Matius 25:34 - Allah Wene Hurumbik Keron

³⁴ An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 25:34 ပူးပေါင်းရင်းမြစ်များ

Matius 13:35

Ariroho yig isebag ari, amuk at nabi etnowen hurumbik yig isaruk wilil, “Wene yig isahukon etno ilitoho neken-at yig isahuk-o. Eke yi wene di wene kweanma wal hebahon etno fam hurumbik inapeleg welatuson epmano anden yig isahuk-o,” ulug at nabien ebahon etno hurumbik demat ebag-o ulug it aphe epmanowen inindi ebebukag ulug, At Yesusen wene ilitoho neken-at yig isebag.

Matius 19:29

Eke hiren An ninuk su amag ulug hinifaleg inim, eke hinowe not inim, eke hiniknisi hinisasi inim eke hinudaki inim, eke hineyabuk inim obog-at sohorep isahup halug, Anden kidia-at inubulukmu obam seberoho obog-at og hisaruk ahi ari, fobik hiniluk mondog welamon etno-at og hisahuk-o.

Matius 20:23

Yig ituk apagma, eke At Yesusen yig isaruk wilil, “An nahik honanggo nahukon etno, hit ninim-at nahuk oke, eke hit hinebe etno hag Anden ninggik femag femag minduhup hisahuk ari eleg-o. It An Niknien ahla bebahon etno-at ariroho minduhup isaruk aruhureg, welamuhup-o,” ulug yig isebag.

Matius 21:5

“It aphe o Sion werehon epmano At Hinowe etno kidia hinambeg waharuk ulug yig isimuk-o. Eke At ebe indi seberoho wilil, fano mondog werehon etno wam keledai udag etno amboloag fam laruk-o, ulug hurumbik ebahon demat seg atisi-o ulug inahla bukag,” ulug ariro­ho yig isebag.

Matius 25:21

Yig ituk apagma, at ikni etnowen yig ituk wilil, ‘Hat nanggimbu hobabut fanoroho wilil yabuk suk harug fanowon etno ilitoho-at sirikin-o. Eke uang anggen dorat oke, fanoroho aso welatikin ari famen, fobik uang anggen anggolo aso welamag ulug minduhup hahakuk-o. Ariroho minduhup hahakuk ari, an hikni ninim ninahien hahuken ninim kuhuk-o,’ ulug yig epag-o.

Matius 25:23

Yig ituk apagma, at ikni etnowen yig ituk wilil, ‘Hat nanggimbu hobabut fanoroho wilil yabuk suk harug fanowon etno ilitoho-at sirikin-o. Eke uang anggen dorat oke, fanoroho aso welatikin ari famen, fobik uang anggen anggolo aso welamag ulug minduhup hahakuk-o. Ariroho minduhup hahakuk ari, an hikni ninim ninahien hahuken ninim kuhuk-o,’ ulug yig epag-o.

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Matius 25:41

Ariroho yig isaruk aruhukseg, eke fobik it aphe ninggik harebag fil werehon epmano yig isaruk wilil, ‘Hit aphe wene homali neken hinobam werehon du, hinebe An wereg ambeg dumen wilip amiek-o. Wilip atuk atlihipseg, o hondok olokma at iblis ebe inim eke it at anggimbu epmano inim welamag ulug embebag ambeg epmano-at hinim welamuhuben aliek-o.

Matius 27:37

Horie uruk apareg wilil, ungguluag fam anduhunmu epmano holal misig ‘At ebe an Yahudi ap inowe suon-at irisi etno fam warehe-o,’ ulug e kahaleg etno fam holal baloko embebag.

Matius 3:2

Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Matius 5:19

Eke wene duroho suruk amuk eke duroho suruk am fug ulug ebahon etno alem misig sohorep isalug aphe ariroho-at yanggul isarukon halug, boholma Allah weregmen At inuk dorontepfuhu-o. Eke wene duroho suruk amuk eke duroho suruk am fug ebahon etno ilitoho seheg, aphe fanoro­ho yanggul iseheg suruk halug, boholma Allah weregmen At inuk suontepfu­hu-o.

Markus 10:17

Eke fobik kwalem suon liog ulug suruk apagma, ap misig At ambeg buahen laruk apareg, indibahal yungguksoho ut wandukseg wilil, “Ninowe-o, Hat wene fanoroho yanggul nisaruk ahenon du, an niluk welamon etno holahuken keroho sukag ulug hahla buruk ahen-o?” ulug yig epag.

Markus 10:40

eke hit hinebe etano hag Anden ninggik femag femag minduhup hisahuk ari eleg-o. At Allahen ahla bebahon etno-at ariroho minduhup isahu-o,” ulug yig isebag.

