Matius 4:19 - Allah Wene Hurumbik Keron

¹⁹ It ikan watukon etno yet isaruk apareg, yig isaruk wilil, “An nombolim maniek-o. Ikan watuk ahep etno ilitoho, aphe sen inabil nurukon welamuhuben ulug minduhup hisahakuk-o,”

Matius 4:19 ပူးပေါင်းရင်းမြစ်များ

Matius 16:24

Yig ituk apareg, eke fobik omini epmano yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o.

Matius 19:21

Yig ituk apagma, At Yesusen yig ituk wilil, “Hat nobabut fanoroho welam hahla buruk wilil halug, hat yi angge di angge anggolo werehon etno fam uang anggen onggo baloko it aphe inaharek elehon epmano sumbut isa lag-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Matius 4:18

Eke fobik At Yesus ik Galilea ayegma laruk wilil, at Simon inuk misig Petrus etno, ot Andreas inimen werul etno ikma belaptukmu ilanggen yet isebag. It etano ikan watukon welapag.

Matius 4:20

ulug yig isaruk apagma, werul iren angge etno sohorep isalug, At inim laruk apag.

Matius 8:22

At Yesusen yig ituk wilil, “Hat An ninim sil nuruk amuhuken ma-o. Eke it waratukon etnowen hag it warehon epmano kweanma salep isaruk amag ulug sohorep isin-o,” ulug yig epag.

Matius 9:9

Eke fobik At Yesus etno o epmano sohorep isalug, wilip atuk apareg, at ap inuk Matius etno uang onggo kino urukon welapag. At epmano o faleg ambeg horieg weregma ilanggen hebag. Ilanggen haruk apareg, yig ituk wilil, “Ninim lulen ma-o,” ulug yig ituk apagma, at Matius etno minatuk apareg inim lebag.

Markus 2:14

Wene yig isaruk apareg, kwalema laruk wilil, at Alfeus amloho Lewi etno uang onggo kino urukon umburuk ambeg o falegma epmano horieg weregma At Yesus etnowen ilanggen hebag. Ilanggen haruk apareg, yig ituk wilil, “Ninim lulen ma-o,” ulug yig ituk apagma minatuk apareg, Yesus inim lebag.

Lukas 5:27

Eke fobik At Yesus etno wilip atuk apareg, at ap inuk Lewi etno uang onggo kino urukon umburuk ambeg o falegma horieg weregma ilanggen hebag. Ilanggen haruk apareg, yig ituk wilil, “Ninim lulen ma-o,” ulug yig ituk apagma,

Lukas 9:59

Yig ituk apareg, eke fobik ap misig yig ituk wilil, “Hat ninim lulen ma-o,” ulug yig ituk apagma, at ap etnowen yig ituk wilil, “Nowe-o, an bilin lalug nikni warehon kweanma salepfinen yig nimin-o,” ulug yig ituk apagma,

Yohanes 1:43

Yig ituk apareg, noholug ilikia At Yesus etno o Galilea laminen ulug ahla buruk apareg lebag.

Yohanes 12:26

Eke at ap misig An nanggimbu welariog ulug ahla buruk halug, mug naplug waharuk amag-o. Ariroho waharuk halug, An wereg ambeg epma ninim lahuk-o. Eke it yi aphe di aphe obog An nanggimbu wereg isalug, An Niknien suontep isahu-o,” ulug yig isebag.

Yohanes 21:22

Yig ituk apagma, At Yesusen yig ituk wilil, “Anden ap du An awan waharuk eleg neyeheg iluk-at welamag-o ulug nahla belemen, haren elen fug-o. An nakelehen-at nahla bele-o. Ari halug, kidia hat hebe etno An mug naplug ma-o,” ulug yig epag.

2 Korintus 12:16

Eke ari halug, an hit hinaharek epmano holarikik fug oke, eke it ap ninen at Paulus enggal-at yamintal neken suruk wilil, ninaharek holarisi-o, ulug uruk oke, anden maram hinaharek holarikik-o?