Matius 25:6 - Allah Wene Hurumbik Keron

⁶ Nohoruk iseheg, fobik o hu­banggo ilimbul it aphe ninen inune suon uruk wilil, ‘At ap hwe onggo wiog ulug surukon etno ebe duma arat waha du, hinim heahi war war ilihiben maniek-o,’ ulug uruk apagma,

Matius 25:6 ပူးပေါင်းရင်းမြစ်များ

Matius 24:31

Inilanggen nearukmu, binggon suon etno une uruk heheg, Anden nomalaikat epmano o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Matius 24:44

Ari ilitoho hit An Allahen minduhup naharision etno o ari sambit waruhu ulug hinapelegsoho weregma, waruhu etno hit hinindi fikfag wilil aso welamuk-o,” ulug yig isebag.

Matius 25:1

Eke fobik At Yesusen yig isaruk wilil, “Fobik o ari sambit o boholma Allah weregmen sukon etno it holani nomaloen angge epmanowen sebag etno hag suhu-o. It holani epmanowen inaheral lampu ilitoho epmano holalug, at misig hwe onggo wiog ulug wapahon inim salkal uog ulug lebag-o.

Matius 25:31

Eke fobik At Yesusen yig isaruk wilil, “An Allahen minduhup naharision etno fobik Inowe suon wilil, nomalaikat obog og inaplug waharuk aruhukseg, An nebe e horie urukon e daleg fanowon etno fam horie uhuk-o.

Matius 25:5

Ariroho laruk apareg wilil, at ap hwe onggo wawon etno dulum waharuk elehen aso wilil, nohowen kun kan suruk apareg, fobik mondog nohobag-o.

Matius 25:7

it holani inebe nomalo epmano iniluk atuk apareg, inaheral epmano horog nangguk ariog ulug suruken kwea kwea lebag-o.

Lukas 12:20

Ahla buruk apareg weregma, eke At Allahen yig ituk wilil, ‘Hat kimbu angge neken buruk ahen du, o yoho nohoruk wilil, warapmihin-o. Waratuk apmihinmu, haharek ombataruk ahi buruk ahenon epmano sen unde aruhu-o?’ ulug At Allahen yig epag-o.”

Lukas 12:46

Waharuk aruhureg, it ap inobabut dahon oag deloko selema imbisaruk etno hag, anggimbu dahon epmano oag deloko warep isa waruhu-o.

1 Tesalonika 4:16

Eke aren duroho suhu-o, at malaikat inowe etnowen une suon uruk aruhumu, eke Allah ambinggon etno une uruk heheg, At Ninowe etno ambik waruhu-o. Ambik waharuk aruhureg, it At Kristus obam ebetuk wilil waratuson etno bilin iniluksoho minduhup isahu-o.

2 Petrus 3:10

Eke ap inalomnangge wuog ulug herag herag waharuk etno hag, At Ninowe Yesus hetnogsoho waruhu-o. Waharuk aruhumu, bohol etno une suon uruk wilil, eleg aruhu-o. Eke mo inim, bikalem inim, soholoal inim, yi angge di angge kweanma werehon epmano inim hondoken naruk wilil, eleg aruhu-o.

Wahyu 16:15

Eke hit hine­san­ggo fanoroho holtuk amiek-o. Ap inalomnangge her­aharukon hera­ko waharuk etno hag, hetnogsoho waruhuk-o. Eke it aphe nohoruk elehon inasum yaharoho werehon etno inahien suhup-o. Ariroho suhup ari fam, fobik ineabie wilil selemen inengga­li hahup fug-o.