Lukas 11:28

At Yesusen yig ituk wilil, “Eleg-o, it Allah wene inesanggo holtug ilitoho surukon ari it-at fano wereg-o,” ulug esanggo wapag.

Lukas 11:50

‘It nabi ap inim, eke it inayonggo umburukon epmano inim inambeg lahap isahukmu, nin warep iseheg, nin muko wilip iseheg suruk amuhup-o,’ ulug yig isebareg fam, amuk it nabi ap war inapahon epmano inonggo hit kidia welahebon war hinabuhu-o.

Lukas 12:32

At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Lukas 19:38

“At Ninowe Ninikni inuk fam wahaon du At Allah ahien obam umbukag-o. Eke boholmen dambuk ninaptuk etno fam At Allah inuk suontepfuruk amuk-o,” ulug heahi watuk apag.

Yohanes 1:49

Yig ituk apagma, eke at Natanael etnowen yig ituk wilil, “Ninowe yanggul nisarukon wai, Hat At Allah Amloho-at welahen hiyihi-o. Ari fam nit Israel ap Ninowe suon-at welahen hiyihi-o,” ulug yig epag.

Yohanes 12:13

werale engga baloko walug At Yesus inim heahi wabuog ulug olohotma laruk apareg, inune suon uruk wilil, “Niren At Allah inuk-at suontepfuk-o. Ariroho suontepfuruk wilil, At ap Ninikni etno inuk fam waharukon du At Allah ahien obam umbukag ulug ehe-o. Ariroho ehe ari, nit Israel ap Ninowe inuk suon etno At Allah ahien obam umbukag ulug ehe-o,” ulug uruk apag.

Yohanes 17:24

Eke Haren it inebe etno og nitikinteg fam, it inebe An wereg ambeg epma ninim welam nindi-o. It inebe epma wilil, Haren suontep naharuk ahenon etno inilanggen hahup-o. Eke Haren o kweanma duma awan wal haruk eleg wilil, An nobam hindi hunduhuk welahenag-o Nikni.

Yohanes 19:15

Yig isaruk apagma, it epmanowen inune suon uruk wilil, “Eleg-o, At ebe e fam lenggaloko umbulug mondog-at warepfin-o,” ulug yig epag. Yig ituk apagma, at Pilatus etnowen yig isaruk wilil, “Hit ariroho ehep ari, hinowe suon etno e fam lenggaloko umbukag ulug yig nerehep ano?” ulug yig isebag. Yig isaruk apagma, it Allah unde inowesi suon epmanowen yig ituk wilil, “Nit ninowe suon ari, at Kaisar misig akeleg-at wereg-o,” ulug yig ituk apagma,

Kisah Para Rasul 15:18

ulug At Allahen amuk hurumbik ebahon etno wereg-o,” ulug at Yakobusen yig isaruk apareg,

Kisah Para Rasul 3:26

At Amloho iluksoho minduhupfirisimu, bilin hit obog yi dag di dag suruk atikibon epmano sohorep isalug fano hinabukag ulug belap hisa waharisi-o,” ulug at Petrusen yig isaruk apag.

Roma 8:17

Eke nit At Allah udaki wereg nisalug, At udaki ahien inobam umbukon etno nit inim-at og nisahu-o. Eke Aren angge At Kristus og iruhuon etno nit inim-at og nisahu-o. Eke At Kristus ninim dahon etno ninobam umburuk isalug, At ninim-at suontep nisaharuk aruhu-o.

1 Korintus 15:50

Eke alem du farim yig hisihi-o, nomini, ninebe ninahap kweanmon etno At Allah wereg ambeg kulug Aren angge etno holao ari hai-o. Eke filik atukon epmanowen dag atuk elehon etno holao ari hai-o.

1 Korintus 2:9

Eke wene misig du Alkitab fam weregma yig nisaruk wilil, “It aben inilanggen haruk apag fuhon etno inim eke inesanggo holtuk apag fuhon etno inim eke inindi ebetuk apag fuhon etno inim, At Allahen nit aphe At obam hinindi hunduhuk welaheon etno og nisiog ulug dugsoho ninombisahabag-o.”

1 Korintus 6:9

Eke it aphe dag surukon epmano fobik At Allah weregma lahup fug etno hit hinapeleg ano? Hinindimuen hinenggal-at ebetuk am fug-o.

Galatia 5:21

eke aphe inambit hun inaptukon etno inim, eke ap watukon etno inim, eke it e anggur ambusu donggogsoho narukmu nenek surukon etno inim, eke inahum fituk heheg narukon etno inim, yi angge di angge arion obog-at suruk am fug ulug yig hisarikikon etno fobik inim-at dahagsoho yig hisamin-o. Eke it aphe obog ariroho surukon epmano fobik At Allah weregma kuhup fug-o.

