Matius 26:39 - Allah Wene Hurumbik Keron

³⁹ Yig isaruk apareg, At etno horog-at laruk wilil, olohore kweanma wanduk uruk apareg, sembahyang uruk wilil, “Nikni-o, An nebe war nabukon ari sohorluk ambusu honanggowon ilitoho wereg etno, Haren na nowen ulug hahla buruk ahen halug, An ninggi ha nowen, Haren wimin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Matius 26:39 ပူးပေါင်းရင်းမြစ်များ

Matius 20:22

Yig ituk apagma, eke At Yesusen yig isaruk wilil, “Hit kino yig nituk ahep ari, hinapeleg-at wilil kino yig nerehep-o. Ariroho ehebon oke, An nahik honanggo nahukon etno hit nao fano behep ano?” ulug yig isaruk apagma, eke it etnowen yig ituk wilil, “Yu-o, Hat hahik nahunon etno nit nao fano at-o,” ulug yig epag.

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 26:42

eke At Yesus bilin lebag etno hag fobik laruk apareg, sembahyang uruk wilil, “Nikni-o, An ambusu sohorluk fam honanggo du naruk eleg nealug, Haren wamihin fug hiyihi-o. Ari halug, Hat hahla buruk ahenon etno-at siuk-o,” ulug sembahyang uruk apareg,

Markus 13:22

It ap werlekonen, ‘An Kristus at-o. An Allah wene yig isaruk ahion at-o,’ ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano at seheg, eke sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o ariroho suhup ari, hit hinindi fanoroho yaha welamuk-o.

Lukas 17:16

Suhuluk waharuk apareg, At Yesus ambeg wapag, waharuk apareg kunuksoho horie epag. Horie uruk apareg, wa ulug yig epag.

Yohanes 11:41

Yig ituk apagma, it epmanowen helep sok larehon etno husoko wilipfebag. Wilipfuruk apagma, At Yesus etno ilanggen kolap haruk apareg, uruk wilil, “Nikni wa, An nune yig hituk nealug, Hat hesanggo holtuk ahen-o.

Yohanes 14:31

Eke An nebe nowaruhu ari, it yi aphe di aphe epmanowen, At Yesus etno Ikni indi hunduhuk wereg ulug iniluk amagsoho nebe nowabukag ulug Anden-at imig sarikik-o. Eke An Nikni nindi hunduhuk welahi etno fam Aren duroho siuk ulug yig nitukon etno-at ilitoho suruk ahi-o,” ulug yig isebag. Yig isaruk apareg, eke fobik yig isaruk wilil, “Nit o duma sohorep isalug, lulen minamiek-o,” ulug yig isebag.

Yohanes 18:11

Sarepsepfuruk apagma, At Yesusen Petrus etno yig ituk wilil, “Hat henggarog ubulukmu imbin-o. Hat ariroho suruk ahen ari, An Niknien ik honanggo og nepahon etno nikon fug ulug hahla behenteg suruk ahen ano? Eke At Yesusen nowabuk nowen ulug hite wilip arikon behen ano?” ulug yig epag.

Yohanes 5:19

Eke fobik At Yesusen yig isaruk wilil, “An wene demat urukon etno yig hisamin-o. At Amloho etno onggareg ahla buluhen-at suruk eleg-o. At Iknien surukon epmano ilanggen halug-at suruk-o. Eke At Iknien suruk etno hag, At Amloho etno ariroho-at suruk-o.

Yohanes 5:30

At Yesusen yig isaruk wilil, “An nonggarehen yi angge di angge suk ari hai-o. At Allahen yig nituk halug, aphe oag del inaptuk wilil, fanoroho-at oag del inaptuk ahi-o. Eke ari halug, An nahla burukon etno ilitoho suk sohorep isalug, At Nikni lahap nabik waharision etnowen ahla burukon etno-at ilitoho siog ulug suruk ahi-o.

Yohanes 6:38

Eke An nebe etno At lahap nabik waharision etnowen ahla burukon etno-at ilitoho suruk ariog ulug boholmen ambik waharikik-o. Ariroho ambik waharikik ari, An nindien kahaloko suruk ariog ulug ambik waharikik fug-o.

Kisah Para Rasul 10:25

Inaso weregma, at Petrus etno ibam kiog ulug surukmu, at Kornelius etnowen ut kunuksoho indibahal fam at Petrus ambeg horogsoho wilil heahi wapag.

Filipi 2:8

Ap ilitoho seg atisi ari, onggarehen seberepatalug, At Ikni une etno esanggo holtuk wilil, e fam lenggaloko nowabukag ulug At ebe etno onggarehen dorontepatarisi-o.

Ibrani 5:7

Eke At Yesus etno ebe o kweanma iluk wilil, At Allah obam sembahyang kino eheg eke une suon eheg, ioba yareheg suruk wilil, At ili wawon etno obam kino yig epag-o. Yig epag ari, At indi seberoho wilil, obam ebetuk apagma, At une urukon etno Allah esanggo holfag-o.

Wahyu 19:10

Ariroho yig nituk atisimu, eke anden nut wanduksoho wilil, malaikat etno obam sembahyang iug ulug sirikikmu, eke aren yig nituk wilil, “Eleg-o. Eke an hag hat inim, eke hat homini inim, eke it obog At Yesusen yig isebahon demat ulug eberoko warukon epmano inim, nit obog At Allah anggimbu-at welahe-o. Ari halug, haren At Allah obam-at sembahyang imihin-o,” ulug yig nitisi-o. Ariro­ho yig nitisi ari, At Yesusen yig isebahon etno demat ulug eberoko webag etno fam, it nabi aben Allah wene yig isebag-o.