Matius 27:56 - Allah Wene Hurumbik Keron

⁵⁶ It hweap ariroho welapag ari, at Maria Magdalena etno inim, eke at hwe Maria misig it Yakobus Yusuf inisina etno inim, eke at Zebedeus udaki inisina etno inim, eke it nin inim ariroho welapag.

Matius 27:56 ပူးပေါင်းရင်းမြစ်များ

Matius 13:55

Ari halug, At ebe at ap o faltukon etno amloho ano? Eke At isina Maria, At osi Yakobus, Yusuf, Simon, Yudas etno eleg buruk ahep ano?

Matius 27:61

At etno laruk heheg, eke it hweap Maria Magdalena etno inim, eke at Maria misig etno inim o wikele aphe wareg imbisaruk ambeg etno olohore motoho horieg welapag.

Matius 28:1

Eke fobik it Yahudi ap epmano o hari Sabat fam sembahyang uruk apareg, noholug ilikia hari Minggu nit sembahyang uruk ahe etno fam o mo awan lahik waharuk heheg, at Maria Magdalena inim, eke at Maria misig etno inim o wikelma epmano bik ha lebag.

Markus 15:47

Kolapfebag ambeg epmano weregma, it hweap Maria Magdalena etano inim, at Yoses isina Maria etno inim inilanggen hebag.

Markus 16:9

O hari Minggu nit sembahyang uruk ahe etno fam ilikia mo lahik waharuk heheg, At Yesus etno iluk atlug minatuk apareg, at hwe Maria Magdalena indimu setan inebe sabiren angge kebagma, lisoko wilip isebahon etanowen ilanggen neawag ulug waharuk apagma,

Lukas 24:10

Yig isa wapahon etno at Maria Magdalena inim, eke at Yohana inim, eke at Maria Yakobus isina etno inim, eke it hweap werlekon nin inim At Yesus omini epmano yig isa wapag.

Lukas 8:2

eke it hweap setan inindimu kebahon lisoko wilip iseheg, eke uk warehon fano inabeheg sebahon epmano inim lebag. It inim lebahon epmano, misig inuk Maria Magdalena, indimuen setan sabiren angge wilip apahon etno inim,

Yohanes 19:25

Sebareg weregma, e At Yesus lenggaloko embebahon etno horogsoho etano At isina inim, eke at anditohe Klopas uhwe Maria etno inim, eke hwe Maria Magdalena etno inim, minduhuk welapag.

Yohanes 20:1

Eke fobik o hari Minggu sambit o witiog ulug ahla healtuk heheg, at hwe Maria Magdalena etno o wikelma etno laruk apareg, helep sok larehon etno husig weregma ilanggen hebag.

Yohanes 20:18

Yig ituk apagma, at Maria Magdalena etnowen it At Yesus omini epmano inambeg laruk apareg yig isaruk wilil, “At Ninowe etno arat nilanggen hihi-o,” ulug yig isaruk apareg, wene aren yig epahon etno yig isebag.