Efesus 5:5

Eke alem misig du inim yig hisamin-o, it wanggik surukon etno inim, eke it fano suk sohorep isawon surukon etno inim, eke it yi angge di angge an-at hulik ulug uruk wilil, it inaharek ninamonggat ulug suontepfurukon etno inim it obog-at At Kristus Allah inim weregma kuhup fug-o.

1 Tesalonika 2:12

Eke hinesanggo wareheg, eke yonggon hinabeheg suruk wilil, At Allahen an weregma ninim suon welamuhuken ulug wol hinaptuk-o ulug ariroho yig hisaruk wilil, At Allah ahien hisawagsoho hit Allah wene etno ilitoho suruk amiek-o, ulug yig hisaruk atukuk-o.

2 Timotius 2:12

Eke it ninen dahon etno ninobam umburukmu, ninahla bugsoho welamuhuk halug, At ninim-at suon welamuhuk-o. Eke At ebe ninapeleg uruk nisalug, Aren hit hinebe an napeleg ulug yig nisahu-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Ibrani 1:14

Ari halug, it malaikat etno sa ilitoho wereg buruk ahep-o? It inebe ari, aphe inahut neken wilil, At Allah inuk yig isarukon At anggimbu-at wereg-o. Eke it aphe inili holahubon etno inaso welamag ulug At Allahen-at lahap isaruk-o. Ariroho lahap isaruk halug, it ineyabuk ari-at wereg-o.

Ibrani 11:16

Ariroho lelebon oke, it inibam boholmon fanowon etno-at heag suog ulug sebag-o. Ariroho heag suog ulug suruk apagma, At Allahen Hinikni an at-o, ulug yig isaruk wilil, ambit isebag fug-o. Aren it inibam suon etno-at fal inaptuk apag-o.

Ibrani 4:3

Mot apag fuhon oke, nit wene eberoko waruk aheon etno hag o At Allah ninim kelsahuk ambeg etno kuhuk at-o. Eke bilin At Allahen it aphe epmano asine isaruk wilil, “An nahla buruk atikikseg, nasineyen uruk wilil, it aphe du hag fobik o kelsahuk ambeg epma ninim kuhuk fug-o,” ulug ebag etno demat ebag-o. Ariroho ebag ari, At Allahen o kweanma duma arat wal hebareg ebag-o.

Ibrani 9:26

o kweanma duma alem bilin wal hebag etno famen dahon etno obam umburukmu, nintul nantul-at waratlep-o. Ariroho selebon oke, kidia o ebe elehap sukon etno fanggog uruk heheg, At ebe etno misihim-at waharuk apareg, it apheyen dag surukon epmano elehap siog ulug At ebe misihim-at Allah ake ombatebag-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

1 Petrus 1:9

fanoroho hinombisahukon etno hinindi ebetuk ahep halug, etno-at waruk ahep-o.

1 Petrus 3:9

Dahon hinobam umburuk isalug, hiren dahon inobam umbuk fug-o. Eke inune dahon yig hisaruk isalug, hiren hinune dahon inobam umbuk fug-o. Ariroho umbuk fug ulug yig hisihion oke, hit hinahien inobam umburuk amuk-o. Ari At Allahen nahien hinobam umburuk aruhuk, ulug wol hisarisi etno hag fanoroho suruk amuk-o.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.

Wahyu 17:8

Walo ebe hehe­non ari, bilin iluk welatisireg, waratisi-o. Waratision oke, kwean kahaleg ambehen lahik waha­ruk arikonma, fobik mondog warepfikon-o. Eke it aphe o kweanmon buku iniluk welamon etno fam ininuk holal baleg elehon etnowen walo suon etno ebe inil hukonteg, inakol hukon-o. Inakol hukon ari, walo suon etno bilin iluk welatisireg, eke fobik waratisi­on etno iluk ahareg warikon etno fam inakol hukon-o.

Wahyu 19:16

Ariro­ho ahla birisireg, Ap du yi aphe di aphe inowesi epmano Inowe suon-at wereg-o ulug asum fam eke iog fam inim holal baleg welatisi-o.

Wahyu 21:7

Eke it inoag weregsoho anduhunmu welamuhubon etno An nudaki neken yi angge di angge obog-at og isahuk-o. Eke iren, “Ninikni Allah,” ulug yig nituk amuhup-o. Eke Anden, “Nudaki-o,” ulug og inaptuk aruhuk-o.

Wahyu 5:10

Ariroho amburuk senareg fam, it hudaki epmano At Allah anggimbu wilil, eyabuk fanowon etno suruk amag ulug minduhup isaruk senag-o. Ariroho minduhup isaruk senareg fam, o kweanma epmen suon neken-at welamuhup-o,” ulug di misig etno urusa-o.