Matius 27:42 - Allah Wene Hurumbik Keron

⁴² “Ap du aphe inili waruk atision oke, eke enggareg hag ili holao hai atuk-o. At ebe etno it Israel ap Inowe suon eleg ulug uruk ahep ano? Eke At ebe kidia onggarehen e famen loloko ambik waharuk halug, niren demat ulug obam ebebul-o.

Matius 27:42 ပူးပေါင်းရင်းမြစ်များ

Matius 2:2

Waharuk apareg, it etnowen hinog uruk wilil, “It Yahu­di ap inowe suon misig endag atision etno kema endoho we­reg-o? Aren angge soholoal wap etno iliko fil yet harukukseg, ebe heahi wabu­len ulug wahe-o,” ulug ebag.

Matius 27:37

Horie uruk apareg wilil, ungguluag fam anduhunmu epmano holal misig ‘At ebe an Yahudi ap inowe suon-at irisi etno fam warehe-o,’ ulug e kahaleg etno fam holal baloko embebag.

Matius 27:40

“Hat o Allah ibam mialoko umbulug ninggik henahanam faluhuk irikinon etno kidia Hat hebe e fam hombahakeson du demat Allah Amloho welahen halug, hebe hili holamihinen hibiloko imbisalug ambik ma-o,” ulug enggali wapag.

Matius 27:41

Enggali watuk apagma, it ap Allah unde suon epmano inim, it wene baleg unde epmano inim, eke it inowesi epmano inimen enggal wabuog ulug uruk wilil,

Markus 15:31

Enggali watuk apagma, it ap Allah unde suon epmano inim it wene baleg unde epmano inim, it obohen etnoroho-at enggali wabuog ulug irit uruk wilil, “Ap du aphe inili waruk atision oke, eke onggareg hag ili holao hai atuk-o.

Markus 15:32

Ari halug, At Kristus it Yahudi ap inowe suon etno kidia e fam lenggaloko embeheson du hibiloko umbulug ambik wamag da. Ambik waharuk halug, nit ninilanggen haruk amulteg, demat ulug obam ninindi ebebulen-o,” ulug yamintal neken enggali wapag. Enggali watuk apagma, it biren inim e fam lenggalep isebahon etanowen inim-at At Yesus inenggal neken yig epag.

Lukas 19:38

“At Ninowe Ninikni inuk fam wahaon du At Allah ahien obam umbukag-o. Eke boholmen dambuk ninaptuk etno fam At Allah inuk suontepfuruk amuk-o,” ulug heahi watuk apag.

Lukas 23:35

Holaruk apagma, it aphe nin o epmano minduhuk wilil, inilanggen haruk iseheg, it Yahudi ap inowesi suon epmanowen At ahunda yatuk wilil, “Ap du aphe inili waruk atision oke, At ebe Allahen Kristus ulug heako imbirisi halug, onggarehen ili holawag-o,” ulug uruk apagma,

Lukas 23:37

Heg haruk apareg, yig ituk wilil, “Hat hebe it Yahudi ap Inowe suon-at halug, honggarehen hili hulimin-o,” ulug yig epag.

Yohanes 1:49

Yig ituk apagma, eke at Natanael etnowen yig ituk wilil, “Ninowe yanggul nisarukon wai, Hat At Allah Amloho-at welahen hiyihi-o. Ari fam nit Israel ap Ninowe suon-at welahen hiyihi-o,” ulug yig epag.

Yohanes 12:13

werale engga baloko walug At Yesus inim heahi wabuog ulug olohotma laruk apareg, inune suon uruk wilil, “Niren At Allah inuk-at suontepfuk-o. Ariroho suontepfuruk wilil, At ap Ninikni etno inuk fam waharukon du At Allah ahien obam umbukag ulug ehe-o. Ariroho ehe ari, nit Israel ap Ninowe inuk suon etno At Allah ahien obam umbukag ulug ehe-o,” ulug uruk apag.

Yohanes 12:47

Eke it yi aphe di aphe nin epmanowen An nune inesanggo holtug ilitoho suruk eleg isalug, Anden inoag deloko imbisahuk fug-o. Eke An nebe etno it aphe kweanmon duma inoag deloko imbisaruk ariog ulug waharikik fug-o. Anden inili waruk ariog ulug-at waharikik-o.

Yohanes 9:24

Yig isaruk apagma, it etnowen ininggik birenam at ap isina ahlen ilanggen buhon endag apahon etno ma ulug wol haruk apareg yig ituk wilil, “Hat At Allah il fam demat ihi ulug in-o. Ap hat fano habehekon ari obabut dag surukon nit niniluk-o,” ulug yig epag.

Kisah Para Rasul 4:14

ap fano sebahon etno inim minduhuk weregma, inilanggen isaruk apareg, dahon nongge yig isuk-o, ulug ebahon oke, inapeleg atuken,