Matius 3:2 - Allah Wene Hurumbik Keron

² Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Matius 3:2 ပူးပေါင်းရင်းမြစ်များ

Matius 10:7

Laruk atli­hipseg, At Allah weregmen sukon etno fanggog uruk-o, ulug yig isimuk-o.

Matius 11:20

Eke fobik At Yesusen aphe wereg ambeg sukfugangge anggo­lo sebahon oke, it aphe epmanowen dag sukon epmano sohorep isebag fugmu, inambeg laruk apareg, it epmano yig isaruk wi­lil,

Matius 12:41

Eke fobik At Allahen aphe inaren baluhu ari sambit it Niniwe aphe etno minatuk amuhupseg, hit aphe kidia welahebon epma hinenggali war hinabuhup-o. It Niniwe aphe etno at Yunusen wene yig isarukmu, dag suruk apahon etno sohorep isalug, inindi wereg apahon oke, hit kidia an Yunus owe nune etno-at holtuk ahep-o, ulug yig hisihi ari An demat yig hisihi-o.

Matius 13:11

eke aren yig isaruk wilil, “At Allah weregmen sukon wene herahowon etno hit unde wilil hiniluk amag ulug yangguloko yig hisaruk ahion oke, it etno hag selegmaroho yig isaruk ahi fug-o.

Matius 13:24

Eke fobik At Yesus etnowen wene ilitoho neken yig isaruk wilil, “At Allah weregmen sukon etno hag ap misihen i angge fanowon etno eyabukmu yatil lebag-o.

Matius 13:31

Eke fobik At Yesus etnowen wene ilitoho neken yig isaruk wilil, “At Allah weregmen sukon etno hag, e wile anggen ari mondog doron-at wereg-o.

Matius 13:33

Eke fobik At Yesusen wene ilitoho neken yig isaruk wilil, “At Allah weregmen sukon etno hag, at hwe misihen roti su amag ulug umburukon etno walug, tepung inim dahagsoho umburuk apagma, fobik obog-at su atuk apag-o,” ulug yig isebag.

Matius 13:47

At Yesusen yig isaruk wilil, “At Allah weregmen sukon etno hag, it ap ikan watukon etnowen inawerul ikma belapfuruk apagma, ikan olohore yion dion obog-at yonggat apag-o.

Matius 13:52

Yig ituk apagma, Aren yig isaruk wilil, “Ari halug nomini-o. Hit wene unde neken welahebon ari, At Allah weregmen sukon etno hinindimu ebetuk hisalug, at ap ibam unde wereg etnowen o yi angge di angge umburuk ambeg etnowen keron inim, amukon inim walug waharukon etno hag hit ariroho-at welahep-o,” ulug yig isebag.

Matius 18:23

Eke At Allah weregmen suruk ari, ap inowe suon misihen sebag etno hag suruk-o. Eke at inowe suon etnowen it anggimbu nomat inobam werehon epmano alem heahik-o, ulug ahla buruk apagma,

Matius 20:1

At Yesusen yig isaruk wilil, “At Allah weregmen sukon etno ap misig e anggur yabuk unde werehon etnowen sirisi etno hag suruk-o. Eke at ap yabuk unde etnowen ilikia hubet wilip atlug, ap nin neyabuk surukim uang anggen og isaminen ulug heag inabil larisi-o.

Matius 22:2

“O boholmen sukon etno ap inowe suon misihen sebahon inim ilitik-o. At ap inowe suon etno amloho uhwe holaruk wilil, onggo imbiug ulug surukmu, esoho misig eseriug ulug sebag.

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Matius 25:1

Eke fobik At Yesusen yig isaruk wilil, “Fobik o ari sambit o boholma Allah weregmen sukon etno it holani nomaloen angge epmanowen sebag etno hag suhu-o. It holani epmanowen inaheral lampu ilitoho epmano holalug, at misig hwe onggo wiog ulug wapahon inim salkal uog ulug lebag-o.

Matius 25:14

Eke fobik At Yesusen yig isaruk wilil, “An wene misig ilitoho neken yig hisamin-o. At ap misig o yatma liug ulug suruk wilil, at anggimbu epmano wol isaruk apareg, at aharek yi angge di angge epmano inaso welamag ulug inim imbisebag-o.

Matius 4:17

Ariroho holal embe­bareg fam, eke fobik o ari famen At Yesusen wene yanggul isebag. Yanggul isaruk wilil, “Hinindi wereg amiek-o. At Allah boholmen sukon etno fanggog ehek-o,” ulug yig isaruk apag.

