Matius 5:12 - Allah Wene Hurumbik Keron

¹² Eke hit hinebe elegma, bilin ariroho it nabi ap etno mug inaplug lebag-o. Ari fam, hit hinindi seroho wilil, hinahien haruk amuk-o. Onggo boholmen suon-at og hisa­hu-o,” ulug yig isebag.

Matius 5:12 ပူးပေါင်းရင်းမြစ်များ

Matius 16:27

Eke An Allah Amloho etno nomalaikat ninim Nikni suon wereg etno ilitoho fobik waruhukseg, it yi aphe di aphe epmanowen suruk atuson onggo ilitoho og isahuk-o.

Matius 6:16

At Yesusen yig isaruk wilil, “Hit orom nenggeg eleg wilil bok welamuog ulug suruk ahep ari, it nin inindi inenggal neken werehon epmanowen suruk hag hit suk fug-o. It epmano orom nenggeg eleg wilil, bok welamuog ulug suruk ari, apheyen ini­langgen nisawag ulug inolohore dag atuk-o. Ari halug, onggo fanowon etno fobik og isahu fug-o, ulug An demat yig hisaruk ahi-o.

Lukas 13:34

Ae, hit Yerusalem ap du hinabua-o. Hiren it nabi ap wene urukon war inabeheg, eke it Allahen hinambeg lahap isa wapahon epmano helep fam war inabeheg suruk ahep-o. Eke at sue ayamen udaki aherabul apma balu inaplug seberoho wereg etno hag, hit obog Anden balurep hisahalug, ninggik sen hinapsug wilil heahi war hinabiog ulug sirikikon oke, hiren hinambit nearikip-o.

Lukas 6:23

Eke iren ariroho suruk isalug, hit hinindi fanoroho wilil, hinahien haruk amiek-o. Onggo boholmen suon og hisahu-o. Eke hit mug hinaplug laruk etno hag, amuk it inetamuki epmanowen it ap wene bilin yig isaruk apahon epmano ariroho-at mug inaplug lebag-o.

Lukas 6:35

It hinim healeg welahebon epmano hinim hinindi hunduhuk welamiek-o. Ariroho wilil, elamna-at og isaruk sohorep isalug, mondog-at og isaruk amiek-o. Ariroho suruk hisalug, At Hinikni suon Allah etnowen onggo suon fanowon-at og isarukmu, hinebe At udaki-at welamuhup-o.

Kisah Para Rasul 16:25

Kolap isarisimu, eke fobik hubanggo homanoho ilimbul it Paulus Silas etano sembahyang uruk wilil, Allah inuk fam di uruk atusama, it kolap isaruson epmanowen inesanggo holeg welatusa.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

Roma 5:3

Eke dahon ninobam umburuk nisalug, ninahientoho welahe-o. Eke dahon ninobam umburuk ari fam ninindi bugsoho welamon etno og nisaruk-o.

1 Korintus 3:8

Eke i yatukon epmano inim, eke hohol warukon epmano inim inebe ilitoho-at wereg-o. Eke it yabuk sat anggolo surukon epmano At Allahen onggo inakeleg sik-at og isahu-o.

2 Korintus 4:17

Eke kidia nanggog atuk wilil, ninahap dag atuk aheon dorat welamuhukseg, fobik ninitog mondog wilil ninebe suon fano mondog welamuhuk-o.

Filipi 1:29

Eke hit hinabua hisaruk wilil, At Kristus anggimbu welamon etno og hisarisireg fam, hiren At Yesus obam ebetuk ahep-o. Eke At awene ebetuk ahep etno fam dahon etno hinobam umburuk-o.

Filipi 2:17

Eke an neyabuk atog neken hit hinake Allah wene yig hisaruk atikikon epmano At Allah il fam eberoko waruk ahep-o. Eke fobik atog neken an namep etno hit hinake del atuk halug ari fano at-o. Ariroho suruk aruhukseg, nahien hahuk-o.

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

Kolose 3:24

Eke hit hinahientoho suruk amuhupmu, At Allahen onggo dugsoho hinombisahebahon etno og hisahu-o. Eke hit aphe inanggimbu oke, At Kristus anggimbu-at welahep-o. Ari halug, at eyabuk fanoroho suruk amuk-o.

1 Tesalonika 2:15

Eke it Yahudi ap ari Ninowe Yesus etno inim, eke it nabi ap iron epmano inim war inabeheg, eke dahon etno nit ninobam embeheg, suruk atusareg fam, At Allah ahien isaruk eleg-o. Eke it aphe obog inim healeg wereg-o.

Ibrani 10:34

Eke hinebe hele waroko aphe dahon imbisaruk ambeg epmano-at welatikip-o. Eke hinaharek diloko holaruk isalug, hinahientoho-at wilil, fanowon itog mondog welamon etno-at og nisahu-o ulug hinahla buruk wilil, hinahientoho welatikip-o.

Ibrani 11:26

Ariroho ahla buruk wilil, an At Kristus ahurumbik etno waruk nealug, inune dahon nobam umbuk ari fano oke, eke it Mesir ap epmano inaharek obog holao ari hai-o, ulug ahla buruk wilil, fobik At Allahen og umon etno aso welapag-o.

Ibrani 11:33

Eke it obog epmano hag inindi demat ulug ebetuk wilil, aphe o ahik suon nin inim wim abil laruk apareg, inebe obog-at seberoho imbisebag. Ariroho imbisaruk apareg, it epmanowen yabuk fanowon etno suruk wilil, At Allahen og hisahuk ebahon etno-at holeheg, eke it nin wam singa induag dokoroho inele abitep iseheg,

Ibrani 11:6

ap misig indi demat ulug ebetuk eleg halug, At Allah ahien neawag ulug suruk eleg-o. Eke it yi aphe di aphe At Allah ambeg wamuog ulug surukon epmano it obog At Allah demat wereg ulug inindi ebereheg, eke nin ebe heaharuk nisalug, onggo fanowon-at og nisahu ulug inahla beheg suruk amag-o.

Yakobus 1:2

Nomini, hit dahon hinobam umburuk isalug, hinahientoho welamuk-o.

Yakobus 5:10

Eke ari halug, it nabi ap epmanowen bilin Allah inuk fam wene yig isebahon epmano hinindi eberiek-o. It epmano bilin apheyen dahon inobam embebahon oke, At Ninowe wamon etno aso wilil, inindi oag weregsoho welapag-o.

1 Petrus 4:13

At Kristus welapag etno ilitoho atikipseg, hinahientoho wilil, fobik At ninim ilitoho suon amuhuk-o, ulug hinindi ebetuk amiek-o.