Matius 27:19 - Allah Wene Hurumbik Keron

¹⁹ Yig isaruk apareg, at Pilatus etno o aphe inoag del inaptuk ambeg epmano horieg weregma, at uhwe etnowen yig irik lawag ulug yonggo lahap isaruk wilil, “Ap obabut fano, mondog surukon du sohorep isuk-o. O yoho niog haruk wilil, ap etno obam hihireg, nindi seneni anggolo eberihi etna yig irik aliek-o,” ulug lahap isebag.

Matius 27:19 ပူးပေါင်းရင်းမြစ်များ

Matius 1:20

Ahla buruk apareg weregma, eke hubanggo nohorukmu i og haruk wilil, Allah malaikat etno at ambeg waharuk apareg, yig ituk wilil, “Yusuf Daud etamu wai. Huhwe Maria holao hambit ha fug-o. Udag ahumlareg ari, Roh Kudus fam ahumla atisi-o.

Matius 2:19

At Herodes etno waratuk apagma, at Yusuf etno o Mesir wilil nohorukmu i og haruk apagma, Allah malaikat waha­rukmu hebag.

Matius 2:22

Waharuk apagma, it ninen o Yudea at Hero­des ubu­lukmu amloho inuk Arkhelaus etno inowe suon Raja minati­si-o, ulug urukmu ine­sanggo holtuk apa­reg, akolen o epma wapag fug. O epma watlug eleg nohorukmu i og haruk apagma, At Allahen yig ituk wi­lil, “O Galilea lamihin-o,” ulug yig ituk apagma lebag.

Matius 27:18

Ariroho yig isebag ari, iren At Yesus obam inasine haruk apareg, wabukag ulug senoko og itukmu enggag isaruk apareg ariroho yig isebag.

Matius 27:24

Yig ituk apagma, eke at Pilatus etnowen ahla buruk wilil, “It aphe du dahan fahan-at suog ulug uruk du, wene atog yig isao hai hihi-o,” ulug ahla buruk apareg, ik dot honanggoko walug, it obog wonggalfahon etno inil fam at inggik ho suruk apareg, yig isaruk wilil, “Ap du wabukon etno alem an nobam eleg-o. Hit hinobam dombog-at-o,” ulug yig isaruk apagma,

Matius 27:4

Laruk apareg, yig isaruk wilil, “At ebe dag sirisi fuhon oke, senoko wabukag ulug yonggo waharikik ari, an dag-at sirikik-o,” ulug yig isaruk apagma, iren yig ituk wilil, “Ari alem hit hinobam aha ulug buruk ahen ano? Eleg-o, hat hobam dombog-at-o,” ulug yig epag.

Lukas 23:41

nit biren hag dag surukuk etno fam onggo ulug e fam lenggaloko ninombisahakesa-o. Eke At ap du hag dag sirisi fuhon oke, e fam lenggaloko embehesa-o,” ulug yig ituk apareg,

Lukas 23:47

Waratukmu it ap sehen seneg werehon inowe suon etno obog-at ilanggen haruk apareg, At Allah inuk suontepfuruk wilil, “At ap du demat fanowon welaha-o,” ulug uruk apag.

Yohanes 19:13

at Pilatus etno esanggo holtuk apareg, At Yesus etno walug, wilik wapag. Walug wilik waharuk apareg, o wene uruk ambeg etno inuk Helep daleg sili, eke it Ibrani inune fam Gabata etno kuruk apareg, ap wene baltukon ahe belareg etno fam horie ebag.

Kisah Para Rasul 12:21

Yig ituk apagma, o misihim at Herodes etno asum fanowon etno wantaruk apareg, ahe belareg suon etno fam horieg wilil, it aphe obog wonggalfahon epmano wene yig isaruk apag.

Kisah Para Rasul 18:12

Yanggul isaruk atisireg weregma, eke fobik at Galio etno o Akhaya it Roma aphe inowe suon minduhupfuruk atusama, it Yahudi ap balusik waharuk atusareg, at Paulus etno senoko at Galio apma imbik waharusa.

Kisah Para Rasul 18:16

at ibam epmen muko wilip isarisi.

Kisah Para Rasul 18:17

Wilip isaruk atisimu, it Yahudi ap inasineyen at Sostenes o Allah wene uruk ambeg aso werehon etno hog senerik laruk atusareg, at Galio ibam olmen yikangge watukmu, at Galio etno ahla bugsoho welatisi.

Kisah Para Rasul 25:10

Ulug yig ituk atisimu, at Paulusen yig ituk wilil, “Eleg-o, an naren balukag ulug kidia hit at Kaisar anggimbu etno ninim welahe-o. Ariroho wilil, it Yahudi ap nune dahon yig isarikik fug etno hiniluk-o.

Kisah Para Rasul 25:17

Yig isaruk atikikmu, it inebe obog waharuk atusama, ap etno aren baliog ulug an ninggik misihim-at noholug, o inaren baltuk ambeg etno larikikseg, horieg welatikik. Horieg wilil ap etno nambeg walug maniek-o, ulug yig isarikik.

Kisah Para Rasul 25:6

Yig isaruk atisireg, at Feliks etno inggik sirehen angge ano, nomaloen angge ano inim welatusareg, o Kaisarea waharisi. Waharuk atisireg, noholug wene baluog ulug horie uruk atisireg, at Paulus ninambeg wamag ulug yig isarisi.

1 Petrus 2:22

At Kristus etno mondog dag seheg eleg wilil, enggal wene uruk apag fug-o. Eke inune dahon obam yig epahon oke Aren une dahon it inobam yig isebag fug-o.

1 Yohanes 2:1

Eke dag surukon etno sohorep isaruk amuhuben ulug, holal du bal hisihi-o, nudaki. Eke at misihen dag suruk halug, At Yesus Kristus Ikni Allah olohotma ninake urukon wereg-o.