Matius 27:1 - Allah Wene Hurumbik Keron

¹ Eke fobik o witiog ulug ahla moholtuk heheg, it ap Allah unde suon epmano obog inim, eke it Yahudi ap inowesi epmano ini­men At Yesus wabukag ulug wene balfag.

Matius 27:1 ပူးပေါင်းရင်းမြစ်များ

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Markus 15:1

O witiog ulug ahla healtuk heheg, it ap Allah unde suon epmano inim, it wene baleg unde epmano inim, it wene baltukon epmano inim obog-at wonggaleg wilil, wene baltuk apareg, At Yesus etno arat hele waroko walug at Pilatus ambeg lebag.

Lukas 13:1

Eke fobik at Pilatusen it Galilea ap nin Allah ake umburukmu, warep isaruk apagma, it ap ninen At Yesus yig irik lebag.

Lukas 22:66

Eke fobik o witaruk apagma, it Yahudi ap inowesi inim, it Allah unde suon epmano inim, eke it wene unde epmano inim wonggaltuk apareg weregma, At Yesus etno inambeg walug imbik lebag.

Yohanes 18:28

Eke fobik ilikia hubet At Yesus etno walug, Kayafas ibam epmanowen at Pilatus wene baltuk ambeg epmano imbik lebag. Imbik laruk apareg, it Yahudi ap esoho Paskah fobik esoko nuog ulug inahla buruk wilil, nit esoho nul fam ari, ninobam sabele am nowen ap Allah wene apelehon etno ibam kuk usa-o, ulug inahla buruk apareg, at etno ibam kebag fug.

Kisah Para Rasul 5:21

it mondep isebahon epmano inesanggo holtuk apareg, ilikia hubet o Allah ibam etno kuruk apareg, it aphe epmano wene yig isebag. It etno yig isaruk weregma, it imam ap suon, omini epmano inim, it Yahudi ap inowesi epmano inim dambuksoho wene baluog ulug wol isaruk apagma, wonggalik wapag. Wonggalik waharuk apareg, it aphe dahon imbisaruk ambeg unde epmano yig isaruk wilil, “At Yesus omini aphe dahon imbisaruk ambeg kolap inaptikibon epmano og inaplug hinim maniek-o,” ulug yig isaruk apagma,