Matius 25:35 - Allah Wene Hurumbik Keron

³⁵ Eke An nebe bilin orom obok wereg nealug, hiren menag nituk atikip-o. Eke An ik oboken suruk nealug, hiren-at menag nituk atikip-o. Eke An nebe ap huso neken waharuk nealug, hit hinibam ninim welamulen ulug yig nituk atikip-o.

Matius 25:35 ပူးပေါင်းရင်းမြစ်များ

Ibrani 13:16

Eke hiren fanoroho suruk amon etno hinapeleg am sohorep isalug, hit hit nabua habua suruk amuk-o. Ariroho suruk wilil, At Allah ake umburuk etno hag suruk hisalug, ahien hisahu-o.

Yakobus 1:27

Eke At Ninikni Allah etno awene waruk nisalug, duroho suk-o; it udag inisasi elehon halug orom og iseheg, eke it hweap suhweon halug yalmag iseheg, eke kweanmen surukon etno seberoho embeheg suruk amuk-o.

Roma 12:13

Eke it hinomini nin Allah udakion epmano inaharek eleg halug, yi angge di angge fikfag og isaruk amuk-o. Eke ap huso yatmen waharuk isalug fanoroho-at ninim nohulen ulug yig isimuk-o.

Roma 12:20

“It hinim healeg welahebon epmano orom obok wereg isalug, hiren fikfag menag isimuk-at-o. Eke ik obok wereg isalug, ik og isimuk at-o. Hiren ariroho suruk hisalug, iren hinim healeg welahebon epmano alem elehepfuog ulug suruk isahup-o,” ulug yig nisaruk-o.

Ibrani 6:10

Eke At Allahen dahan fahan suruk eleg-o. Ari halug, hit yabuk fanowon suruk atikibon etno inim, eke At Allah hinindi hunduhuk wilil hinomini At Kristus awene warukon epmano inabuen yi angge di angge nintul nantul og isaruk atikibon epmano inim obog-at apeleg aruhu fug-o.

Filemon 1:7

Eke ari halug, nomin nindi hunduhukon wai. Hat it Allah udaki obog hinim hindi hunduhuk wilil, haren inin­di fano inaptuk ahenon etno nesanggo holtikikseg, nahien anggo­lo haruk wilil, nonggarehen nindi oag werehepatarikik-o.

1 Timotius 5:10

eke it apheyen hwe du fano mondog suruk-o, ulug urukon inim, eke udaki fanoroho endag inaptukon etno inim, eke ap huso waharukmu orom fanoroho menag isarukon etno inim, eke it Allah udakion iniog fanoroho ho surukon etno inim, eke it aphe yi angge di angge elehon fanoroho og isarukon etno inim, eke yi seheg di seheg fanoroho surukon etno inim, hweap suhweon etno ariroho wereg isalug ininuk holal fam umburuk amin-o.

Efesus 4:28

Eke at ap alomnangge heraharuk atision etno herahuk sohorep isalug, eyabuk holaruk am ari fano-o. Eyabuk holalug, inggik fam yabuk suruk wilil, at aharek wereg aruhumu, it inaharek elehon epmano menag isawon wereg aruhu-o.

Roma 16:23

Eke at Gayus, an nebe inim, eke it Allah udaki obog inim ibam og ninaplug kurukon etnowen inim-at heahi war hinaptuk-o. Eke at Erastus o duma uang unde werehon etno inim, eke at ninomin Kwartus etno inimen heahi war hinaptuk-o.

Kisah Para Rasul 16:15

Waruk atisimu, at inim eke at ibam werehon aphe epmano inim ikma belap inaptusa. Ikma belap inaptuk atusama, at hwe etnowen yig nisaruk wilil, “Hit demat hwe du Yesus wene eberoko waruk ulug buruk ahep halug, hit an ninim nibam epma welamuhuken maniek,” ulug une oag weregsoho yig nisaruk atisimu, o epma ninim welatukuk.

Kisah Para Rasul 11:29

Yig isebareg weregma, it Allah wene warukon epmanowen uang it inomini o Yerusalem werehon epmano og isuog ulug balu sebag.

Kisah Para Rasul 10:31

yig nituk wilil, ‘Kornelius wai, hat sembahyang irikinon etno At Allahen esanggo holtisireg, haren inabuap sirikinon epmano iluk atisi-o.

Kisah Para Rasul 4:32

Nin eke, it Allah wene webahon epmano inindi misig-at dambulig welapag. Inindi misig-at dambulig wilil, du an naharek uruk apag fug. Nit obog ninaharek-o, ulug uruk apag.

Yohanes 13:29

inahla buruk wilil, “At wene yig erehek ari, at Yudas nit ninahuang anggen eset seneg etno famen, esoho etno esebulen yi angge di angge hundirik lawag ulug yig erehek ano, eke it ap inaharek elehon epmano uang anggen og isa lawag ulug yig erehek ano,” ulug inahla bebag.

Lukas 11:41

Eke hit hinaheserangge hinahik oag epmano it inaharek elehon epmano nawag ulug og isalihipmu, it naruk atlug horoho-at og hisukon-o,” ulug yig isebag.

Markus 14:7

Yig isaruk apareg, eke fobik yig isaruk wilil, “It ap inaharek elehon epmano nintul nantul hinim welamuhup etno fam, yi angge di angge og isuog ulug hinindi eberoko og isaruk amuhup oke, An fobik hit ninim welamuhuk fug-o.

Matius 26:11

It aphe inaharek elehon etno nintul nantul hinim welamuhubon oke, An fobik hit ninim welamuhuk fug-o.

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.