Matius 4:10 - Allah Wene Hurumbik Keron

¹⁰ ulug yig ituk apagma, eke At Yesusen yig ituk wilil, “Hat iblis hebe lag-o. Ninikni Allah-at sembahy­ang obam uruk am fano-o. Nit At akeleg-at andu­ananggeroho welam ari fano-o, ulug wene baleg ari wereg-o,” ulug yig ituk apag­ma,

Matius 4:10 ပူးပေါင်းရင်းမြစ်များ

Matius 16:23

At Yesus etnowen olohore dahagsoho at Petrus etno yig ituk wilil, “Hat iblis nambolma welahen ari wilip amin-o. Haren An nolohot baltuk ahen-o. Eke hat At Allahen indi ebetuk etno hag ebetuk ahen fug-o. It apheyen inindi bulug uruk etno hag ehen hihi-o,” ulug yig epag.

Markus 1:13

O limu epmano lebareg weregma, at iblis etnowen indi oag wereg ano, eleg ano ulug indi kahalik waharuk heheg, inggik empat puluh welapag. Epmano wilil, o bak ibam epmano inim weregma, it malaikat epmano waharuk apareg, aso welapag.

Lukas 10:18

Yig ituk apagma, At Yesusen yig isaruk wilil, “Ari demat ehep-o. At setan ebe sehenyabog neken boholmen bule ambik waharukmu harikikseg fam, hit kidia hinesanggo holtuk amiek-o.

Lukas 11:18

Ari hag, eke setan owe ot inim healeg wilil irit aptuk isalug, inoag weregsoho welamuhup buruk ahep ano? Ari eleg-o.

Lukas 13:16

Eke at hwe Abraham etamu du at setanen delapan belas tahun kumbi liloko seneg welatision oke, o hari Sabat fam hele hibiluk hai buruk ahep ano?” ulug yig isebag.

Lukas 22:3

Eke fobik At omini dua belas epmano misig inuk Yudas Iskariot soalfahon etno at setan indimu kuruk apagma,

Lukas 22:31

At Yesusen Petrus etno yig ituk wilil, “Simon wai, hesanggo holin-o. Eke ap misihen hulim anggen ahap fultuk etno hag, at iblis etno hit obog hinindi kahaliog ulug waruhu-o.

Lukas 4:8

Yig ituk apagma, eke At Yesus etnowen yig ituk wilil, “Hinikni Allah-at obam sembahyang uruk wilil, At akeleg-at anduananggeroho welam fano, ulug wene baleg ari wereg halug, hat iblis hebe lag-o,” ulug yig epag.

Yohanes 13:27

Og ituk apagma, at Yudas etnowen orom roti webag. Waruk apagma, at iblis etno indimu kebag. Kuruk apagma, At Yesusen yig ituk wilil, “Haren ariroho sik ulug hahla buruk ahenon etno dulum-at sin-o,” ulug yig epag.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Kisah Para Rasul 5:3

Og isa laruk apagma, at Petrus etnowen yig ituk wilil, “Ananias wai, hat keroho ulug iblis hindimu kehekma, At Roh Kudus etno ambolma dahalehen-o? Eke hahuang og hituson etno obog-at og hisaruk ahi, ulug yig nisehenon oke, nin minggiroko herahapatehen-o.

1 Korintus 5:5

ap ariroho surukon etno ahap dag aruhureg oke, indi At Ninowe waruhu etno fam fano sukag ulug, hiren ap ari oag deloko at iblis og imuog ulug fuloko imbiek-o.

1 Korintus 7:5

Eke hit hinebe hinim nohuog ulug nambit hambit uruk am fug-o. Eke hit hinindi misig-at wilil, sembahyang ninakeleg siken uruk amuhuken, ulug o misihim hinebe hinakeleg sik welam fano-at oke, eke hinindi oag eleg neken wereg hisalug, at setan etnowen hinindi kahaluk nowen ulug fobik hinim dambuksoho welamuk-o.

2 Korintus 11:14

Eke iren ariroho suruk isalug, hiren demat suruk ulug fog inaptuk am fug-o. Eke at iblis etno fobik o seleg malaikat ilitoho welariog ulug obabut akelehon neken suruk-o.

2 Korintus 12:7

Eke an yi angge di angge elalintoho surukmu haruk seyahon epmano fam suontepata nowen ulug, e alog enggaron etno fam watawag ulug uk suon neken nobam nombaharisi-o. Ariroho nobam nombaharisireg fam, at iblis o malaikaren inusuruk etno hag inggik samurlinggilig nowatuk wilil, an nebe suontepata nowen ulug uk etnowen dorontep naharuk-o.

2 Korintus 2:11

Eke at iblis etnowen seberep nisahuk nowen ulug, at ap etnowen dag sirision etno sohorep isalug, obam apelegsoho napma imbirikik-o. Eke at iblisen ariroho sik ulug ahla burukon etno niniluk-at-o.

Yakobus 4:7

Ari halug, nomini-o, hit hinebe epmano hiren At Allah apma seberoho welamiek-o. Eke at iblis etnowen hinindi kahalik waharuk halug, hiren lag ulug yig imuhupmu, sohorep hisahalug hite lahu-o.

1 Petrus 5:9

Heag hinabil nuruk halug, Allah inuk waruk wilil, hat iblis hebe ulug yig ituk amiek-o. Ariroho sil nuruk wilil, it hinomini Allah udaki o kweanma werehon epmano obog at iblisen dahon inobam umburuk etno hit hiniluk-o.