Matius 26:28 - Allah Wene Hurumbik Keron

²⁸ An namep it yi aphe di aphe anggolo epmanowen dag surukon etno inobam inapelegsoho sohorep isalug At Allah inim fanoroho welamag ulug dambuk hinaptuk ariog ulug An namep deloko wilip aruhuon etno ilitoho du at-o.

Matius 26:28 ပူးပေါင်းရင်းမြစ်များ

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Matius 26:27

Yig isaruk apareg, eke fobik ik honanggo etno inggikmu seneg wilil, Nikni Allah wa ulug Allah heahi watuk apareg, og isuog ulug yig isaruk wilil, “Hit obog-at amiek-o.

Matius 26:29

Eke An ik e anggur anggen ambusu etno o duma wilil nahuk fug-o. Fobik At Allah weregma arat laharuk aruhukseg, etlemen e anggen ambusu keron-at hit ninim nahuk-o,” ulug yig isaruk apagma,

Matius 6:12

It onggo og nisawag ulug werehon etno inobam inape­legsoho ninapma imbisaruk ahe etno hag, Haren nit dag suruk aheon etno ninobam ninapelegsoho hapma ninombisahin-o.

Markus 1:4

Wene embebahon etno fam, at Yohanes etno aphe ikma belap inabiog ulug o limu aphe eleg ambeg epmano wapag. Waharuk apareg, it aphe epmano yig isaruk wilil, “Hit dag suruk atikibon epmano At Allahen sohorep isalug, hinobam hinapelegsoho apma hinombisaharuk etno fam hinindi wereg atuk amiek-o. Hinindi wereg atuk hisalug, anden ikma belap hinabuhuk-o,” ulug yig isaruk apag.

Markus 14:24

Naruk apagma, yig isaruk wilil, “It yi aphe di aphe At Allah inim fanoroho welamag ulug dambuk inaptuk ariog ulug An namep deloko wilip aruhuon etno ilitoho du at-o.

Lukas 22:19

Yig isaruk apareg, orom roti inggikmu webag. Waruk apareg, seneg wilil, Nikni Allah wa ulug sembahyang uruk apareg, it epmano kut kut og isaruk wilil, “Orom roti du An nebe ilitoho at-o. Eke orom roti du An nebe hit hinake og hisawon etno-at wereg-o. Ari halug, hiren An nebe etno hinindimu ebetuk amuhuben amiek-o,” ulug yig isebag.

Lukas 22:20

Yig isaruk apagma, it epmano nebag. Arat naruk apagma, eke fobik ik honanggo etno ariroho-at og isaruk apareg, yig isaruk wilil, “Eke fobik hit hurumbik keron etno fam At Allah hinim dambuluhuben ulug, An namep hit hinake deloko umbuhuk etno hag, ambusu honanggo du ilitoho og hisaruk ahi-o,” ulug yig isebag.

Roma 5:15

Ariroho welapahon oke, it biren epmano ilitoho welapag fug-o. Eke at Adam etnowen dag sebahon oke, At Allahen ninabua nisaruk wilil, werlek-at onggo eleg og nisarukon ari inim ilitoho wereg eleg-o. Eke at ap misihen dag sebareg fam, it aphe obog-at waratuk apahon oke, At Allahen nit obog-at ninabua nisaruk wilil og nisarukon etno anggolo-at og nisaruk-o. Ariroho og nisaruk ari, At Allahen ap misig Yesus Kristus etno abua hebareg fam, nit obog ninabua nisarukon onggo eleg-at og nisaruk-o.

Roma 5:19

Eke at ap misihen Allah une holuk sohorep isalug, dag sebag etno fam it aphe obog-at dag suruk apag etno hag, at misihen Allah une holtug fano sebag etno fam it aphe obog At Allah inim fanoroho welamag ulug dambul inapag-o.

1 Korintus 11:25

Naruk apareg, fobik ambusu sohorluk fam hononggowon etno waruk apareg, og isaruk wilil, “Kidia An namep fam At Allah hinim dambuk hinabukon etno ebe du at-o. Ambusu ari naruk wilil, An nobam hinindi ebetuk amuhup-o,” ulug yig isebag.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Kolose 1:14

At Amloho indi hunduhukon etno ninili wawag ulug og nisebareg fam, Aren nit dag suruk aheon epmano sohorep isalug ninapelegsoho apma seberoho imbisarisi-o.

Kolose 1:20

Ari halug, At Allahen yi angge di angge obog epmano nimin dambuluhuken-o, ulug ahla buruk apagma, At Allah Amloho e fam lenggaloko embebagma, warapag etno fam, it apheyen yi dag di dag surukon epmano onggo At Kristusen balfag-o. Eke At Kristusen ariroho sebag etno fam, At Allah yi angge di angge inim, eke yi aphe di aphe inim, eke kweanmon inim, boholmon inim dambulfag-o.

Ibrani 10:29

Ari halug, at ap misihen At Allah Amloho etno ambit heheg, eke At Yesus amep fam aphe inindi dahon horep isalug At Allah inim dambulukon etno hai ulug seberoho embeheg, eke At Roh Kudus ninabua nisarukon etno abug baleheg surukon halug, onggo mondog-at wabukag ulug oag deloko umbukon etno hinindi ebetuk amuk-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

1 Yohanes 2:2

At Kristus etno motoho-at sebag etno fam, dag suruk aheon epmano ninapelegsoho ninombisaharuk-o, eke it aphe obohen dag surukon epmano inim-at inapelegsoho imbisaruk-o.

Wahyu 7:14

eke anden yig ituk wilil, “Nowe, an napeleg-o, Hat-at hiluk-o,” ulug yig iti­kik-o. Yig ituk atikikmu, eke Aren yig nituk wilil, “It aphe du dahon inobam umburuson oke, inili holaruk atusareg waharusa-o. Eke it epmano inasum sabele horoho Wam Domba Udag amep etno fam hulu amag ulug are surusa-o.

Wahyu 7:9

Eke fobik an nilanggen haruk heheg, it aphe obog wanereg eleg wonggaleg welatusa-o. Wonggaleg welatusa ari, o ahik ya da inune urukon inim, o kweanma inungguluag obog inim wonggaleg welatusa-o. Ariroho wilil, At horie uruk ambeg etno inim, At Wam Domba Udag etno inim inolohotma minatuk atusareg, inasum huluon wanteg wilil, ininggikmu werale engga hahon etno dikiksoho seneg welatusa-o.