Matius 5:15 - Allah Wene Hurumbik Keron

¹⁵ Eral fisako sohorluk ele sebero­ho apma umbuk ari hai-o. Eral fisako eral umbu­rukon etno fam umburuk halug, it obog uma werehon epmano inolohotma seleg atuk-­o.

Matius 5:15 ပူးပေါင်းရင်းမြစ်များ

Markus 4:21

Yig isaruk apareg, it epmano yig isaruk wilil, “Eral fisaho etno sohorluk apma umbuk ano, nohoruk ambeg apma umbuk ano? Ari eleg-o. Selegma umburuk ambeg epma-at umbuk ari fano-o.

Lukas 11:33

Eke fobik At Yesusen yig isaruk wilil, “Eral fisako herahoma embeheg, eke sohorluk ele seberoho apma embeheg suk ari hai-o. Eke it aphe uma kurukon epmano o seleg inilanggen hawag ulug, eral fisako eral umburuk ambeg etno fam umbuk ari fano-o.

Lukas 11:36

Eke hit hinobam obogsoho o seleg etno wereg halug, hondok eral fisahoma selegsoho welahep etno hag hinebe selegma neken-at hinombisaharuk-o,” ulug yig isebag.

Lukas 8:16

Yig isaruk apareg, eke fobik it epmano yig isaruk wilil, “At ap misihen eral fisaho etno sohorluk apma, eke nohoruk ambeg apma umburuk eleg-o. Eke o yangguk etno it aphe kik waharukon epmanowen inilanggen hawag ulug selegma umburuk ambeg epmano umburuk-o.

Filipi 2:15

Eke hit ariroho suruk ahebon etno At Allah udaki oke, it aphe yuhun-at wilil dahan fahan surukon epmano inanggelegma welahep-o. Eke hit ariroho inanggelegma wilil, wene iniluk amon etno yig isaruk hisalug, soholoal boholma werehon oke yangguk atuk etno hag, hit epmano eral fisaho neken inanggelegma welamuk-o. Ariroho wereg hisalug, At Kristus waruhu etno sambit an nahien hahuk-o;

Ibrani 9:2

O etno sum fam faltuk apareg, o baharik selemon kwalem kuruk ambeg etno fam eral fisako embeheg, eke e daleg etno fam orom roti Allah ake umburukon etno embeheg suruk ambeg etno inuk Usabaharik soalfag.

Wahyu 2:5

Eke hit hinebe dag sirikibon epmano hinin­di eberiek-o. Ari halug, hiren dag suruk ahebon epmano sohorep isalug, bilin suruk atikip epmano ilitoho suruk amiek-o. Eke hiren dag suruk ahebon epmano sohorep isaruk eleg hisalug, An fobik hinambeg waharuk aruhukseg, hiren eral fisako umburuk ahep ambeg etno walug o werlekma umbuhuk-o.