Matius 5:16 - Allah Wene Hurumbik Keron

¹⁶ Aphe inil fam hiren angge eral etno ambulpul lahukag-o. Eke hiren fano suruk ahebon etno it apheyen inilanggen yet hisaruk ari fam, Hinikni Allah boholma werehon etno inuk suontepfuhup-o,” ulug yig isebag.

Matius 5:16 ပူးပေါင်းရင်းမြစ်များ

Matius 23:5

It epmano hag apheyen inilanggen nisawag ulug-at suruk-o. Eke inungguluag fam inim, eke ininggik so fam inim Allah wene obog-at wene baleg wereg oke, inilahoagma hele angge­on fam homahakeg, eke inasum atog yaron wanteheg suruk-o.

Matius 23:9

Eke Hinikni boholmon etno ebe misig-at wereg heheg, o kweanma dumen at misig ninikni suon ulug yig um ari hai-o.

Matius 5:45

Eke Hinik­ni Allah boholma werehon udaki amuog ulug ariroho-at suruk amuk-o. Aren angge mo etno ap dahon inim fanowon inim og isaruk-o. Eke Aren angge osit etno it motoho surukon inim, it buruk elegsoho surukon inim og isaruk-o.

Matius 6:16

At Yesusen yig isaruk wilil, “Hit orom nenggeg eleg wilil bok welamuog ulug suruk ahep ari, it nin inindi inenggal neken werehon epmanowen suruk hag hit suk fug-o. It epmano orom nenggeg eleg wilil, bok welamuog ulug suruk ari, apheyen ini­langgen nisawag ulug inolohore dag atuk-o. Ari halug, onggo fanowon etno fobik og isahu fug-o, ulug An demat yig hisaruk ahi-o.

Matius 6:9

At iluk wereg etno fam, hiren sembahyang duroho obam uruk amuhup-o, ‘Allah Ninik­ni boholma welahenon hat hinuk-at suontepfuk-o.

Matius 9:8

Ibam larukmu, it aphe epmanowen inilanggen haruk apareg, inakolen At Allah inuk suontepfuruk wilil, “At Allahen aphe inindi enggaron-at minduhup isaruk-o,” ulug At inuk-at suontepfebag.

Lukas 11:2

“Hiren sembahyang duroho uruk amuhup-o, ‘Ninikni, it apheyen Hat hinuk akeleg neken uruk amuhup-o. Eke Hat weregmen sukon etno fanggog sepfin-o.

Yohanes 15:8

Eke hiren anggen anggolo yihikup epmano fam, An Nikni inuk suontepfuhup-o.

Kisah Para Rasul 9:36

Waruk apareg weregma, eke fobik o Yope epma at hwe Tabita eke it Yunani inune fam Dorkas, ari Wam rusa etno inuk fene soalfahon etnowen yi angge di angge obog fano seheg, inaharek elehon sumbut iseheg, suruk apareg, fobik uk hundoko warapag.

1 Korintus 14:25

aren indimu herako ebetukon epmano selegma atuk aruhureg, ut kunukseg wilil, o duma At Allah ebe demat hinim welahep hisihi-o, ulug At Allah obam sembahyang uhu-o.

2 Korintus 9:13

Eke hiren ariroho og isaruk amuhup etno fam iren hinaren balepfulug uruk wilil, it du At Kristus awene fanowon etno eberoko waruk ahe ulug inune uruk wilil ilitoho suruk du fam niren Allah wa ulug hinuk suontepfuruk ahe-o. Eke iren nit inim, it aphe obog inim sumburoko og nisaruk ari fam wa ulug urukmu isahup-o.

Galatia 1:24

iren an farim At Allah inuk suontepfurusa-o.

Efesus 2:10

Eke At Allahen ninebe wal haruk apareg, fobik At Kristus Yesus ninim dambuk ninapareg fam, niren fanoroho sukag ulug ninebe ninindi inim keron wal harisi-o. Eke nit ariroho ninobabut fano welamag ulug Aren-at fuloko ninombisahabag-o.

Efesus 5:8

Eke hit bilin o hikmu welatikibon oke, At Ninowe udaki atikipseg, o selegma-at welahep-o. Eke ariroho wilil, at o seleg udaki wereg etno hag welamuk-o.

1 Tesalonika 2:12

Eke hinesanggo wareheg, eke yonggon hinabeheg suruk wilil, At Allahen an weregma ninim suon welamuhuken ulug wol hinaptuk-o ulug ariroho yig hisaruk wilil, At Allah ahien hisawagsoho hit Allah wene etno ilitoho suruk amiek-o, ulug yig hisaruk atukuk-o.

