Matius 3:1 - Allah Wene Hurumbik Keron

¹ At Yohanes aphe ikma belap inaptukon etno o Yudea limu aphe eleg ambeg epmano laruk apareg, Allah wene yig isaruk apag.

Matius 3:1 ပူးပေါင်းရင်းမြစ်များ

Matius 11:11

at Yohanes it aphe kweanmen endohowon etno obog inowe neken wereg oke, it aphe At Allah weregmen sukon wene inesanggo holtukon etno inapma neken wereg-o. Ariroho weregma, hinindi ebetuk amiek-o.

Matius 11:7

Yig isaruk apagma, it at Yohane­sen lahap isebahon epma­no suhuluk lebag. Suhuluk laruk iseheg, At Yesusen it aphe obog epmano at Yohanes farim yig isaruk wilil, “Hit bilin at Yohanes o limu aphe eleg ambeg epma­no weregma ha luog ulug ap kerohon weregma ha lul ulug hinahla birikip oke, e engga o hiahneyen laheg waheg suruk etno hag surukmu ha lul birikip ano?

Matius 16:14

it etnowen yig ituk wilil, “It ninen At ebe Yohanes aphe ikma belap inaptukon-at hehe ulug uruk-o, eke it ninen Elia uruk-o, eke it ninen Yeremia ano, eke it nabi ap Allah wene yig isaruk apahon misig ano, ulug uruk-o,” ulug yig epag.

Matius 21:32

Eke at Yohanes aphe ikma belap inaptukon etno hinambeg waharuk apareg, kwalem moron etno lawag ulug yig hisebahon oke, hiren demat yig nisehek ulug hinindi ebetikip fug-o. It ap uang onggo kino urukon etno inim, eke it hweap yuhun-at wanggik surukon etno inim hag, demat yig nisaruk ulug inindi ebetusa-o. Ariroho ebetuson etno hit hinilanggen isaruk atikibon oke, hiren fobik demat yig nisaruk ulug hinindi ebebuk sohorep isalug, we yuhun-at welatikip-o,” ulug yig isebag.

Matius 3:8

Hit aphe inindi wereg atuson ilitoho ang­gen fano­won-at yihie­k-o.

Markus 1:15

Ariroho fanggog ehek ari, At Allah weregmen sukon etno-at fanggog ehek-o. Ari halug, hit hinindi wereg atlug, wene fano wene du-at eberoko wimiek-o,” ulug yig isaruk apag.

Markus 1:2

At nabi Yesaya Allah wene hurumbik yig isaruk apahon etnowen yig isaruk wilil, “At Allahen hat laon holohotma kwalem yatuk amag ulug, bilin An Namloho misig yonggo lahapfuhuk-o, ulug ebareg fam,

Lukas 1:76

Eke hat namloho du hag, Ninikni Allah suon anggimbu ulug yig hituk amuhup-o. At Ninowe wamon etno hat bilin lalug, onggalem yatuk aruhun-o.

Lukas 7:24

Yig isaruk apagma, it at Yohanesen lahap isebahon epmano suhuluk lebag. Suhuluk laruk apagma, At Yesusen it aphe obog epmano at Yohanes farim yig isaruk wilil, “Hit bilin at Yohanes o limu aphe eleg ambeg epmano weregma, ha luog ulug ap kerohon weregma ha lul ulug hinahla birikip oke, e engga filfilen laheg waheg suruk etno hag surukmu ha lul birikip ano?