Matius 4:13 - Allah Wene Hurumbik Keron

¹³ Waharuk apareg, o Nazaret etnowen wilip atlug, o Zebulon Naftali ho­rog-at o Kapernaum epmano welapag.

Matius 4:13 ပူးပေါင်းရင်းမြစ်များ

Matius 11:23

Eke hit Kaper­naum aphe du hinabua-o. Hit boholma lahakuk ulug uruk ahep ano? Fobik o hondok olokma-at hinombi­sahaku-o. Eke hit hinanggelegmen sukfugangge sirikikon epmano o Sodom epma inim selemen, o ari mialeg eleg o yoho du oho faleg-at welat­lep-o.

Matius 17:24

Eke fobik At Yesus omini epmano inim o Kapernaum waharuk apagma, o Allah ibam kuog ulug at ap misig onggo umburukon seneg werehon etno at Petrus ambeg waharuk apareg, yig ituk wilil, “Hit Hinowe etnowen o Allah ibam onggo etno umburuk ano eleg ano?” ulug hinog waruk apagma, at Petrus etnowen yig ituk wilil,

Matius 4:14

Ariroho welapag ari, bilin at nabi Yesaya etnowen hurumbik yig isebahon etno demat siri­si-o ulug inahla ebebukag ulug o Kapernaum welapag.

Matius 4:15

Eke at Yesaya etnowen bilin yig isaruk wilil, “O Zebulon eke Nafta­li, laruk ambeg kwalem, eke ik Yor­dan ayeg oholuk fil epmano inim, it aphe o Gali­lea were­hon epma­no inim,

Matius 9:1

Eke fobik At Yesus etno so fam kuruk apareg, ik etno baloko du femag wapag. Waharuk apareg, it inibam etno wapag.

Markus 1:21

It epmano inim laruk apareg, o Kapernaum etno wapag. Waharuk apareg, o hari Sabat fam it Yahudi ap epmano sembahyang uog ulug weregma, At Yesus etno o Allah wene uruk ambeg epmano kuruk apareg, wene yanggul yig isaruk apag.

Markus 2:1

Epmano welapareg, eke fobik o Kapernaum etno iog suhuluk wapag. Waharuk apagma, it ninen ibam waha-o, ulug uruk apareg,

Lukas 10:15

“Ae, hit Kapernaum aphe du hinabua-o. Hit boholma lahakuk ulug uruk ahep ano? Fobik o hondok olokma-at belap hisahaku-o,” ulug yig isaruk apareg,

Lukas 4:23

Aren yig isaruk wilil, “Hiren An yig nitlihibon epmano An niluk-o. Eke ‘Hat hebe ap uson-at halug, honggarehen-at fano simin,’ yig nitlihip-o. Eke misig ‘O Kapernaumen surukmu nit ninesanggo holtukukon epmano ilitoho, o Hat hebe endag atikin ambeg dumen simihin,’ ulug yig nitlihip-o, ulug An kidia yig hisaruk ahi.

Yohanes 2:12

Ariroho At obam ebetuk apagma, eke At omini epmano inim, o Kapernaum waharuk apareg, inggik biren henahan neken welapag.

Yohanes 4:46

Heahi warepfuruk apagma, At Yesus etno o Galilea epmen o doron Kana ik olohore e anggur ambusu neken sepfebag ambeg etno suhuluk wapag. Waharuk apagma, at ap inowe suon misig amloho o Kapernaum etnowen uk wareg weregma,

Yohanes 6:17

Kuruk apareg, ik etno baloko o Kapernaum wamuog ulug sebag. Ariroho surukmu, o hup atuk heheg, At Yesus etno dulum inambeg wapag fug.

Yohanes 6:24

Bok arik laruk apareg weregma, it aphe obog epmanowen At Yesus omini inim inebe eleg isaruk apareg, so etno fam kebag. Kuruk apareg, At Yesus ebe heahuog ulug so etno fam o Kapernaum wapag.

Yohanes 6:59

ulug At Yesusen o Kapernaum etno o Allah wene uruk ambeg epmanowen wene yig isaruk wilil yanggul isebag.