Matius 26:18 - Allah Wene Hurumbik Keron

¹⁸ eke At etnowen yig isaruk wilil, “Hit o sili sumu epmano ap misig ambeg laruk atlihipseg, yig ituk wilil, ‘At Ninowe yanggul nisarukon etnowen, Anden sukon etno arat fanggog ehekseg fam, An nomini ninim hat hibam epmen esoho Paskah etno esoko nul-o’ ulug ariroho yig irik aliek-o,” ulug yig isaruk apagma,

Matius 26:18 ပူးပေါင်းရင်းမြစ်များ

Matius 21:3

Loloko walug wamuog ulug su­rukmu, at ap misihen, ‘Eleg-o,’ ulug yig hisaruk halug, hiren, ‘Nit At Ninowe etno nanggom elehen keledai misig wak aliek-o,’ ulug yig nisehek ulug yig imuk-o. Ariroho ilihipmu, aren dulum-at walug aliek ulug yig hisikon-o,” ulug yig isebag.

Matius 23:10

Eke Hinowe suon etno At Kristus ebe misig-at wereg heheg, at misig werlekon ninowe suon ulug yig um ari hai-o.

Matius 23:8

Ariroho suruk oke, eke hit hag apheyen ‘Ninowe yanggul nisarukon’ ulug yig hisao ari hai-o. Hit obog nomin homin welahep etno fam, hinowe ebe misig-at wereg-o.

Matius 26:19

it omini etno At Yesusen yig isebahon etno ilitoho suruk apareg, wam domba etno esoko walug imbik kebag.

Matius 26:2

“Nininggik biren welamuhukseg, esoho inuk Paskah esebuhuk etno hiniluk-o. O ari fam An Allahen minduhup naharision etno e fam lenggaloko nombahalug warep nahukag ulug og isahup-o,” ulug yig isebag.

Matius 26:49

Yig isalug, at Yudas etno bikit At Yesus ambeg laruk apareg, yig ituk wilil, “Ninowe yanggul nisarukon wahaniog,” ulug yig ituk apareg, ambilik mitig hebag.

Markus 5:35

at ap o Allah wene uruk ambeg inaso werehon etno osi nin at ibamen lahap isaruk apagma, waharuk apareg, yig ituk wilil, “Yairus wai. Hat hahaloho etno mondog arat warahama, At Ninowe yanggul nisarukon ari luk ulug yig um fug-o,” ulug yig epag.

Lukas 22:53

Eke An bilin o Allah ibam nintul nantul hit ninim welatukukon epmanowen sen naptikip fuhon oke, kidia hiren senabuog ulug eberehepseg fam, o at setan wereg ambeg hikmu epmanowen sukon etno arat suruk-o,” ulug yig isebag.

Yohanes 11:28

Yig ituk apareg, at Marta etno iog suhuluk uma kebag. Kuruk apareg, at ot Maria etno akeleg-at weregma ambeg lebag. Laruk apareg, yig ituk wilil, “At Ninowe yanggul nisarukon wahareg, epma wilil wol hearuk-o,” ulug yig epag.

Yohanes 12:23

Yig irik laruk apagma, At Yesus etnowen yig isaruk wilil, “An Allahen minduhup naharision etno nebe suon welamag ulug minduhup nahukon etno kidia arat fanggog uruk-o.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 17:1

Eke fobik At Yesusen yi wene di wene obog-at yig isalug, At etno ilanggen boholma lahap haruk apareg uruk wilil, “Nikni-o, misig sukon etno arat fanggog ehek-o. An Hamlohoen Hat hinuk suontep hahakuken, Haren An Hamloho etno ninuk suontep nahin-o.

Yohanes 20:16

Yig ituk apagma, At Yesusen yig ituk wilil, “Maria wai,” ulug yig ituk apagma, hwe etno olohore dahagsoho lahap haruk apareg, it Ibrani inune fam yig ituk wilil, “Rabuni wai,” ulug yig epag ari, eke nit ninune fam, “Nowe yanggul nisarukon wai,” ulug yig epag.

Yohanes 7:30

Yig isaruk apagma, iren At ebe hele wabuog ulug sebahon oke, Aren An o ari sambit nowabuhup ulug ahla burukon etno awan fanggog uruk elehen, ap misig etnowen inggik senepag fug.

Yohanes 7:6

Yig ituk apagma, At Yesus etnowen yig isaruk wilil, “An o epma lawon etno awan fanggog uruk eleg-o. Eke hit o epma nintul nantul lao fano at-o.

Yohanes 7:8

Ari halug, hit hag o epma esetukmu lao ari fano at-o. Eke An hag o epma lawon awan fanggog uruk eleg-o,” ulug yig isebag.