Matius 5:11 - Allah Wene Hurumbik Keron

¹¹ Eke hiren An ninuk yig isarukmu iren mug hinaplug laruk wilil, hinenggali war hinabeheg, eke hinobam denggeleheg, eke hinabug baleheg suruk isalug, wa.

Matius 5:11 ပူးပေါင်းရင်းမြစ်များ

Matius 10:18

Eke hiren it Yahudi ap inim, it Yahudi wene inapelehon epmano inim wene fano wene etno yig isaruk hisalug, An ninuk waruk amuhup etno fam og hinaplug it yi ap di ap inowesi suon epmano inambeg hinombisahik lahup-o.

Matius 10:22

Eke An ninuk waruk hisalug, it obohen inambit hisahup-o. Inambit hisahubon oke, eke hiren hinindi bugsoho welamuhup halug, fobik hinili og hinabu­hu-o.

Matius 10:25

Ari halug, it yig isarukon epmanowen an at ninowe yanggul nisarukon ilitoho welam nindi-o, ulug uruk am ari fa­no-o. Eke it anggimbu etnowen an nebe at ninikni ilitoho welam nindi-o, ulug uruk am ari fano at-o. Eke it inowe ari inuk Beelzebul-o ulug soaltuk isalug, at udaki ininuk da­hon-at soal inabuhu-o,” ulug At Yesusen yig isebag.

Matius 10:39

Eke ap misig onggarehen ili huliog ulug suhuon oke, hai aruhu-o. Eke ap misihen An nawene etno yig isil laruk wilil, onggarehen ili huliog ulug suruk eleg halug, fobik ilioko umbuhu-o,” ulug At Yesusen yig isebag.

Matius 19:29

Eke hiren An ninuk su amag ulug hinifaleg inim, eke hinowe not inim, eke hiniknisi hinisasi inim eke hinudaki inim, eke hineyabuk inim obog-at sohorep isahup halug, Anden kidia-at inubulukmu obam seberoho obog-at og hisaruk ahi ari, fobik hiniluk mondog welamon etno-at og hisahuk-o.

Matius 24:9

Yi angge di angge epmano suruk heheg, it ninen hit hinebe sen hinaplug yikangge war hinabukag ulug og iseheg, eke waroko hinombisahakeg suruk amuhup-o. Ariroho suruk wilil, hit hag An nawene eberoko wahup etno fam, it aphe kweanmon obohen inambit hisahup-o.

Matius 27:39

Ariroho imbisaruk apagma, it aphe nin epmano olohore bik halug laheg suruk apahon etnowen inungguluag kiliwandi suruk wilil,

Markus 13:13

Eke hit hag An nawene eberoko wahup etno fam, it obohen inambit hisahup-o. Inambit hisahubon oke, hit hinahla bugsoho wilil, hit wene etno o atog huli fam arat atuk heheg seneg welamuhup halug, hinili og hinabuhuk-o,” ulug yig isebag.

Markus 13:9

Ariroho suhubon epmano hiniluk halug hinindimu yaha fanoroho welamuk-o. Hit hinebe sen hinaplug it ap suon wene baltuk ambeg inim, it Yahudi ap sembahyang uruk ambeg inim, og hinaplug hinombisahik laruk amuhupseg, yikangge hinusuhup-o. Eke hit hinebe epmano it yi ap di ap inowesi ininuk suon epmano inolohotma minduhup hisahakupmu, hiren An ninuk fam wene fano wene etno yig isaruk amag ulug og hinaplug inambeg hinombisahik lahup-o.

Markus 4:17

Ariroho waruk wilil oke, fobik inindimu omanggen yatuk eleg wilil, ebe seberepfuruk atlug, nit wene waruk aheon du fam ninusuhup ulug inahla beheg, eke narlog harlog suruk wilil, wene ari ninambit-o, ulug sohorep iseheg suruk-o.

Markus 8:35

“Hinebe hinili huluog ulug suhubon oke, waramuhup at-o. Eke An ninuk etno su amag ulug wene fano wene etno yig isaruk wilil, hinebe hinili holeheg eleg-at welamuhup halug, hinebe hinili holahup-o.

