Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matius 4:23 - Allah Wene Hurumbik Keron

23 Inim laruk apagma, At Yesus etno o Galilea etno obog-at dahag dahag sil nuruk wilil, iren wene uruk ambeg o falegma epmanowen yanggul iseheg, eke At Allahen sukon wene fano wene etno yig iseheg, eke it aphe obog uk warehon inim, ukmurohon inim fano inabeheg sil nuruk apag.

အခန်းကိုကြည့်ပါ။ ကော်ပီ




Matius 4:23
46 ပူးပေါင်းရင်းမြစ်များ  

‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.


Eke fobik At Yesus o etno sohorep isalug, o Allah wene uruk ambeg misig epmano ap inggik hunduhukon etno inim weregma, kebag.


I angge kwalema kililtil lebag etno hag, it ap At Allah weregmen sukon wene etno inesanggo holtukon oke, eberoko weheg eleg-at weregma, at iblis dahon etno waharuk wilil, wene inindimu werehon lisoko waruk-o.


Waharuk apareg, o Allah wene uruk ambeg etno kuruk apareg, wene yangguloko yig isebag. Yig isaruk heheg, it aphe inesanggo holtuk apareg, fog suruk wilil, “Ap du wene indi enggatoho uruk ari, wene nonggeon warisireg uruk-o? Eke sukfuganggeroho suruk du, keroho suruk-o?


Laruk apagma, eke At Yesus etno so fam epmanowen wilip atuk apareg, it obog wonggalik wapahon epmano ilanggen isebag. Isaruk apareg, indimuen inabua isaruk wilil, it uk warehon epmano fano inapag.


Eke it yi aphe di aphe obohen inesanggo holukag ulug, At Allah weregmen sukon wene fano wene etno o ahik ya da obog-at yig isil lahup-o. Yig isil laruk amuhupmu, o atog arat aruhu-o,” ulug yig isebag.


Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.


Eke fobik At Yesus etno o ahik ya da o sumu dotma epmano ya keheg lebag. Laruk wilil, it o Allah wene uruk ambeg epmanowen yanggul iseheg, eke At Allah weregmen sukon wene fano wene etno yig iseheg, eke it uk warehon epmano obog-at fano inabeheg sil nuruk apag.


Eke fobik at Yohanes etno hele waroko kolapfuruk apagma, At Yesus etno o Galilea wapag. Waharuk apareg, Allah wene fanowon etno yig isil nuruk wilil, “Ariroho suhuk ulug hurumbik ebahon etno arat fanggog ehek-o.


It epmano inim laruk apareg, o Kapernaum etno wapag. Waharuk apareg, o hari Sabat fam it Yahudi ap epmano sembahyang uog ulug weregma, At Yesus etno o Allah wene uruk ambeg epmano kuruk apareg, wene yanggul yig isaruk apag.


Yig ituk apareg, o Galilea o ahik ya da it Yahudi ap wene uruk ambeg epmano o misig wene yig iseheg, it setan inindimu kebahon epmano wilip iseheg sil nuruk apag.


Yig isaruk apareg, eke Aren it aphe nin arat fano inaptuk apagma, it uk warehon nin epmanowen Yesus ininggik sen huog ulug aphe nin heal iseheg horogsoho lebag.


Waharuk apareg, o hari Sabat it Yahudi ap sembahyang uruk etno fam, o Allah wene uruk ambeg epmano kuruk apareg, wene yangguloko yig isaruk apag. Wene etno awan yangguloko yig isaruk heheg, it epmanowen fog suruk wilil, “Ap du sen wene yanggul itisimu uruk-o? Eke wene indi enggatoho uruk du, wene nonggeon warisireg uruk-o? Eke sukfuganggeroho suruk du, keroho suruk-o?


Fano inaptuk apareg, ahla buruk wilil, “It aphe duma An nobam ebetuk eleg du, wi, keroho ulug suruk-o?” ulug ahla buruk apareg, o sili alilukke epmano yig isil nuruk apag.


‘Kidia At Allah weregma welamon etno fanggog ehekseg fam, kuog ulug suruk ahep-o,’ ulug yig isaruk amuhup-o.


Eke fobik o hari Sabat fam it o Allah wene uruk ambeg epmano At Yesusen wene yanggul isaruk apareg weregma, at hwe misig setan dahon indimu kebagma uk hunduhuk wilil, delapan belas tahun welapag. Ariroho wilil, inggik iog hun apagma, kunukseg mondog welapag.


Eke at Yohanes ikma belap inaptukon etno awan waharuk eleg heheg, at Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inim, du-at senebuk ulug hinahla birikip-o. Eke at etno waharuk atisireg, At Allah weregma welamon wene fano wene etno yig hisaruk atisimu, it aphe obohen inasineroho kuk ulug uruk-o.


