Matius 5:10 - Allah Wene Hurumbik Keron

¹⁰ Eke nin hiren fanowon suruk ahep etno fam war hinabuog ulug mug hisaruk isalug, wa. Boholma At Allah weregma hiren angge ulug og hisahu-o.

Matius 5:10 ပူးပေါင်းရင်းမြစ်များ

Matius 10:23

Eke hit hinebe o misihen hinusuog ulug suruk isalug, sohorep isalug o misig hite alu-o. Eke At Allah Amloho awan waharuk eleg heheg, yabuk o Israel epma suhup-o, ulug An demat yig hisaruk ahi-o.

Matius 19:14

Winimug yig isaruk apagma, eke At Yesusen yig isaruk wilil, “It udag doron epma An nambeg wamag-o. It udag doron etno boholma At Allah weregma welamuog ulug waharuk isalug, winimug yig isa fug-o,” ulug yig isaruk apareg, inungguluag inggik sen inapag.

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 5:3

“Hit hinindi sebero­hon halug, wa. Boholma At Allah weregma hiren angge ulug og hisahu-o.

Markus 10:14

Winimug yig isaruk apagma, At Yesus etno asine haruk apareg, yig isaruk wilil, “It udag doron epma An nambeg wamag-o. It udag doron epmano At Allah weregma welamuog ulug waharuk isalug, winimug yig isa fug-o.

Markus 10:30

eke hineyabuk inim inubulukmu obog-at og hisaruk ahi ari, fobik hiniluk mondog welamon etno-at og hisahuk-o, ulug yig hisihi ari An demat yig hisihi-o,” ulug yig isaruk apareg,

Lukas 21:12

Eke yi angge di angge epmano awan suruk eleg heheg, hit epmano hele warep hisalug, dahon etno hinobam umbuhup-o. Umburuk amuhupseg, o Allah wene uruk ambeg epmanowen hinunema wawag ulug hinebe og iseheg, eke aphe dahon kolap inaptuk ambeg epmano kolap hinabeheg eke hiren An ninuk eberoko wahup etno fam hinebe epmano it yi ap di ap inowesi ininuk suon epmano inolohotma minduhup hisahakeg suruk amuhup-o.

Lukas 22:29

Eke fobik An Niknien it aphe obog Inowe suon welamag ulug minduhup nahaku etno hag, hit suon welamag ulug minduhup hisahakukmu,

Lukas 6:20

Eke fobik At Yesusen omini epmano yet isaruk apareg, yig isaruk wilil, “Hit kidia hinaharek elehon halug, wa. At Allah weregmen hiren angge ulug og hisahu-o.

Lukas 6:22

Eke it apheyen inambit hisaruk wilil, horiep hisahakeg, inune dahon hinobam embeheg suhup ari An ninuk wahup etno fam ariroho suruk isalug, Anden wa yig hisaruk ahi-o.

Yohanes 15:20

Eke Anden hit bilin yig hisaruk wilil, ‘Ap misig anggimbu etno suon neken, eke ikni etno doron neken wereg eleg-o,’ ulug yig hisarikikon etno hinindi eberiek-o. Iren An nebe muko wilip nabuog ulug surusa etno hag, hit ariroho at muko wilip hinabuog ulug suhup-o. Eke iren An nawene etno inesanggo holtusa fug etno hag, hit hinawene epmano ariroho-at inesanggo holtuk amuhup fug-o.

Kisah Para Rasul 5:40

it mondep isebahon epmano maniek ulug wol isaruk apareg, yig isaruk wilil, “Hit At Yesus inuk fam wene aphe obog yig isa fug-o,” ulug yig isaruk apareg, yikangge waroko sohorep isebag.

Kisah Para Rasul 8:1

Waratuk apagma, eke at Saulus etnowen fano warehesa-o ulug ahla bebag. Eke at Stefanus etno waratuk apagma,

2 Korintus 4:17

Eke kidia nanggog atuk wilil, ninahap dag atuk aheon dorat welamuhukseg, fobik ninitog mondog wilil ninebe suon fano mondog welamuhuk-o.

Filipi 1:28

Eke hit hinim healeg walehebon epmano hinakol isaruk eleg wilil, hinindi hinahlahiroho-at welamuk-o. Eke ariroho welamuhup etno fam it hinim healeg welahebon etnowen inahla buruk wilil, it ap Allah inim werehon duen nit seberep nisahalug, it suon amuhup-o, ulug inahla buhup-o.

2 Timotius 2:12

Eke it ninen dahon etno ninobam umburukmu, ninahla bugsoho welamuhuk halug, At ninim-at suon welamuhuk-o. Eke At ebe ninapeleg uruk nisalug, Aren hit hinebe an napeleg ulug yig nisahu-o.

2 Timotius 3:11

Eke o Antiokhia inim, o Ikonium inim, eke o Listra inim dahon mondog nobam umburukmu welatikik etno hiluk-o. Eke iren dahon etno nobam umburuson oke, At Allahen nili warisi-o.

Yakobus 1:12

Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.

Yakobus 5:11

It bilin inindi oag weregsoho welapag ari fam nit kidia it fano welapag ulug uruk ahe-o. Eke misig at Ayub etno hinindi eberiek-o. At ebe indi oag weregsoho welapareg fam, At Allah ninabua nisarukon etnowen fobik yi angge di angge anggolo og epag etno hiniluk-o.

1 Yohanes 3:12

At Kain etnowen sebag etno hag suk fug-o. At Kain iblis amloho etnowen, ot Habel wapag ari, nongge farim wapag-o? Ari at Kain obabut dahon weregma, eke ot Habel obabut fano sebag arien wapag-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.