Lukas 21:12

Eke yi angge di angge epmano awan suruk eleg heheg, hit epmano hele warep hisalug, dahon etno hinobam umbuhup-o. Umburuk amuhupseg, o Allah wene uruk ambeg epmanowen hinunema wawag ulug hinebe og iseheg, eke aphe dahon kolap inaptuk ambeg epmano kolap hinabeheg eke hiren An ninuk eberoko wahup etno fam hinebe epmano it yi ap di ap inowesi ininuk suon epmano inolohotma minduhup hisahakeg suruk amuhup-o.

Lukas 21:17

Eke hit hag An nawene eberoko wahup etno fam, it obohen inambit hisahup-o.

Lukas 6:22

Eke it apheyen inambit hisaruk wilil, horiep hisahakeg, inune dahon hinobam embeheg suhup ari An ninuk wahup etno fam ariroho suruk isalug, Anden wa yig hisaruk ahi-o.

Lukas 9:24

Eke hinebe hinili huluog ulug suhubon oke, waramuhup at-o. Eke An ninuk su amag ulug sil nuruk wilil, hinebe hinili holeheg eleg-at welamuhup halug, hinebe hinili holahup-o.

Yohanes 15:21

Eke hiren An nawene etno waruk hisalug, hit ariroho-at inambit hisahup-o. Eke iren At An lahap nabik waharision etno inapeleg-at wereg-o.

Yohanes 9:28

Yig isaruk apagma, it etnowen inune fanggogsoho uruk apareg yig ituk wilil, “Hat hebe hakeleg-at ap du omin welahen heyehe-o. Eke nit hag at Musa omini-at welahe-o.

Kisah Para Rasul 9:16

Eke at etno An ninuk yig isarukmu it apheyen dahon epmano hobam umburuk amuhup ulug, Anden yig ituk aruhuk-o,” ulug yig epag.

Roma 8:36

Eke at Alkitab wene holal baleg etnowen yig nisaruk wilil, “Nit hat hawene waruk nisalug, ilikia hupmu-at war ninabuog ulug suruk-o. Ariroho suruk wilil, wam domba war inabuog ulug suruk etno hag war ninabuog ulug suruk-o,” ulug wene holal baleg etno fam yig nisaruk oke, eke nit ninebe At indi hunduhuk welapahon etno ninim welahe ari fam nit ninebe ninoag weregsoho suon-at welamuhuk-o.

1 Korintus 4:10

Eke At Kristus awene yig isil laruk ahe etno fam nit etno ninindi kimbu neken-at welaheon oke, eke hit hag At Kristus inuk fam hinindi weregsoho welahep-o. Eke nit ninebe ninoag elehon-at oke, hit hag hinoag wereg-o. Eke hit suontep hisaharuk wilil, nit hag kimburep nisaharuk-o.

2 Korintus 4:11

Eke nit ninebe niniluk wilil, At Yesus awene walug laruk aheon etno war ninabuog ulug surukmu, nit ninebe waramon oke niniluk atuk ahe etno fam At Yesus etno iluk wereg-o ulug selegma atuk-o.

Filipi 1:29

Eke hit hinabua hisaruk wilil, At Kristus anggimbu welamon etno og hisarisireg fam, hiren At Yesus obam ebetuk ahep-o. Eke At awene ebetuk ahep etno fam dahon etno hinobam umburuk-o.

1 Petrus 2:23

Eke iren dahon obam embebahon oke, Aren dahon hinobam umbuhuk ulug ebag fug-o. Nikni Allahen oag deloko onggo dagma imbisahu-o, ulug ahla bebag.

1 Petrus 4:14

Iren dahon hinobam umburuk ari, hit Kristus omini wereg hisalug ariroho suruk-o. Iren ariroho surukmu, eke hiren, At Roh Kudus suon etno nit ninobam belabik waharisi-o, ulug hinahientoho wilil hinindi ebetuk amiek-o.

Wahyu 2:3

Eke hit hinebe hinindi oag weregsoho wilil, An nawene warikip etno fam dahon hinobam umburuson oke, wene wawon etno sohorep isarikip fug-o.