Matius 25:46 - Allah Wene Hurumbik Keron

⁴⁶ Ariroho yig isaruk aruhukmu, it epmano o hondok olokma initog mondog welam ambeg epmano-at lahup-o. Eke it inobabut fanowon epmano hag, o fanoma iniluk mondog welamuhup ambeg epmano-at lahup-o,” ulug yig isebag.

Matius 25:46 ပူးပေါင်းရင်းမြစ်များ

Matius 13:43

Epma imbisaruk amuhupmu, eke it Allah udaki etno inolohore mo neken yatuk wilil, Inikni wereg ambeg epma inim wilil initog mondog welamuhup-o. Eke hit hinesanggo wereg halug, wene ari fanoroho holtuk amiek-o,” ulug At Yesusen yig isebag.

Matius 19:16

Eke fobik o misihim ap misig At Yesus ambeg laruk apareg, yig ituk wilil, “Ninowe yanggul nisarukon wai. An niluk welamon etno holahuken keroho fano sukag ulug hahla buruk ahen-o?” ulug yig epag.

Matius 19:29

Eke hiren An ninuk su amag ulug hinifaleg inim, eke hinowe not inim, eke hiniknisi hinisasi inim eke hinudaki inim, eke hineyabuk inim obog-at sohorep isahup halug, Anden kidia-at inubulukmu obam seberoho obog-at og hisaruk ahi ari, fobik hiniluk mondog welamon etno-at og hisahuk-o.

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Matius 25:45

Ariroho yig nituk amuhupmu, eke An Hinowe etnowen yig isaruk wilil, ‘Hit nabua sirikip fug ulug yig hisihi ari, hiren it ap An nosi doron epmano inabua suruk atikip fug epmano fam, An nebe-at nabua suruk atikip fug ulug yig hisihi ari, demat yig hisihi-o,’ ulug yig isahuk-o.

Lukas 16:26

Eke o nit wereg ambeg dumen hat welahen ambeg epma huli suon kahaleg weregma, nit dumen hat hambeg ambik wam hai-o. Eke hat wereg ambeg epmen nit ninambeg duma lahik wam hai-o,’ ulug yig epag-o.

Yohanes 17:2

Eke An nebe etno it yi aphe di aphe obog-at Inowe suon welamag ulug minduhup naharikinteg fam, Anden it aphe Haren og nitikinon epmano Anden iniluk welamon etno og isiog ulug suruk ahi-o.

Yohanes 3:36

Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Yohanes 4:14

Eke it aphe obog ik Anden og isahukon etno nahup halug, fobik obok hahup fug-o. Ik Anden og isahukon ari, eleruk inindimuen funaloko wilip atuk halug, ik ilukon etno anggolo aruhu-o. Anggolo atuk halug, etno fam iniluk welamon etno holahup-o,” ulug yig epag.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Yohanes 5:29

Minatuk amuhupmu, it fano suruk atuson halug, iniluk welamon etno-at holawag ulug minduhup isahuk-o. Eke it dag suruk atuson halug, o dagma welamon etno-at holawag ulug minduhup isahuk-o,” ulug yig isebag.

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

Yohanes 6:40

eke fobik ahla bebahon misig yig nituk wilil, it yi aphe di aphe obohen Namloho hat inilanggen heahupseg, hobam ebetuk isalug, Anden iniluk welamon etno og isahuk-o. Ariroho og isaruk aruhukseg, fobik o ari fam obog-at iniluksoho minduhup isahuk-o, ulug yig nepahon etno-at yig hisaruk ahi-o,” ulug yig isebag.

Kisah Para Rasul 13:46

Enggali watuk apagma, it Paulus Barnabas etanowen inakol elegsoho yig isaruk wilil, “At Allah awene etno bilin hit-at yig hisuog ulug welahe-o. Ariroho yig hisuog ulug welahe oke, eke hiren ninambit-o ulug uruk wilil, hinili wawon etno sohorep isehepseg fam, niren hit yig hisao sohorep hisahalug, it Allah wene inapelehon epmano-at yig isa lahuk-o.

Kisah Para Rasul 13:48

it Allah wene inapelehon epmano inahien anggolo haruk wilil, Allah wene etno demat ulug suontepfebag. Suontepfuruk apareg, eke it iniluk initog mondog welamag ulug heako imbisebahon epmano wene eberoko webag.

Kisah Para Rasul 24:15

Eke At Allahen aphe fanowon inim, dahon inim iniluksoho minduhup isahuon it Yahudi aben demat ulug inindi ebetuk etno hag, anden ariroho-at ebetuk ahi-o.

Roma 5:21

Eke ari halug, alem dag surukon etnowen alem waratukon oag werehepfebag etno hag, alem At Allahen ninabua nisarukon etnowen alem dahon ninobam weregma elehepfukon etno oag werehepfuruk-o. Eke ariroho alem dahon ninobam weregma elehep nisaharisireg, At Yesus Kristus inuk fam ninitog mondog niniluk welamon etno-at og nisaruk-o.

Roma 6:23

Eke dag surukon ari onggo waratukon etno-at og isaruk-o. Eke At Allahen ninabua nisaruk wilil onggo eleg yuhun-at og nisarukon ari, At Ninowe Yesus Kristus ninim niniluk mondog welamon etno-at og nisaruk-o.

Galatia 6:8

Eke At Roh Kudusen yig isarukmu fanoroho surukon etno i neken yag sahup halug, At Roh Kudusen og isarukmu o fanoma wilil iniluk welamon etno anggen neken bal sahup-o.

2 Tesalonika 1:9

Imbisaruk amuhupmu, it epmano epma wilil, it At Allah olohore halug eleg At suon oag werehon etno inim welamuhup fug-o.

1 Yohanes 2:25

Eke mondog hinim hiniluk welamon etno At Yesusen hurumbik arat yig nisebag-o.

Yudas 1:21

Hit Allah hinim wilil, Hinikni hinindi hunduhuk welamuhup-o. At Yesus Kristus hit hinabuen hiniluk welamon og hisahuon etno-at aso welamuhup-o.

Wahyu 20:10

Ariroho war inaptuk atisi­reg, at iblis enggal wene urukon etno o hondok olokma hik hari­si-o. Hik haruk atisimu, at iblis etno inim, at walo suon etno inim, at nabi enggal wene yig isarukon etno inim o hondok olok­ma weregma, it etano nintul nantul hondoken inaruk aruhu-o.

Wahyu 20:15

Nin eke niniluk wela­mon holal embebahon etno fam ininuk elehon halug, hondok olokma imbisarukmu harikik-o.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.