Matius 25:5 - Allah Wene Hurumbik Keron

⁵ Ariroho laruk apareg wilil, at ap hwe onggo wawon etno dulum waharuk elehen aso wilil, nohowen kun kan suruk apareg, fobik mondog nohobag-o.

Matius 25:5 ပူးပေါင်းရင်းမြစ်များ

Matius 24:48

Eke at anggimbu misig obabut dahon etnowen, ahla buruk wilil, ‘An nikni etno kidia dulum waruhu fug-o,’ ulug ahla buruk atlug,

Matius 25:19

Salepfuruk apagma, fobik it inikni etno iog suhuluk waharuk apareg, at etnowen uang anggen maren obam seberoho ombatarusa ulug hinog og inapag-o.

Matius 25:4

Eke it inebe inindi enggaron etano hag inaheral inim, eke inaminyak sohorluk fam honanggowon epmano inim holalug lebag-o.

Matius 25:6

Nohoruk iseheg, fobik o hu­banggo ilimbul it aphe ninen inune suon uruk wilil, ‘At ap hwe onggo wiog ulug surukon etno ebe duma arat waha du, hinim heahi war war ilihiben maniek-o,’ ulug uruk apagma,

Matius 26:40

Sembahyang uruk apareg, it omini henahan etano inambeg suhuluk wapag. Waharuk apag, it etano nohorukmu ilanggen isaruk apareg, at Petrus etno yig ituk wilil, “Hit hinebe henahan jam misig an ninim niniluk wilil yaharoho welamon etno hai buruk ahep ano?

Matius 26:43

waharuk apag, it omini etno noho inilmu atuken nohorukmu ilanggen isebag.

Lukas 1:21

Yig ituk apagma, it aphe selemon obog at Zakharia aso werehon epmanowen uruk wilil, “At fahe arat wilik watlep oke, o Allah ibam bok wereg du, epma nongge suruk-o?” ulug uruk apagma,

Lukas 12:45

Eke at anggimbu minduhupfirision etno indimu ebetuk wili, ‘An nowe etno kidia dulum waruhu fug-o,’ ulug ahla buruk atlug, at omini anggimbu neken werehon epmano ap inim hweap inim obog-at yikangge war inabeg, orom ahumsoho nenggeg, eke ik nenek surukon etno nalug, nenek seheg suruk wilil, at anggimbu etno aso welam sohorepfisalug weregma, at owe etno hurumbik yig itlug eleg hetnogsoho waruhu-o.

Lukas 18:8

Dulum-at yalmako imbisaruk aruhureg, inili wahu-o. Inili wahuon oke, fobik An Allahen minduhup naharision etno o kweanma duma ambik waruhukseg, it aphe An nobam ebetukon epmano inebe nilanggen isahuk ano, eleg ano?” ulug At Yesusen yig isebag.

Lukas 20:9

Eke fobik At Yesusen it aphe epmano wene ilitoho neken yig isaruk wilil, “Ap misihen e anggur i yatil lebag-o. I yatil laruk apareg, at eyabuk og inaptuk heheg, at ebe bikalem anggolo o misig welariog ulug ibam etno sohorep isalug, o yatma-at lebag-o.

Roma 13:11

Eke kidia o ari sambit welahe ulug hiniluk halug, ariroho yig hisihion epmano ilitoho-at suruk amuk-o. Eke hit nohoruk amon etno sohorep isalug, kidia minamon etno fam arat fanggog ehek-o. Eke fobik ninili wahu ulug ninahla buruk atukukon oke, ninili wawon etno horog fanggog uruk-o.

Efesus 5:14

Eke yi wene di wene bukaloko yig nisarukon ari o seleg etno ilitoho wereg-o. Eke ari fam Alkitab etnowen yig nisaruk wilil, “Hat nohoruk ahen du hiluk amin-o. Hiluk atlug it warehon wereg ambeg eke warehon neken welamon etno sohorep isalug, hiluksoho minamin-o.

1 Petrus 5:8

Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.

Wahyu 2:25

Ari halug, hiren An wamon etno naso wilil, hinindi oag weregsoho welamiek-o.