Matius 4:23

Inim laruk apagma, At Yesus etno o Galilea etno obog-at dahag dahag sil nuruk wilil, iren wene uruk ambeg o falegma epmanowen yanggul iseheg, eke At Allahen sukon wene fano wene etno yig iseheg, eke it aphe obog uk warehon inim, ukmurohon inim fano inabeheg sil nuruk apag.

Matius 5:10

Eke nin hiren fanowon suruk ahep etno fam war hinabuog ulug mug hisaruk isalug, wa. Boholma At Allah weregma hiren angge ulug og hisahu-o.

Matius 5:3

“Hit hinindi sebero­hon halug, wa. Boholma At Allah weregma hiren angge ulug og hisahu-o.

Matius 6:10

Hat weregmen sukon etno fanggogsepfin-o. Hat hahla buruk ahenon etno boholma inim, kweanma inim suruk aruhun-o.

Matius 6:33

Ari halug, At Allah weregma welamon etno inim, eke Aren yig hisebahon etno ilitoho suruk amon etno inim bilin-at heaharuk amuk-o. Heag saruk amuhupmu, aren yi angge di angge nin epmano obogsoho sumbut hisahu-o.

Markus 1:15

Ariroho fanggog ehek ari, At Allah weregmen sukon etno-at fanggog ehek-o. Ari halug, hit hinindi wereg atlug, wene fano wene du-at eberoko wimiek-o,” ulug yig isaruk apag.

Markus 1:4

Wene embebahon etno fam, at Yohanes etno aphe ikma belap inabiog ulug o limu aphe eleg ambeg epmano wapag. Waharuk apareg, it aphe epmano yig isaruk wilil, “Hit dag suruk atikibon epmano At Allahen sohorep isalug, hinobam hinapelegsoho apma hinombisaharuk etno fam hinindi wereg atuk amiek-o. Hinindi wereg atuk hisalug, anden ikma belap hinabuhuk-o,” ulug yig isaruk apag.

Markus 6:12

ulug inesanggo watuk apareg, lahap isaruk apagma, it epmano laruk apareg, yig isaruk wilil, “Hit dag suruk ahebon epmano sohorep isalug, hinindi wereg atuk amiek-o,” ulug yig isil nuruk apag.

Lukas 1:16

Ariroho weregma, aren it Israel aphe epmano Inikni Allah obam ebebukag ulug suhuluk og inaplug waruhu-o.

Lukas 11:20

Eke An At Allahen oag werehon etno og nitukmu, setan lisoko wilip isaruk ahi-o. Eke ari fam At Allah weregmen sukon etno horog fanggog ehek ulug hinindi ebetuk amiek-o,” ulug yig isebag.

Lukas 13:3

Eleg-o. Eke hit dag suruk atikibon epmano sohorep isalug hinindi wereg atuk eleg hisalug, it waratusa etno hag hit ariroho-at waramuhup-o.

Lukas 13:5

Ari eleg-o. Eke hit dag suruk atikibon epmano sohorep isalug, hinindi wereg atuk eleg hisalug, it waratusa etno hag hit ariroho-at waramuhup-o,” ulug At Yesusen yig isebag.

Lukas 15:10

it Allah malaikat epmanowen at dag surukon misig ioba yatuk atlug indi wereg atuk halug, inahien haruk-o,” ulug At Yesusen yig isebag.

Lukas 15:7

eke at ap dahon misig ioba yatuk atlug, indi wereg atuk halug, it boholmon inahien anggolo haruk-o. Eke it sembilan puluh sembilan ninindi wereg ulug inahla burukon epmano fam it boholmon inahien dorat haruk-o, ulug An demat yig hisaruk ahi-o,” ulug At Yesusen yig isebag.

Lukas 16:30

eke at ap aharek welapahon etnowen yig ituk wilil, ‘Eleg-o, nikni Abraham wai. Holal ari fam inesanggo holuhup fug-o. At ap waratision misig iluksoho minatlug yig isa watlepmen, it dag surukon epmano sohorep iselep-o,’ ulug yig epag-o.

Lukas 21:31

Anden At Allah weregmen sukon etno ariroho suhu-o ulug hurumbik yig hisihion etno hinilanggen haruk amuhupseg, ebe sukon etno horog fanggog ehek hehe-o, ulug hinindi ebetuk amuhup-o.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Lukas 6:20

Eke fobik At Yesusen omini epmano yet isaruk apareg, yig isaruk wilil, “Hit kidia hinaharek elehon halug, wa. At Allah weregmen hiren angge ulug og hisahu-o.

