Matius 4:3 - Allah Wene Hurumbik Keron

³ Orom obok hebareg weregma, At indi kahal­tukon iblis etno ambeg waharuk apareg, yig ituk wilil, “Hat Allah Amlo­ho-at wela­hen halug, helep du orom amagsoho hune yig imin-o,” ulug yig epag.

Matius 4:3 ပူးပေါင်းရင်းမြစ်များ

Matius 14:33

Eleg atuk apagma, eke At Yesus omini epmanowen obam sembahyang uruk wilil, “Hat hebe Allah Amloho demat welahen heyehe-o,” ulug yig epag.

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Matius 26:63

At Yesus etno une ilik eleg-at bok apag. Bok apareg weregma, eke fobik at ap Allah unde inowe suon etnowen yig ituk wilil, “Hat hebe Kristus Allah Amloho welahen ano ulug hinog yig hirihi ari, At Allah ilukon etno inuk fam demat yig nisawag ulug yig hirihi-o,” ulug yig ituk apagma,

Matius 3:17

Ilang­gen haruk apagma, eke bohol­men une yig ituk wilil, “An Namloho nindi hun­duhuk atma, nindi nahien hihi-o,” ulug yig epag.

Markus 1:1

At Yesus Kristus Allah Amloho etno wene ebe alem du at-o.

Markus 3:11

Horogsoho laruk apagma, it setan inindimu kebahon epmanowen At Yesus inilanggen halug, seberoho yin atuk apareg, uruk wilil, “Hat hebe At Allah Amloho at-o,” ulug inune ariroho-at yig epag.

Markus 5:7

Heahi watuk apareg, une suon yig ituk wilil, “Hat Yesus Allah boholmon Amloho wai. An keroho seko nombahiog ulug wahen-o? Haren an nowabuk nowen ulug At Allah inuk fam yig hirihi-o,” ulug yig epag.

Lukas 1:35

at malaikat etnowen yig ituk wilil, “At Roh Kudus hobam belabik waharuk aruhureg, At Allah boholmen haso wereg heheg, udag hahumla aruhun-o. Hahumla atuk aruhunteg, fobik endetuk aruhunmu, it apheyen udag du At Allah Amloho-at, ulug yig ituk amuhup-o.

Lukas 22:70

Yig isaruk apagma, eke it obohen uruk wilil, “Ari halug, Hat hebe At Allah Amloho-at ano?” ulug uruk apagma, eke At etnowen yig isaruk wilil, “Hat Allah Amloho welahen ulug hiren-at yig nituk ahep-o,” ulug yig isebag.

Lukas 4:3

Orom obok hebareg weregma, eke at iblis etnowen yig ituk wilil, “Hat Allah Amloho-at welahen halug, helep du orom amagsoho hune yig imin-o,” ulug yig ituk apagma,

Lukas 4:41

Eke it nin setan inindimu werehon epmano wilip atuk apareg, inune suon yig ituk wilil, “Hat hebe Allah Amloho-At heyehe-o,” ulug yig ituk apagma, iren, “At Yesus ari Kristus At-o,” uk nowen ulug winimug yig isebag.

Lukas 4:9

Yig ituk apagma, eke at iblisen walug o Yerusalem epmano o Allah ibam o fulahimu minduhupfebareg, yig ituk wilil, “Hat Allah Amloho-at welahen halug, hebe hiksoho ambik ma-o.

Yohanes 1:34

Nilanggen hihireg, anden ap du Allah Amloho demat-o ulug yig hisaruk ahi-o,” ulug at Yohanes etnowen yig isebag.

Yohanes 1:49

Yig ituk apagma, eke at Natanael etnowen yig ituk wilil, “Ninowe yanggul nisarukon wai, Hat At Allah Amloho-at welahen hiyihi-o. Ari fam nit Israel ap Ninowe suon-at welahen hiyihi-o,” ulug yig epag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 9:35

Muko wilipfuruk apagma, At Yesus etnowen esanggo holtug, aren ap etno heaharuk apareg, yig ituk wilil, “Hat hindi Allah Amloho etno obam ebetuk ahen ano?” ulug yig ituk apagma,

Kisah Para Rasul 9:20

it o Allah wene uruk ambeg epmano kuruk apareg, At Yesus awene etno yig isebag. Yig isaruk wilil, “At Yesus etno Allah Amloho at-o,” ulug yig isebag.

2 Korintus 1:19

Eke ariroho At Allah Amloho Yesus Kristus awene etno nit an, Silwanus Timotius ninimen yig hisarukukon etno enggal inim demat inim uruk eleg-o. Eke At Yesus inuk fam At Allahen demat ulug yig nisaruk-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

1 Tesalonika 3:5

Eke anden it o Tesalonika epma Allah wene warukon etno keroho waruk ulug nahla buruk wilil, at Timotius etno hinambeg lahapfik waharikik-o. Eke at iblisen hinindi kahalik waharukmu, niren hinindi yabuk surukukon etno eleg atisi ano ulug nahla buruk wilil, at Timotius lahapfik waharikik-o.

Ibrani 12:16

Eke at Esau etno manggia-at endag apareg fam, wene ap manggien uruk amon etno unde welatlebon oke, orom dorat farim onggo baltuk wilil, at ebe fobikon neken apag-o. Eke at obabut dahon wilil, dahan fahan suruk apag etno hag, hit ariroho sehep ha nowen fikfag welamuk-o.

Ibrani 4:14

Ari halug, wene demat ulug ebetuk aheon etno fanoroho seneg welamuk-o. Eke bilin At Allah unde suon etno At Allah ibam o baharik undamon etno fam kuruk apag etno hag, At Ninowe Allah unde suon Yesus, Allah Amloho etno At Ikni Allah wereg ambeg epmano-at lahabag-o.

Ibrani 7:3

Ariroho soaleg weregma, at Melkisedek etno ikni isina etamuki ininuk inim, eke at endag apahon etno inim, eke warapahon inim obog ninapeleg-o. Ninapeleg ari famen at ebe Allah amloho ilitoho neken atlug, nintul nantul Allah unde-at wereg-o.

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.