Matius 3:5 - Allah Wene Hurumbik Keron

⁵ Eke ariroho suruk wilil epmano weregma, it o Yeru­salem yi aphe di aphe inim, it o Yudea o ahik ya da epma­no inim, it ik Yordan ayegma werehon epmano inim obog-at inibam soho­rep isalug, at ambeg balu sik wapag.

Matius 3:5 ပူးပေါင်းရင်းမြစ်များ

Matius 2:1

At Herodes etno o Yudea it inowe suon we­regma, At Yesus o Betlehem epmanowen endag apag. Endag atuk apagm­a, it ap soholoal alem inilukon etno mo alem filen o Yerusalem wapag.

Matius 4:25

Fano inap­tuk apagma, it aphe o Galilea, Dekapolis, Yerusa­le­m, Yudea-on, o ik Yordan le fema­hon obo­g, At inim laruk apag.

Markus 1:5

Ariroho yig isaruk weregma, it o Yehuda o ahik ya da epmano inim, eke o Yerusalem it yi aphe di aphe inim at Yohanes ambeg waharuk apag. Waharuk apareg, iren dag suruk apahon epmano bukaltuk apagma, ik Yordan ikma belap inaptuk apag.

Lukas 16:16

Eke at Yohanes ikma belap inaptukon etno awan waharuk eleg heheg, at Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inim, du-at senebuk ulug hinahla birikip-o. Eke at etno waharuk atisireg, At Allah weregma welamon wene fano wene etno yig hisaruk atisimu, it aphe obohen inasineroho kuk ulug uruk-o.

Lukas 3:3

Yig ituk apagma, at Yohanes etno o ik Yordan ikma liluke epmano ya keheg yig isil nuruk wilil, “Hit dag suruk atikibon epmano sohorep isaruk hisalug, ikma belap hinabuhuk-o. Eke At Allahen hiren dag suruk atikibon epmano sohorep isalug hinindi hinapelegsoho apma hinombisahaku-o,” ulug yig isil nuruk apag.

Lukas 3:7

Ambeg laruk apagma, at Yohanes etnowen yig isaruk wilil, “Hit walo udaki du. At Allah asineyen aphe dahon inobam imbisahu ambehen hite alu-o, ulug sen yig hisehek-o?

Yohanes 3:23

Belap inaptuk epmano weregma, at Yohanes o Ainon etno o Salim horogsoho epmanowen aphe ikma belap inaptuk apag. O etno ik anggolo weregma, it yi aphe di aphe obog at ambeg laruk apag.

Yohanes 5:35

Eke at Yohanes etnowen eral fisaho etno hag fisatukmu, seleg atisi-o. Eke aren o seleg etno yanggul hisarukmu, hit bikalem biren henahan neken-at hinahien harikip-o.