Lukas 9:2

Yig isaruk apareg, iren At Allah weregmen sukon wene etno yig iseheg, eke it uk warehon epmano fano inabeheg sukag ulug lahap isebag.

Kisah Para Rasul 11:18

Yig isaruk apagma, inesanggo holtuk apareg, iren, “Bilin ninune fanggogsoho eheon etno yig ituk sohorep isul, ulug inahla buruk apareg, At Allah inuk suontepfuruk apareg, uruk wilil, ari halug, At Allahen it At awene inapeleg welatuson epmano iren dag suruk atuson sohorep isalug, iniluk welamon wene etno og isaruk hehe-o,” ulug uruk apag.

Kisah Para Rasul 17:30

Eke amuk ninapeleg wilil dag suruk atukukon epmano ninobam ninapelegsoho apma ninombisahabahon oke, kidia At Allahen yi aphe di aphe obog hiren dag suruk ahebon epmano sohorep isalug An nawene etno waruk amiek-o, ulug yig nisaruk-o.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 20:21

Eke it Yahudi ap inim, it bilin Allah wene inapeleg welatuson inim obog-at iren dag surukon epmano inobam inapelegsoho imbisalug At Allahen apma imbisahureg fam, At Ninowe Yesus inuk eberoko wawag, ulug obog-at yig hisarikik-o.

Kisah Para Rasul 26:20

Demat ulug nindimu ebetuk atikikseg, bilin o Damsyik inim, o Yerusalem inim, eke fobik o Yudea obog inim, eke it o ahik ya da Allah wene inapeleg ambeg inim obog-at yig isil nuruk wilil, hit dag suruk atikibon epmano sohorep isalug, hinindi weregsoho At Allah inuk waruk wilil, nit demat wene waruk ahe ulug hiniluk amagsoho fanowon etno-at suruk amuk-o, ulug yig isil nuruk atikik.

Kisah Para Rasul 3:19

Ariroho seg atision hiniluk wilil, hinindi wereg atuk amiek-o. Hiren dag suruk atikibon epmano sohorep isalug, At Allahen apma hinombisahukag ulug hiren seberepataruk amiek-o.

2 Korintus 7:10

Eke At Allahen ninindi dahap nisaharuk halug, niren ninili og ninabin-o ulug ukag ulug ninindi werehep nisaharuk-o. Eke ariroho ninindi werehep nisaharuk halug, niren fobik ninili og ninabuk sohorep isawim sirisi ulug uruk amuhuk fug-o. Eke yi angge di angge kweanmon fam ninindi dag atukon ari waratukon alem etno ari-at wereg-o.

Kolose 1:13

Eke o hik oag weregsoho wereg ambeg epmanowen wilip nisahik wapareg, At Amloho wereg ambeg epmano ninili oko kolap ninaptisi-o.

2 Timotius 2:25

Eke it hag inindi wereg atlug ioba yatuk wilil, wene demat urukon etno iniluk atuk amuhupseg,

Ibrani 6:1

Ari halug, At Kristus awene alem-at yig nisaruson etno dot awan wereg heheg, wene ebe undamon it inanggohonen inahla burukon etno niniluk amag ulug yanggul saruk amuk-o. Eke niren dag suruk atukukon sohorep isawon etno inim, eke At Allah obam ebebukon etno inim niniluk atukukseg, o andorli neken arat umburukukseg fam, fobik inim umbuk ari hai-o.

2 Petrus 3:9

Ari it inapelehon epmanowen At Allahen orog-at suruk hehe-o ulug uruk oke, orog-at suruk eleg-o. Aren ninabua nisaruk wilil, war ninabuk amberaken nit obog dag suruk aheon epmano seberepfulug sohorep isawag ulug ninaso wereg-o.

Wahyu 2:21

Ari halug, at hwe arien dag sirision epmano sohorep isawag ulug aso welatikikon oke, aren wanggik surukon etno sohorep isao ambera­ken suruk-o.

Wahyu 2:5

Eke hit hinebe dag sirikibon epmano hinin­di eberiek-o. Ari halug, hiren dag suruk ahebon epmano sohorep isalug, bilin suruk atikip epmano ilitoho suruk amiek-o. Eke hiren dag suruk ahebon epmano sohorep isaruk eleg hisalug, An fobik hinambeg waharuk aruhukseg, hiren eral fisako umburuk ahep ambeg etno walug o werlekma umbuhuk-o.