Matius 4:7 - Allah Wene Hurumbik Keron

⁷ Yig ituk apa­gma, eke At Yesus etnowen yig ituk wilil, “Eleg-o, Hi­nikni Allah indi kaha­lik la nowen-o, ulug wene baleg wereg-­o,” ulug yig epag.

Matius 4:7 ပူးပေါင်းရင်းမြစ်များ

Matius 21:16

Inambit haruk apareg, At Yesus etnowen yig isaruk wilil, “It udag duen urukon du Hat hesanggo holtuk ahen ano?” ulug yig epag. Ariroho yig ituk apagma, At Yesus etnowen yig isaruk wilil, “An arat nesanggo holihi-o. Ariroho holihion oke, eke wene misig du, ‘It udag dot inanggohon etno inim, eke it udag fuangge etno inimen An ninuk suontepfukag ulug yanggul isarikin-o,’ ulug wene ebahon etno wane sirikip fureg uruk ahep ano?” ulug yig isebag.

Matius 21:42

Yig ituk apagma, eke At Yesusen yig isaruk wilil, “Hit Alkitab wene baleg du wane sirikip fureg uruk ahep ano? Alkitab wene baleg etnowen yig nisaruk wilil, ‘It o faltukon etnowen helep du dahon-o, ulug sohorep isebahon etno fobik at misihen o isin neken-at lahapfebag-o. Eke At Ninikni inuk suon etnowen ariroho lahapfebag etno fam, ninilanggen halug fog suruk ahe-o,’ ulug ebahon wene baleg fam wereg etna hiniluk-o.

Matius 4:10

ulug yig ituk apagma, eke At Yesusen yig ituk wilil, “Hat iblis hebe lag-o. Ninikni Allah-at sembahy­ang obam uruk am fano-o. Nit At akeleg-at andu­ananggeroho welam ari fano-o, ulug wene baleg ari wereg-o,” ulug yig ituk apag­ma,

Matius 4:4

Yig ituk apagma, At Yesus etno­wen yig ituk wilil, “Orom ari fam aphe iniluk welam hai-o. At Allah une inesanggo holuhup halug alem ari fam it aphe iniluk wela­mon etno-at hola­hup-o, ulug wene holal balfahon ari-at wereg-o,” ulug yig epag.

Lukas 4:12

eke At Yesusen yig ituk wilil, “Eleg-o, Hinikni Allah indi kahalik la nowen-o ulug wene holal balfahon wereg-o,” ulug yig epag.

Kisah Para Rasul 15:10

Ari halug, nit ninetamuki ninim komo yig nisebahon wene etno suruk atukuk fuhon oke, it nin komo yig nisebahon wene etno inobam imbisawag ulug uruk ahep du, keroho At Allah aren baltuk ahep-o?

Kisah Para Rasul 5:9

at Petrus etnowen yig ituk wilil, “Hit At Allah Roh Kudus etno keroho ulug dahapsik wahep-o?” ulug yig ituk apareg, “Ap hat hahun kweanma salepfik laheson etno hat inim-at wilip habuog ulug olma wereg-o,” ulug yig ituk apagma,

1 Korintus 10:9

Eke ap iron ninen At Ninowe indi kahalik waharuk apagma, walo ayeg bal inaptukon etnowen war inapag. Etno hag, nit ariroho At Ninowe etno indi kahaluk fug-o.

Ibrani 3:9

Eke At Allahen yig hisaruk wilil, ‘O limu epmanowen hinetamukien An naren baluog ulug sebag ari, An nebe empat puluh tahun wilil noag weregsoho suruk aheyahon etno inilanggen hebareg oke, naren baluog ulug-at sebag-o.’