Matius 5:14 - Allah Wene Hurumbik Keron

¹⁴ Eke hit o kweanma eral fisaho neken welahep-o. Eke o suon dom fam faleg wereg etno herahoma wereg eleg-o.

Matius 5:14 ပူးပေါင်းရင်းမြစ်များ

Yohanes 12:36

Yig isaruk apareg, At Yesus etno wilip apag. Wilip atuk apareg, nebe inilanggen nea etnowen ulug herag apag.

Yohanes 5:35

Eke at Yohanes etnowen eral fisaho etno hag fisatukmu, seleg atisi-o. Eke aren o seleg etno yanggul hisarukmu, hit bikalem biren henahan neken-at hinahien harikip-o.

Yohanes 8:12

Eke fobik At Yesus etnowen yig isaruk wilil, “It aphe kweanmon duma selehap inaptukon etno An at-o. Eke it yi aphe di aphe obog-at An mug naplug laruk etno fam, o seleg iniluk welamon etno holahupseg, o hikmu laruk amuhup fug-o,” ulug yig isebag.

Yohanes 9:5

Eke An nebe o kweanma duma wilil, it yi aphe di aphe o duma werehon obog-at selehap inaptuk ahi-o,” ulug yig isebag.

2 Korintus 6:14

Eke it wam sapi biren e misig-at inomalo fam hele homako weregma kwean yultuk etno hag, hit it aphe Allah wene inapelehon epmano hinomini neken hinim dambuksoho yabuk suk ari hai-o. Eke motoho suruk isalug, dahan fahan surukon epmano inim misig-at wereg eleg-o. Eke o ilingge etno hubanggo inim dambuksoho wereg eleg-o.

Filipi 2:15

Eke hit ariroho suruk ahebon etno At Allah udaki oke, it aphe yuhun-at wilil dahan fahan surukon epmano inanggelegma welahep-o. Eke hit ariroho inanggelegma wilil, wene iniluk amon etno yig isaruk hisalug, soholoal boholma werehon oke yangguk atuk etno hag, hit epmano eral fisaho neken inanggelegma welamuk-o. Ariroho wereg hisalug, At Kristus waruhu etno sambit an nahien hahuk-o;

1 Tesalonika 5:5

Eke hit obog o seleg udaki welahep-o, o ilingge udaki-at welahep-o. Nit o hubanggo udaki neken welahe fug-o.

Wahyu 1:20

Eke soholoal inebe sabiren angge ninggik bikit filen seneg welahion epmano ari, it aphe jemaat sabiren angge epmano ap inaso werehon neken wereg-o. Eke eral umburuk ambeg emas fam sehon inebe sabiren angge werehon epmano it aphe jemaat sabiren angge epmano neken wereg-o,’ ulug wene herahowon etno bukaloko yig hirihi-o, ulug yig nitukmu nesanggo holtikik-o,” ulug holal balfag.

Wahyu 2:5

Eke hit hinebe dag sirikibon epmano hinin­di eberiek-o. Ari halug, hiren dag suruk ahebon epmano sohorep isalug, bilin suruk atikip epmano ilitoho suruk amiek-o. Eke hiren dag suruk ahebon epmano sohorep isaruk eleg hisalug, An fobik hinambeg waharuk aruhukseg, hiren eral fisako umburuk ahep ambeg etno walug o werlekma umbuhuk-o.