1 Timotius 2:10

It hweap an Allah wene waruk ahi-o ulug urukonen suruk etno ilitoho inobabut fanoroho wilil suruk amag-o.

1 Timotius 5:10

eke it apheyen hwe du fano mondog suruk-o, ulug urukon inim, eke udaki fanoroho endag inaptukon etno inim, eke ap huso waharukmu orom fanoroho menag isarukon etno inim, eke it Allah udakion iniog fanoroho ho surukon etno inim, eke it aphe yi angge di angge elehon fanoroho og isarukon etno inim, eke yi seheg di seheg fanoroho surukon etno inim, hweap suhweon etno ariroho wereg isalug ininuk holal fam umburuk amin-o.

1 Timotius 5:25

Ari ilitoho it ap ninen fano surukon epmano selegma-at wereg-o; eke it ninen fano surukon epmano kidia heraho neken wereg oke, fobik selegma aruhu-o.

1 Timotius 6:18

Eke it inaharek werehon ari, fanoroho seheg, eke aphe yi angge di angge og iseheg, eke inobabut fanoroho welaheg suruk amag ulug yig isimin-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Titus 2:7

Eke hat hag yiro­ho seheg diroho seheg fanoroho suruk healug, aphe inil og hap­tuk wereg-o. Iren fanoroho suruk amag ulug hat inim fanoroho suruk amin-o. Eke haren wene yanggul isaruk ahenon etno motoho yig isaruk amin-o. Ap inindi oag werehonen demat yig isaruk etno hag hat yig isaruk amin-o.

Titus 3:14

Eke it ninomini Allah wene yanggul isarukon etno yuhun-at yabuk seheg eleg welam nowen ulug yi yabuk di yabuk fanowon inim, eke aphe yalmag isarukon etno inim nintul nantul sukag ulug yig isaruk amin-o.

Titus 3:4

Ariroho suruk atu­kukon oke, eke fobik At Allah ninili warukon etnowen indi hun­duhuk wilil ninabua nisaruk atisireg, ninili warisi-o.

Ibrani 10:24

Eke nit nit ninindi hunduhuk wilil, nabua habua suruk aheon etno fanoroho suruk amuhuken ulug, nit nit fanoroho ninesanggo war war uruk amuk-o.

1 Petrus 2:12

Eke it aphe Allah wene waruk elehonen yig hisaruk wilil, hit Allah udaki dag suruk hisehe-o, ulug hinobam denggeluog ulug inahla buruk wilil, iren urukon epmano eleg amag ulug, fanoroho suruk ahebon epmano inilanggen hawag-o. Ariroho hisaruk amuhupseg, iren fobik At Ninowe waruhumu, inuk suontepfuhup-o.

1 Petrus 2:9

It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.

1 Petrus 3:1

Eke hit hweap epmano hinahuni inune holtuk amiek-o. Eke it hinahuni nin Allah wene waruk elehon oke, hit inune fanoroho holtuk hisalug, Allah wene waruk amuhup-o.

1 Petrus 3:16

Yig isaruk wilil, hinune winimug yig iseheg eleg-at yig isimuk-o. Eke hiren hinobam denggelepata fug-o. It ninen inune dahon hinobam uruk wilil, “At Kristus udaki dag suruk duma yet isimiek-o,” ulug uruk isalug, fobik inenggali hahup-o.

1 Petrus 4:11

Ari Allah wene yig isawon etno og hisarisi etno fam, Allah wene yig isaruk amuhup-o. Eke yalmag isawon etno og hisarisi etno fam, yalmag isaruk amuhup-o. At Allahen nineyabuk ninakeleg sik og nisebag etno fam, ariroho-at suruk amuhuk-o. Ariroho suruk amuhukmu, At Yesus Kristus inuk fam Allah-at nintul nantul suontepfuruk amuhuk-o. At Yesus Kristus suon oag weregsoho itog mondog werehon etno-at inuk suontepfuhuk-o. Demat yig hisihi-o.

1 Petrus 4:14

Iren dahon hinobam umburuk ari, hit Kristus omini wereg hisalug ariroho suruk-o. Iren ariroho surukmu, eke hiren, At Roh Kudus suon etno nit ninobam belabik waharisi-o, ulug hinahientoho wilil hinindi ebetuk amiek-o.