Matius 26:24 - Allah Wene Hurumbik Keron

²⁴ ulug yig isaruk apareg, eke fobik yig isaruk wilil, “An Allahen minduhup naharision etno holal amuk balfag etno ilitoho-at wararuhuk oke, eke An Allahen minduhup naharision etno nowabukag ulug yonggo laruk du abua-o, ap ari endag atlep fugmen fano-o,” ulug yig isebag.

Matius 26:24 ပူးပေါင်းရင်းမြစ်များ

Matius 18:7

Yi angge di angge epmano fam it aphe dag sukag ulug wereg ari, it o kweanma duma inabua-o. Eke it aphe ninen eke it nin dag sukag ulug inindi kahalik wamuhubon oke, it ariroho suhubon ari inabua-o.

Matius 26:31

Eke fobik At Yesus etnowen yig isaruk wilil, “Alkitab wene baleg fam hurumbik duroho yig nisaruk-o, ‘Anden at wam domba inaso werehon etno waruhuk halug, it domba inim sil nurukon epmano hite wilip amuhup-o,’ ulug yig nisebahon etno ilitoho, hit obog o yoho hupmu nebe sohorep nahalug wilip muhubon oke

Matius 26:54

Eke An ariroho elemen, Alkitab wene baleg etno fam ariroho wabuhup ulug nahurumbik ebahon etno demat seg atisi ulug inahla belep fug-o,” ulug yig epag.

Matius 26:56

eke kidia sen naptuk ahep ari, amuk it nabi ap Allah wene hurumbik yig isaruk apahon etnowen Alkitab wene baleg fam duroho senebuhup ulug embebahon etno demat seg atisi ulug inahla bukag ulug ariroho-at sen naptuk ahep-o,” ulug yig isebag. Yig isaruk apagma, At omini obog-at sohorep isalug hite wilip apag.

Markus 14:21

Yig isaruk apareg, fobik yig isaruk wilil, “An Allahen minduhup naharision holal amuk balfag etno ilitoho-at wararuhuk oke, eke An Allahen minduhup naharision etno nowabukag ulug yonggo laruk du, ap ari endag atlep fugmen fano-o,” ulug yig isebag.

Markus 9:12

Hinog waruk apagma, At etnowen yig isaruk wilil, “Ariroho yig hisaruk ari, at Elia etno bilin waharuk aruhureg, aren yi angge di angge epmano dig dug seko umburuk aruhu, ulug yig hisaruk ari, demat yig hisaruk oke, eke alem misig du hag, An Allahen minduhup naharision etno nobam dag seko embeheg, eke inambit neyeheg suhup, ulug wene baleg wereg ari, keroho ulug wereg buruk ahep-o?” ulug yig isaruk apareg,

Lukas 22:22

Eke At Allahen bilin hurumbik ebag etno ilitoho An Allahen minduhup naharision etno wararuhukon oke, eke at ap senoko og naplug yonggo lahuon ari abua-o,” ulug yig isebag.

Lukas 24:46

“An nahurumbik bilin wene embebahon epmano yig hisamin-o. Ari, At Kristus yi angge di angge dahon etno obam umburuk amuhupmu, inggik henahan welatlug iluksoho minduhupfuhu-o.

Yohanes 17:12

Eke An nebe bilin it ninim wilil, Haren An nindi oag werehep naharikin etno hag, Anden Hat hinuk fam inindi oag werehep isarikik-o. Eke it inebe Haren og nitikinon epmano An inaso wereg neyeheg, misig eleg atisi fug-o. Eke misig eleg atisi ari, bilin wene baleg fam ariroho eleg aruhu-o, ulug ebahon etno demat ebag ulug inahla bukag ulug eleg atisi-o.

Yohanes 19:24

it sehen seneg werehon epmanowen irit uruk wilil, “Sum ari delepsul fug-o. At misihen abit-at holawag ulug helep etno esag esag uk-o,” ulug ebag. Ariroho ebag ari, bilin Alkitab wene baleg etno fam hurumbik uruk wilil, “An nasum etno arat sumburoko holarusa-o. Eke nasum selemon etno holuog ulug helep etno esag esag urusa-o,” ulug wene baleg fam ebahon etno demat ebag inahla bukag ulug, ariroho ebag. Uruk apareg, it ap sehen seneg werehon epmanowen ariroho-at sebag.

Yohanes 19:28

Eke fobik At Yesusen ahla buruk wilil, “An yiroho diroho seko nobam umbukon epmano arat sehesa-o,” ulug indi ebetuk apareg, fobik Alkitab wene baleg fam yig nisebahon etno demat ebag inahla bukag ulug uruk wilil, “An ik oboken-o,” ulug ebag.

Kisah Para Rasul 2:23

Eke At Allahen indi ebetuk wilil, At Yesus senebukagsoho og isahuk ulug ahla buruk apareg og hisarisimu, hiren it ap selemon dahon epmanowen e fam lenggaloko paku waroko umbukag ulug og isarikipseg, hinim watikip-o.

Kisah Para Rasul 28:23

Yig ituk atusama, o ari sambit wene uhuk, ulug at Paulus inim uruk atusareg, it inebe obog at Paulus wereg ambeg wonggalik waharusa. Wonggalik waharuk atusama, at Paulusen Allah weregma sukon wene etno ilikia hubet yig isarisi. Yig isaruk mondog weregma, o hupmu atisi. Eke o ari fam yanggul isaruk wilil, at Musaen ebahon etno yig iseheg, eke it nabien wene holal embebahon epmano yig iseheg suruk wilil, At Yesus ari Kristus at-o ulug iren eberoko wawag ulug yig isarisi.

Kisah Para Rasul 4:28

Watuson oke, eke Haren bilin hahla buruk wilil ariroho seg aruhu-o ulug uruk senahon etno fam-at surusa-o.

1 Korintus 15:3

Eke an og nebahon alem neken hit og hisaruk seyahon wene etno ebe du at-o, eke nit dag suruk nisalug, wene holal balfahon Alkitab fam wereg etno ilitoho At Kristus ebe nit ninonggo-at warapag-o.