Matius 26:45 - Allah Wene Hurumbik Keron

⁴⁵ Uruk apareg, omini inambeg suhuluk wapag. Waharuk apareg, yig isaruk wilil, “Hit kidia hinambol sat kelsaruk wilil nohoruk amiek, ulug arat yig hisihi-o. Eke An Allahen minduhup naharision etno it dag surukon etnowen nebe sen nabukon etno kidia horog fanggog ehek-o.

Matius 26:45 ပူးပေါင်းရင်းမြစ်များ

Matius 26:18

eke At etnowen yig isaruk wilil, “Hit o sili sumu epmano ap misig ambeg laruk atlihipseg, yig ituk wilil, ‘At Ninowe yanggul nisarukon etnowen, Anden sukon etno arat fanggog ehekseg fam, An nomini ninim hat hibam epmen esoho Paskah etno esoko nul-o’ ulug ariroho yig irik aliek-o,” ulug yig isaruk apagma,

Matius 26:2

“Nininggik biren welamuhukseg, esoho inuk Paskah esebuhuk etno hiniluk-o. O ari fam An Allahen minduhup naharision etno e fam lenggaloko nombahalug warep nahukag ulug og isahup-o,” ulug yig isebag.

Matius 26:44

Isaruk apareg, eke fobik At Yesusen sohorep isalug sembahyang ik lebag. Sembahyang ik lebag ari, bilin ebag etno ilitoho-at sembahyang ebag.

Matius 26:46

Eke An nebe sen nabukag ulug yonggo wahawon ebe du yet himiek-o. Ari halug, hit lulen minamiek-o,” ulug yig isebag.

Markus 14:35

Yig isaruk apareg, At etno horog-at laruk wilil, olohore seberoho yin apag. Seberoho yin atuk apareg, sembahyang uruk wilil, “An nebe yoho war nabukon ari, elehepfuk behen halug, it inahla beheson etno elehepfin-o, Nikni.

Lukas 22:53

Eke An bilin o Allah ibam nintul nantul hit ninim welatukukon epmanowen sen naptikip fuhon oke, kidia hiren senabuog ulug eberehepseg fam, o at setan wereg ambeg hikmu epmanowen sukon etno arat suruk-o,” ulug yig isebag.

Yohanes 12:23

Yig irik laruk apagma, At Yesus etnowen yig isaruk wilil, “An Allahen minduhup naharision etno nebe suon welamag ulug minduhup nahukon etno kidia arat fanggog uruk-o.

Yohanes 12:27

Eke fobik At Yesus etnowen uruk wilil, “Kidia nindi dag aha ari, keroho ik-o? Ari halug, Anden Nikni-o, An nowabukon etno Haren elehapsin-o, ulug ariroho yig irik ano? Ari eleg-o. An nebe etno nowabukag ulug-at o kweanma duma ambik waharikik-o.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 17:1

Eke fobik At Yesusen yi wene di wene obog-at yig isalug, At etno ilanggen boholma lahap haruk apareg uruk wilil, “Nikni-o, misig sukon etno arat fanggog ehek-o. An Hamlohoen Hat hinuk suontep hahakuken, Haren An Hamloho etno ninuk suontep nahin-o.