Matius 27:16 - Allah Wene Hurumbik Keron

¹⁶ Ariroho surukmu, at ap misig inuk Barabas it aphe obog inilukon etno hele wareg welapag.

Matius 27:16 ပူးပေါင်းရင်းမြစ်များ

Matius 27:15

Eke it Yahudi ap etno tahun nintul nantul esoho inuk Paskah etno esetuk wilil, it apheyen hele warehon misig hibil nisimin-o ulug at Gubernur etno yig ituk isalug, hibil iseheg, eke fobik esoho etno esetuk wilil misig hibil nisimin-o ulug uruk isalug misig hibil iseheg suruk apag.

Matius 27:17

Hele wareg weregma, it ap obog wonggalik waharuk apagma, at Pilatus etnowen yig isaruk wilil, “Anden At Yesus inuk misig Kristus etno hibil nisawag ulug yig nituk ahep ano? Eke at Barabas etno hibil nisawag ulug uruk ahep ano?” ulug yig isebag.

Markus 15:7

Ariroho surukmu, at Barabas etnowen bilin it ap nin inim wim aptuk wilil ap misig warepfebahon etno farim ebe hele waroko uma epmano kolapfebagma welapag.

Lukas 23:25

Uruk apareg, at ap enggarahun dahan fahan suruk wilil ap wapareg fam hele waroko kolapfebahon etno iren ap du hele hibil nisimin-o, ulug uruk apagma, at Pilatusen hele hibil isaruk apareg, At Yesus etno it inakelehen seko umbukag ulug og isebag.

Yohanes 18:40

eke it epmanowen inune suon yig ituk wilil, “Ap du hibil nisamihin fug-o. At Barabas etno-at hibil nisimin-o,” ulug yig epag. Eke Barabas etno ebe dag suruk halug, hele warepfebahon oke, ariroho yig epag.

Kisah Para Rasul 3:14

Eke At ebe obabut mondog fanowon etno at niron eleg ulug uruk atikipseg, at Pilatus yig ituk wilil, ‘At ap watukon etno At Yesus ubulukmu hele hibiloko og nisimin-o,’ ulug yig ituk atikipseg,

Roma 1:32

Eke it ariroho surukon epmano At Allahen dag ban suruk isalug An war inabuhuk-o ulug ebahon wene etno iniluk wilil oke, eke iren-at dag seheg, eke it ninen ariroho dag surukon epmano inahien iseheg suruk-o.

Roma 16:7

Eke it ap an nungguluahon ininuk Andronikus Yunias etano, ninim o aphe dahon imbisaruk ambeg hele waroko kolap nisaharuson etano inim-at heahi war inaptuk amuk-o. Eke an At Kristus awene etno awan waruk eleg neyeheg it etanowen bilin warusareg fam, it ap mondep isebahon epmanowen it inebe iniluk-o.