Eke fobik o misihim At Yesus etno o Allah ibam epmanowen it aphe epmano yanggul iseheg, eke wene fano wene etno yig iseheg, suruk weregma, it Allah unde inowesi epmano inim, it wene holal baleg unde epmano inim, it inowesi epmano inim,


Sohorep isaruk apagma, At Yesus etno suhuluk o Galilea larukmu, Roh Kudus indimu kebag. Kuruk apagma, it aphe o epma werehon epmanowen, “Yesus waha-o,” ulug uruk apag.


Eke fobik o misihim it Farisi ap nin inim, eke it ap wene holal baleg unde epmano nin inim o Galilea, o Yudea, o Yerusalem o ahik ya da epmanowen obog-at waharuk apareg, At Yesus ambeg wapag, wapareg weregma, Aren wene yanggul isaruk apag. Yanggul isaruk weregma, At Yesusen aphe uk warehon fano inabukag ulug At Allahen oag werehon etno og ituk apag.


Eke fobik At Yesus etno omini dua belas inim bunumu epmanowen ambik waharuk apareg, omini nin anggolo inim o sili fanoroho kaho ambeg etno welapag. Weregma, it aphe obog o Yudea o ahik ya da epmanowen eke o Yerusalemen, Tirus Sidon ik laut suon ayegma werehon epmano inim,


Eke fobik o hari Sabat misig fam o Allah wene uruk ambeg epmano ap inggik bikit fil hunduhukon etno weregma, At Yesus etno inambeg kuruk apareg, wene yanggul isebag.


Yig ituk apareg weregma, At Yesusen aphe uk warehon fano inabeheg, eke it setan inindimu kebahon wilip iseheg, eke inilanggen buhon fenggenep iseheg suruk apareg,


it Yohanes omini lahap isebahon epmano yig isaruk wilil, “Hit suhuluk lalihipseg, hinilanggen hehebon inim, eke hinesanggo holehebon inim at Yohanes yig irik lalihipseg, inilanggen buhon fenggen atukon inim, eke iniog inoag elehon fano atukon inim, eke it honanggorehon elehap inaptukon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isarukon inim obog-at fano suruk hehe-o, ulug at Yohanes yig irik lalihip-o.


Eke fobik At Yesus etno o sumu dotma ya keheg sil laruk wilil, At Allah weregmen sukon wene fano wene etno yig isil nuruk apag. Yig isil nuruk wilil, At omini dua belas epmano inim,


Laruk apagma, it aphe obog epmanowen At Yesus waha-o, ulug urukmu inesanggo holtuk apareg, mutlug lebag. Mutlug laruk apagma, heahi war inaptuk apareg, At Allah weregmen sukon wene etno yig isaruk wilil, it uk warehon epmano hag fano inapag.


At Yesusen yig ituk wilil, “It waratukonen it warehon epmano kweanma salep isaruk amag ulug sohorep isin-o eke hat hag, At Allah weregmen sukon etno yig isil alu-o,” ulug yig epag.


At Yesusen yig ituk wilil, “An nawene etno nintul nantul aphe obog selegma-at yig isaruk atikik-o. Ariroho yig isaruk atikik ari, o Allah wene uruk ambeg epmano inim, eke o Allah ibam it Yahudi aphe obog wonggalik waharuk ambeg epmano inim, obog-at selegmaroho yanggul isarikik-o. Ariroho yanggul isaruk wilil, Anden herako neken uruk atikik fug-o.


ulug At Yesusen o Kapernaum etno o Allah wene uruk ambeg epmanowen wene yig isaruk wilil yanggul isebag.


Eke fobik At Yesus etno o Galilea epmano ya keheg sil wapag. Ariroho sil wapag ari, it Yahudi aben ebe wabuog ulug suruk isalug, o Yudea etno lao amberaken o Galilea wapag.


Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.


Og ituk atusareg weregma, at Paulus etno it Yahudi ap inim, it Yunani ap inim, wene wawag ulug nintul nantul it Yahudi ap o Allah wene uruk ambeg epmano kuruk atisi.


Eke At Allah weregmen sukon wene etno yig hisaruk wilil, hit obog ninim welatukuk-o. Eke fobik an nebe etno hit obohen hinilanggen neahup fug-o,” ulug yig isaruk atisireg, yig isaruk wilil, “Eke kidia alem misig yig hisamin-o.


At Allah weregmen sukon wene etno yig iseheg, At Ninowe Yesus Kristus awene etno yanggul iseheg suruk wilil, akol elegsoho indi ahien atlug yig isaruk atisi.


Eke it wene yig isil nuruk amag ulug mondep isaruk eleg halug, wene etno keroho yig isil nuruk amuhup-o? Eke ari halug, Alkitab etnowen yig nisaruk wilil, “It wene fano wene yig isil wamon etno inahientoho wereg-o,” ulug yig nisaruk-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