Matius 26:10 - Allah Wene Hurumbik Keron

¹⁰ Ariroho ebahon etno At Yesusen iluk wilil yig isebag, “Hit keroho ulug hwe du indi dahapsuruk ahep-o? An nobam fano amag ulug sehek-o.

Matius 26:10 ပူးပေါင်းရင်းမြစ်များ

Matius 26:11

It aphe inaharek elehon etno nintul nantul hinim welamuhubon oke, An fobik hit ninim welamuhuk fug-o.

Matius 26:9

Ambusu etno fam uang anggen anggolo onggo baloko uang anggen etno it aphe inaharek elehon etno og iselepmen fano-o,” ulug ebag.

Markus 14:6

Winimug yig ituk apagma, At Yesus etnowen yig isaruk wilil, “Ariroho uruk imbisiek-o. Hit keroho ulug hwe du indi dahapsuruk ahep-o? An nobam fano amag ulug sehek-o,” ulug yig isebag.

Lukas 8:49

at ap sembahyang uruk ambeg inaso werehon etno ot misig at ibamen lahapfuruk apagma, waharuk apareg, at Yairus etno yig ituk wilil, “Hat hahaloho etno mondog arat warahama, At Ninowe yanggul nisarukon ari ha luk ulug yig um fug-o,” ulug yig epag.

2 Korintus 9:8

Eke hit yi angge di angge hinindi buruk ahebon epmano At Allahen obam seberoho og hisiog ulug iluk wereg-o. Eke hit hag yi angge di angge ilitoho wilil, it nin sumbut isaruk amag ulug obam seberoho og hisahu at-o.

Galatia 1:7

Eke wene ari ebe eleg oke, eke it ninen hinindi kahalik waharuk wilil, Kristus wene fano wene du at-o, ulug yig hisarukon oke, ebe ninon-at uruk-o.

Galatia 5:12

Eke it wene inenggal-at yig hisarukon ari inawene etno inonggarehen eberegsoho suruk atlep ari fano, eke ariroho suruk isalug, it etno muko wilip isa fano.

Galatia 6:17

Eke an ap misihen enggal wene uruk halug, an nindi seneni anggolo ebebukag ulug fobik ariroho suk fug-o. Eke an At Yesus Kristus awene yig isarukmu, nowatusareg fam, At Yesus anggimbu ulug nobene nahambut wereg-o.

Efesus 2:10

Eke At Allahen ninebe wal haruk apareg, fobik At Kristus Yesus ninim dambuk ninapareg fam, niren fanoroho sukag ulug ninebe ninindi inim keron wal harisi-o. Eke nit ariroho ninobabut fano welamag ulug Aren-at fuloko ninombisahabag-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

1 Timotius 3:1

Ap misihen an aphe inindi aso welaruhuk, ulug ahla buruk halug, yabuk fanowon-at huliog ulug suruk-o, ulug an demat yig hituk ahi-o.

1 Timotius 5:10

eke it apheyen hwe du fano mondog suruk-o, ulug urukon inim, eke udaki fanoroho endag inaptukon etno inim, eke ap huso waharukmu orom fanoroho menag isarukon etno inim, eke it Allah udakion iniog fanoroho ho surukon etno inim, eke it aphe yi angge di angge elehon fanoroho og isarukon etno inim, eke yi seheg di seheg fanoroho surukon etno inim, hweap suhweon etno ariroho wereg isalug ininuk holal fam umburuk amin-o.

2 Timotius 2:21

Eke ari ilitoho ap misihen wene inenggal urukon etno sohorep isaruk halug, sohorluk fanowon anduhunmu wereg etno ilitoho welaruhu-o. Ariroho weregma, At Ninowe etnowen yig isaruk wilil, “Hat hebe fanowon ari yabuk fanowon du suhun-o,” ulug yig iruhu-o.

Titus 1:16

Eke inuneyen nit At Allah ebe niniluk-o ulug urukon oke, eke iren surukon etno fam At Allah ebe inapeleg-at-o, ulug selegma atuk-o. Eke it epmano yi dag di dag seheg, eke Allah wene inesanggo holuk sohorep iseheg, eke fanoroho suruk amon etno inapeleg aheg suruk-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Titus 3:1

Suon inim, it inowesi epmano inim inesanggo fanoroho holtuk wilil, hiren yabuk fanowon misig siek ulug yig nisaruk hisalug, nit suhuk at-o, ulug ukag ulug yig isaruk amin-o.

Titus 3:14

Eke it ninomini Allah wene yanggul isarukon etno yuhun-at yabuk seheg eleg welam nowen ulug yi yabuk di yabuk fanowon inim, eke aphe yalmag isarukon etno inim nintul nantul sukag ulug yig isaruk amin-o.

Titus 3:8

Eke yi wene di wene yig hirihion epmano it aphe fikfag yig isawag ulug yig hiri­hi-o. Eke it obog Allah wene demat ulug eberoko warukon epmanowen nintul nantul yi angge di angge fanowon-at suruk arik ulug inahla bukag ulug yig hirihi-o. Eke yi angge di angge fanoroho suruk wilil, inindi fanowon keron-at heag sahup-o.

Ibrani 13:21

Eke hiren At Allah ahla burukon etno ilitoho suruk amuhuben, At Allah aphe obog dambuk inaptukon etnowen yi angge di angge fanowon epmano og hisawag ulug yig hisehe-o. Eke nit ninebe At Yesus Kristus ninim hunduhuk wereg nisalug, At ahla buluhen-at ninindi yabuk suruk aruhureg, ari fam ahien hawag ulug ehe-o. Ari ehe ari, nintul nantul At Kristus inuk-at suontepfuruk amuk-o, ulug demat yig hisehe-o.

1 Petrus 2:12

Eke it aphe Allah wene waruk elehonen yig hisaruk wilil, hit Allah udaki dag suruk hisehe-o, ulug hinobam denggeluog ulug inahla buruk wilil, iren urukon epmano eleg amag ulug, fanoroho suruk ahebon epmano inilanggen hawag-o. Ariroho hisaruk amuhupseg, iren fobik At Ninowe waruhumu, inuk suontepfuhup-o.