Matius 26:55 - Allah Wene Hurumbik Keron

⁵⁵ Yig ituk apareg, At Yesusen it ap wonggalik wapahon etno yig isaruk wilil, “An nebe ap dahon ahama sen nabuog ulug karog yikangge inim walug wahep ano? Eke hit ap nin Anden o Allah ibam epmanowen wene yig hisaruk wilil, ninim horieg welatukukon etnowen sen naptikip fuhon oke,

Matius 26:55 ပူးပေါင်းရင်းမြစ်များ

Matius 21:23

Eke fobik At Yesus etno iog suhuluk o Allah ibam kuruk apareg, wene yanggul isaruk weregma, it Allah unde inowesi epmano inim, it Yahudi ap inowesi epmano inim ambeg waharuk apareg, yig ituk wilil, “Hat yi angge di angge anggolo suruk ahen ari, keroho ulug suruk ahen-o? Eke sen hinggikmu imbirisimu suruk ahen-o?” ulug yig epag.

Matius 26:47

Awan yig isarukmu, at Yudas bilin omini dua belas neken inim sil nuruk apahon etno wapag. Waharuk apareg, it Allah unde suon etno inim, eke it Yahudi ap inowesi suon epmano inimen ap karog inim, yikangge inim unde werehon etno inim lahap isa waharuk apagma, at etno inim wapag.

Markus 10:1

Eke fobik o epmano sohorep isalug, o Yudea epmanowen ik Yordan femag lebag. Laruk apagma, it aphe anggolo At ambeg wonggalik wapag. Waharuk apareg weregma, it nin wene yanggul isil nuruk apag etno ilitoho-at yanggul isebag.

Markus 12:35

Inakol atuk apagma, At Yesus etno o Allah ibam epmanowen yanggul isaruk wilil, “It Yahudi ap wene baleg unde epmanowen At Kristus waruhu ari, Daud etamu-at waruhu-o, ulug uruk du, keroho ulug uruk-o?” ulug hinog waruk apareg, eke fobik yig isaruk wilil,

Lukas 19:47

Yig isaruk apareg, eke o nintul nantul At Yesus etno o Allah ibam epmanowen wene yanggul isebag.

Lukas 20:1

Eke fobik o misihim At Yesus etno o Allah ibam epmanowen it aphe epmano yanggul iseheg, eke wene fano wene etno yig iseheg, suruk weregma, it Allah unde inowesi epmano inim, it wene holal baleg unde epmano inim, it inowesi epmano inim,

Lukas 4:20

fobik holal etno abitoho it yalmag inaptukon epmano og isebag. Og isaruk apareg, horieg weregma, it aphe wene uruk ambeg inim werehon epmanowen inilanggen fikfag wenaharuk apag.

Yohanes 7:14

Ariroho selegma eheg eleg-at weregma, it Yahudi ap etno nin fobik esebuhuken ulug nin esetukmu, At Yesus etno o Allah ibam epmano laruk apareg, wene yanggul isaruk apag.

Yohanes 7:28

Ariroho uruk apagma, At Yesus etno o Allah ibam epmano une suontoho yig isaruk wilil, “Hiren ebe niniluk etno hag o epmen waha ulug niniluk at-o, ehep ari, hit demat niniluk buruk ahep ano? Eke An nebe nonggarehen-at ambik waharikik fug-o. Eke At lahap nabik waharision etnowen demat yig hisaruk-o. Eke hiren At ebe etno hinapeleg-at oke,

Yohanes 8:2

Laharuk apareg, noholug ilikia hubet o Allah ibam epmano ambik waharuk apareg, At bulmu wereg heheg, it aphe obog ambeg dahagsoho wonggalik wapag. Wonggalik waharuk apagma, At etno horie uruk apareg, wene yanggul isaruk apag.

Yohanes 8:20

Ariroho yig isebag ari, At Yesus o Allah ibam uang anggen umburuk ambeg epmanowen yangguloko yig isebag. Ariroho yig isebahon oke, At ebe hele war nabuhup ulug ahla burukon etno awan fanggog uruk elehen, ap misihen inggik senebuk sohorep isebag.