Matius 26:67 - Allah Wene Hurumbik Keron

⁶⁷ Yig ituk apareg, iren olohotma inowasup supheheg, yikangge wareheg suruk wilil, it lambisog wapahon etnowen

Matius 26:67 ပူးပေါင်းရင်းမြစ်များ

Matius 26:68

yig ituk wilil, “Kristus wai, Hat ap duen nowarehek ulug bukaloko yig nisimin-o,” ulug yig epag.

Matius 27:30

inowasup olohotma sup heheg, ungguluag yikangge etno fam warepfeheg sebag.

Matius 5:39

Eke ayeg danggulip­furuk halug, ayeg onggo danggulipfuk ari fano-o,’ ulug yig isebahon oke, eke Anden yig hisaruk wilil, ‘Ap etno onggo wabuk fug-o. Eke at misihen holohobanggen bikit fil kik hearuk halug, hare fil inim-at kik niyimin ulug enag si­muk-o.

Markus 10:34

Og isaruk amuhupmu, iren nahunda yatuk wilil, nenggali wareheg, inowasup nobam supsepfeheg, eke yikangge nowareheg suruk amuhupseg nowabuhup-o. Nowatuk amuhupmu, ninggik henahanam welaruhukseg, niluk atlug minaruhuk-o,” ulug yig isebag.

Markus 14:65

Wene arat baltuk apareg, it nin etnowen inowasup olohotma sup heheg, eke it ninen ilanggen heraho iseheg ebe ininggik samurlinggilig wareheg suruk apag. Ariroho suruk apareg, yig ituk wilil, “Hat ap duen nowatuk in-o,” ulug yig ituk apagma, it sehen unde werehon epmanowen senetuk apareg, ininggik ahul fam olohobanggenma lambisog wapag.

Markus 15:19

Heahi warepfuruk apareg, ungguluag yikangge fam warepfeheg, inowasup olohotma supheheg, inindibahal yungguksoho kunuk eheg, eke inolohore kweanma wanduk eheg suruk wilil enggali wapag.

Yohanes 18:22

At Yesusen ariroho yig ituk apagma, it ap yaharoho welapahon epmano misig inggik ahulen olohotma fam biso haruk apareg, yig ituk wilil, “Hat at ap Allah unde inowe suon etno hune fanggogsoho yig erehen ari, henggali elehen yig erehen ano?” ulug yig epag.

Yohanes 19:3

Wantepfuruk apareg, it epmano At ebe wereg ambeg horogsoho wapag. Waharuk apareg, yig ituk wilil, “Hat hebe it Yahudi ap Inowe suon neken mondog-at welamuk-o,” ulug yig ituk apareg, ininggiken olohotma warepfebag.

1 Korintus 4:13

Eke iren ninabug baltukon oke, eke niren ninune wiogsoho-at yig isaruk ahe-o. Eke nit ninebe ari it aphe kweanmon yi angge di angge naruk wilil asin hik isaruk epmano hag, nit inele baleg neken atukukseg, ariroho-at welahe-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.