Matius 28:10 - Allah Wene Hurumbik Keron

¹⁰ Sembahyang uruk apagma, eke At Yesus etnowen yig isaruk wilil, “Hit hinakol ha fug-o. Hiren it An nomini epmano o Galilea lawag ulug yig isa aliek-o. An nebe o epmen inilanggen neahup-o,” ulug yig isebag.

Matius 28:10 ပူးပေါင်းရင်းမြစ်များ

Matius 14:27

Inune uruk apagma, At etnowen yig isaruk wilil, “Hinahlahiroho-at welamiek-o. An nebe-at waharuk ahi du hinakol nea fug-o,” ulug yig isaruk apagma,

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Matius 25:45

Ariroho yig nituk amuhupmu, eke An Hinowe etnowen yig isaruk wilil, ‘Hit nabua sirikip fug ulug yig hisihi ari, hiren it ap An nosi doron epmano inabua suruk atikip fug epmano fam, An nebe-at nabua suruk atikip fug ulug yig hisihi ari, demat yig hisihi-o,’ ulug yig isahuk-o.

Matius 26:32

An fobik nilukso minduhup naharuk aruhumu, o Galilea epmen hinilanggen neawag ulug lahuk-o,” ulug yig isebag.

Matius 28:16

Eke fobik it omini sebelas epmano At Yesusen bilin o Galilea bunu ari fam alu-o ulug yig isebag ambeg etno-at wapag.

Matius 28:5

Nin eke fobik malaikat etnowen it hweap etano yig isaruk wi­lil, “Hinakol ha fug-o. Hit At Yesus e fam lenggaloko warepfuru­son etno ulug heaharuk ahep ari niluk oke,

Matius 28:7

Ari halug, hit kidia dulum At omini epmano yig isa aliek-o. Laruk atlihipseg, yig isaruk wilil, ‘At etno ebe ap warehon wereg ambeg epmanowen iluksoho minduhup­fehekma, At ebe o Galilea epmen inilanggen neawag ulug bilin arat laha-o. Ariroho laha ari, epmen hinilanggen hahup-o,’ ulug At omini epmano yig isa aliek-o. Ari halug, hit Anden yig hisihion etno hinindi eberegsoho welamiek-o,” ulug yig isebag.

Matius 28:9

Yig isa larukmu, At Yesus etno hetnogsoho inim salkal uruk apareg, yig isaruk wilil, “Wa naholani,” ulug yig isaruk apagma, it etano ambeg waharuk apareg, iog seneg wilil, ake sembahyang ebag.

Markus 16:7

Eke At ebe o Galilea epmen inilanggen neawag ulug bilin arat laha-o. Ariroho laha ari, Aren bilin, hinilanggen neahup ulug yig hisarision etno epmen hinilanggen hahup-o. Ari halug, hiren At omini epmano inim, eke at Petrus etno inim yig isa aliek-o,”

Yohanes 20:17

Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Yohanes 6:20

Inakol haruk apagma, At Yesusen yig isaruk wilil, “Hit hinakol ha fug-o. Hinilanggen neyehep etna, An at-o,” ulug yig isebag.

Roma 8:29

Eke At Allahen bilin it aphe nin inebe iluk apareg, fobik fuloko imbisebag-o. Eke fuloko imbisebag ari, inebe At Amloho etno ilitoho welamag ulug fuloko imbisebag-o. Eke it Allah udaki etno inebe anggolo oke, Amloho manggia hag Inowe etno-at welamag ulug fuloko embebag-o.