Matius 26:63 - Allah Wene Hurumbik Keron

⁶³ At Yesus etno une ilik eleg-at bok apag. Bok apareg weregma, eke fobik at ap Allah unde inowe suon etnowen yig ituk wilil, “Hat hebe Kristus Allah Amloho welahen ano ulug hinog yig hirihi ari, At Allah ilukon etno inuk fam demat yig nisawag ulug yig hirihi-o,” ulug yig ituk apagma,

Matius 26:63 ပူးပေါင်းရင်းမြစ်များ

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Matius 26:62

Uruk apagma, at ap Allah unde inowe suon etno minapareg, At Yesus etno yig ituk wilil, “Iren Hat hobam denggeltukon oke, Haren onggo yig isaruk ahen fug du nulug welahen-o?” ulug yig epahon oke,

Matius 27:12

Yig ituk apareg, eke it Allah unde suon etno inim, it Yahudi ap inowesi suon etno inimen obam denggelfahon etno onggo yig isebag fug. Onggo yig iseheg eleg weregma,

Matius 27:14

At Yesus etno une ilik eleg-at bok atuk apagma, at Gubernur etnowen wi ulug akol hebag.

Matius 27:40

“Hat o Allah ibam mialoko umbulug ninggik henahanam faluhuk irikinon etno kidia Hat hebe e fam hombahakeson du demat Allah Amloho welahen halug, hebe hili holamihinen hibiloko imbisalug ambik ma-o,” ulug enggali wapag.

Matius 27:43

Eke At etnowen Allah obam ebetuk wilil, An nebe Allah Amloho-at ulug uruk oke, At ebe etno kidia At Allahen ili waruk nit ninilanggen hulen-o,” ulug yamintal neken enggali wapag.

Matius 27:54

Nin eke at sehen senehon inowe etno inim, it osi sehen senehon epmano inim At Yesus ebe inilanggen yaharoho aso welapahon epmano o yugul inim, eke yiroho diroho obog-at surukmu inilanggen haruk apareg, inakolen uruk wilil, “Ap du Allah Amloho demat hehe-o,” ulug ebag.

Matius 4:3

Orom obok hebareg weregma, At indi kahal­tukon iblis etno ambeg waharuk apareg, yig ituk wilil, “Hat Allah Amlo­ho-at wela­hen halug, helep du orom amagsoho hune yig imin-o,” ulug yig epag.

Markus 14:61

ulug yig epahon oke, At Yesus etno une ilik eleg-at bok apag. Bok atuk apagma, at ap Allah unde inowe suon etnowen yig ituk wilil, “Niren At Allah alon faltuk aheon Amloho Kristus uruk etno Hat At ano?” ulug hinog webag.

Yohanes 1:34

Nilanggen hihireg, anden ap du Allah Amloho demat-o ulug yig hisaruk ahi-o,” ulug at Yohanes etnowen yig isebag.

Yohanes 1:49

Yig ituk apagma, eke at Natanael etnowen yig ituk wilil, “Ninowe yanggul nisarukon wai, Hat At Allah Amloho-at welahen hiyihi-o. Ari fam nit Israel ap Ninowe suon-at welahen hiyihi-o,” ulug yig epag.

Yohanes 10:24

it Yahudi ap At ambeg wonggalik waharuk apareg, yig ituk wilil, “Hat wene herako-at yig nisaruk ahen du, o maram selegmaroho bukaloko yig nisahun-o? Ari halug, At Kristus waruhu ulug yig nisebahon, Hat-at halug, kidia bukaloko yig nisimin-o,” ulug yig epag.

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Yohanes 10:36

Ari halug, eke At An Nikni etnowen nebe heako minduhup naharuk atisireg, o kweanma duma lahap nahik waharisi-o. Eke Anden An nebe At Allah Amloho-at welahi-o, ulug irikikon oke, hiren Hat At Allah inuk seberepfuruk ahen ulug yig nituk ahep ari, keroho ulug yig nituk ahep-o?

Yohanes 18:37

Yig ituk apagma, at Pilatus etnowen yig ituk wilil, “Ariroho ehen ari, Hat hebe etno it aphe nin inowe suon neken welahen hiyihi-o,” ulug yig ituk apagma, At Yesus etnowen yig ituk wilil, “Hat hebe it aphe nin Inowe suon welahen yig nerehen ari, haren-at ehen-o. Eke An nebe o kweanma duma ambik waharikikseg, endag atikik ari, wene demat uruk amon etno-at yig isiog ulug ambik waharikik-o. Eke it yi aphe di aphe wene demat uruk amon etno eberoko warukon halug, An nawene etno inesanggo holtuk-o,” ulug yig epag.

Yohanes 19:7

Yig isaruk apagma, it Yahudi ap epmanowen yig ituk wilil, “Eleg-o, Aren An Allah Amloho-at ulug irisireg fam, nit wene komo yig nisebahon etnowen wabukag ulug yig nisaruk-o,” ulug yig epag.

Yohanes 19:9

Akol haruk apareg, o wene baltuk ambeg etno suhuluk kebag. Kuruk apareg, At Yesus etno yig ituk wilil, “Hat hebe kemen waharikin-o,” ulug hinog og hebahon oke, At Yesus etno une ilik eleg-at welapag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 6:69

Wene etno nit ninindimu eberoko warukukseg, At Allah iluk mondog werehon Amloho Kristus etno Hat demat welahen ulug niniluk-o,” ulug yig epag.

Yohanes 8:25

Ariroho yig isaruk apagma, eke it etnowen yig ituk wilil, “Hat hebe sa-o?” ulug yig ituk apagma, eke At Yesus etnowen yig isaruk wilil, “Hit bilin An nebe du at welahi ulug yig hisarikikon etno-at welahi-o.

2 Korintus 1:19

Eke ariroho At Allah Amloho Yesus Kristus awene etno nit an, Silwanus Timotius ninimen yig hisarukukon etno enggal inim demat inim uruk eleg-o. Eke At Yesus inuk fam At Allahen demat ulug yig nisaruk-o.

1 Petrus 2:23

Eke iren dahon obam embebahon oke, Aren dahon hinobam umbuhuk ulug ebag fug-o. Nikni Allahen oag deloko onggo dagma imbisahu-o, ulug ahla bebag.