Matius 27:51 - Allah Wene Hurumbik Keron

⁵¹ Waratuk apagma, sum o Allah ibam undama baharik misig fam supnihon etno atogmen atogma hiroho kahal apag. Kahal atuk apagma, o yugul suruk wilil, kwean aplohok seheg, eke helep suon kahal aheg sebag.

Matius 27:51 ပူးပေါင်းရင်းမြစ်များ

Matius 27:54

Nin eke at sehen senehon inowe etno inim, it osi sehen senehon epmano inim At Yesus ebe inilanggen yaharoho aso welapahon epmano o yugul inim, eke yiroho diroho obog-at surukmu inilanggen haruk apareg, inakolen uruk wilil, “Ap du Allah Amloho demat hehe-o,” ulug ebag.

Matius 28:2

Luog ulug suruk iseheg, o yugul suon misig hetnogsoho suruk apagma, At Allah malaikat misig boholmen ambik waharuk apareg, helep sok larehon etno hihiloko wilipfulug at ebe helep etno fam horie ebag.

Markus 15:38

Waratuk apagma, sum o Allah ibam undama baharik misig fam supnihon etno atogmen atogma hiroho kahal apag.

Lukas 23:45

O witaruk apagma, sum o Allah ibam undama baharik misig fam supnihon etno hiroho kahal apag.

Lukas 23:47

Waratukmu it ap sehen seneg werehon inowe suon etno obog-at ilanggen haruk apareg, At Allah inuk suontepfuruk wilil, “At ap du demat fanowon welaha-o,” ulug uruk apag.

Ibrani 6:19

Eke so etno iken walug la nowen ulug hele fam liloko umburuk etno hag, niren demat og nisahu ulug ninahla buruk ahe etno fam, ninindi oag weregsoho welahe-o. Eke bilin At Allah unde suon etno o Allah ibam epmano baharik undama misig sum songsohon etno heal halug, nintul nantul kurukmu, it aphe epmanowen demat nit ninake suruk-o, ulug inahla bebag etno hag,

Ibrani 9:3

Eke baharik misig sum fam huli balehon etno inuk Mondog Usabaharik soalfag.

Wahyu 11:13

Lahap isarusama, eke fobik hetnogsoho o yugul suon suruk wilil, aphe inibam o ahik sumu werehon epmano anggolo miale­heg, aphe inebe tujuh ribu war inabeheg sirisi-o. Ariroho suruk atisimu, eke it aphe iniluk welatuson epmanowen inakolen elekelek suruk wilil, Allah boholma werehon etno inuk suontepfuruk atu­sa-o.

Wahyu 11:19

Uruk atusama, At Allah ibam o boholma etno sok husirisimu, undama werehon epmano selegma atisi-o. Nin eke sehenyabog inim, inune inim, bohol une inim, o yugul inim, osit haplanggen inim waharisi-o.