Matius 28:2 - Allah Wene Hurumbik Keron

² Luog ulug suruk iseheg, o yugul suon misig hetnogsoho suruk apagma, At Allah malaikat misig boholmen ambik waharuk apareg, helep sok larehon etno hihiloko wilipfulug at ebe helep etno fam horie ebag.

Matius 28:2 ပူးပေါင်းရင်းမြစ်များ

Matius 27:60

Kolapfuruk apareg, helep suon misig hihiloko o wikele etno sok larepfulug lebag.

Matius 27:66

Yig isaruk apagma, it epmano arat lebag. Laruk apareg, o wikelma helep fam sok larehon etno it aphe werlekonen senebuk nowen ulug silo umburuk apareg, it ap nin etno yaharoho welamag ulug minduhup isebag.

Yohanes 20:1

Eke fobik o hari Minggu sambit o witiog ulug ahla healtuk heheg, at hwe Maria Magdalena etno o wikelma etno laruk apareg, helep sok larehon etno husig weregma ilanggen hebag.

Kisah Para Rasul 16:26

Ariroho weregma, hetnogsoho o yugul suon misig suruk atisimu, o aphe dahon imbisaruk ambeg etno o andorli helep fam falehon etno satnog sirisi.

Kisah Para Rasul 5:19

Kolap isaruk apagma, o hubanggo At Allah malaikat misig ambik waharuk apareg, it mondep isebahon hele wareg weregma, sok husoko selema wilip isebag. Wilip isaruk apareg, yig isaruk wilil,

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.

Wahyu 11:19

Uruk atusama, At Allah ibam o boholma etno sok husirisimu, undama werehon epmano selegma atisi-o. Nin eke sehenyabog inim, inune inim, bohol une inim, o yugul inim, osit haplanggen inim waharisi-o.