuk isalug, At Allahen alem dahon inobam werehon epmano elegsoho imbisalug At inim dambultuk-o.

Roma 3:31

Eke ari halug, niren At Yesus obam ebetuk ahe etno fam wene duroho suruk amuk eke duroho suruk am fug ulug ebahon etno imbisaruk ahe buruk ahep ano? Ari eleg-o. Niren At Yesus obam ebetuk ahe etno fam, wene duroho suruk amuk eke duroho suruk am fug ulug ebahon etno ilitoho-at suruk ahe-o.

Roma 8:4

Eke ariroho sebag ari, nit kweanmen sukon etno mutlug lao sohorep isalug, At Roh Kudusen yig nisarukon etno-at ninesanggo holtuk wilil, wene duroho suruk amuk eke duroho suruk am fug ulug fanoroho yig nisebahon etno ilitoho suruk amag ulug ariroho sebag-o.